Aeschylus, Suppliant Women, choral, antistrophe 3

ἀμφοτέρουσ ὁμαίμων τάδ’ ἐπισκοπεῖ Ζεὺσ ἑτερορρεπήσ, νέμων εἰκότωσ ἄδικα μὲν κακοῖσ, ὅσια δ’ ἐννόμοισ. τί τῶνδ’ ἐξ ἴσου ῥεπομένων μεταλ‐ γεῖσ τὸ δίκαιον ἔρξασ; δεῖ τοι βαθείασ φροντίδοσ σωτηρίου, δίκην κολυμβητῆροσ, ἐσ βυθὸν μολεῖν δεδορκὸσ ὄμμα, μηδ’ ἄγαν ᾠνωμένον, ὅπωσ ἄνατα ταῦτα πρῶτα μὲν πόλει, αὐτοῖσί θ’ ἡμῖν ἐκτελευτήσει καλῶσ, καὶ μήτε δῆρισ ῥυσίων ἐφάψεται μήτ’ ἐν θεῶν ἕδραισιν ὧδ’ ἱδρυμένασ ἐκδόντεσ ὑμᾶσ τὸν πανώλεθρον θεὸν βαρὺν ξύνοικον θησόμεσθ’ ἀλάστορα, ὃσ οὐδ’ ἐν Αἵδου τὸν θανόντ’ ἐλευθεροῖ. μῶν οὐ δοκεῖ δεῖν φροντίδοσ σωτηρίου;