Aeschylus, Suppliant Women, choral, antistrophe 2

τὸν ὑψόθεν σκοπὸν ἐπισκόπει, φύλακα πολυπόνων βροτῶν, οἳ τοῖσ πέλασ προσήμενοι δίκασ οὐ τυγχάνουσιν ἐννόμου. μένει τοι Ζηνὸσ ἱκταίου κότοσ δυσπαραθέλκτουσ παθόντοσ οἴκτοισ. εἴ τοι κρατοῦσι παῖδεσ Αἰγύπτου σέθεν νόμῳ πόλεωσ, φάσκοντεσ ἐγγύτατα γένουσ εἶναι, τίσ ἂν τοῖσδ’ ἀντιωθῆναι θέλοι; δεῖ τοί σε φεύγειν κατὰ νόμουσ τοὺσ οἴκοθεν, ὡσ οὐκ ἔχουσιν κῦροσ οὐδὲν ἀμφὶ σοῦ.