헬라어 문장 검색 - Αεσξηψ́ΣεϝενΑγ́05́

(아이스킬로스, 테바이를 공격한 일곱 장수, episode)

καὶ μὴν ἀκούω γ’ ἱππικῶν φρυαγμάτων. μή νυν ἀκούουσ’ ἐμφανῶσ ἄκου’ ἄγαν. στένει πόλισμα γῆθεν, ὡσ κυκλουμένων. οὐκοῦν ἔμ’ ἀρκεῖ τῶνδε βουλεύειν πέρι. δέδοικ’, ἀραγμὸσ δ’ ἐν πύλαισ ὀφέλλεται. οὐ σῖγα μηδὲν τῶνδ’ ἐρεῖσ κατὰ πτόλιν; ὦ ξυντέλεια, μὴ προδῷσ πυργώματα. οὐκ ἐσ φθόρον σιγῶσ’ ἀνασχήσῃ τάδε; θεοὶ πολῖται, μή με δουλείασ τυχεῖν. αὐτὴ σὺ δουλοῖσ κἀμὲ καὶ πᾶσαν πόλιν. ὦ παγκρατὲσ Ζεῦ, τρέψον εἰσ ἐχθροὺσ βέλοσ. ὦ Ζεῦ, γυναικῶν οἱο͂ν ὤπασασ γένοσ. μοχθηρόν, ὥσπερ ἄνδρασ ὧν ἁλῷ πόλισ. παλινστομεῖσ αὖ θιγγάνουσ’ ἀγαλμάτων; ἀψυχίᾳ γὰρ γλῶσσαν ἁρπάζει φόβοσ. αἰτουμένῳ μοι κοῦφον εἰ δοίησ τέλοσ. λέγοισ ἂν ὡσ τάχιστα, καὶ τάχ’ εἴσομαι. σίγησον, ὦ τάλαινα, μὴ φίλουσ φόβει. σιγῶ· σὺν ἄλλοισ πείσομαι τὸ μόρσιμον. τοῦτ’ ἀντ’ ἐκείνων τοὔποσ αἱροῦμαι σέθεν. καὶ πρόσ γε τούτοισ, ἐκτὸσ οὖσ’ ἀγαλμάτων, εὔχου τὰ κρείσσω, ξυμμάχουσ εἶναι θεούσ· κἀμῶν ἀκούσασ’ εὐγμάτων, ἔπειτα σὺ ὀλολυγμὸν ἱερὸν εὐμενῆ παιώνισον, Ἑλληνικὸν νόμισμα θυστάδοσ βοῆσ, θάρσοσ φίλοισ, λύουσα πολέμιον φόβον. ἐγὼ δὲ χώρασ τοῖσ πολισσούχοισ θεοῖσ, πεδιονόμοισ τε κἀγορᾶσ ἐπισκόποισ, Δίρκησ τε πηγαῖσ, ὕδατί τ’ Ἰσμηνοῦ λέγω εὖ ξυντυχόντων καὶ πόλεωσ σεσωμένησ, μήλοισιν αἱμάσσοντασ ἑστίασ θεῶν, ταυροκτονοῦντασ θεοῖσιν, ὧδ’ ἐπεύχομαι θύσειν τροπαῖα, δαί̈ων δ’ ἐσθήματα, στέψω λάφυρα δουρίπληχθ’ ἁγνοῖσ δόμοισ. στέψω πρὸ ναῶν, πολεμίων δ’ ἐσθήματα. τοιαῦτ’ ἐπεύχου μὴ φιλοστόνωσ θεοῖσ, μηδ’ ἐν ματαίοισ κἀγρίοισ ποιφύγμασιν·

οὐ γάρ τι μᾶλλον μὴ φύγῃσ τὸ μόρσιμον. ἐγὼ δέ γ’ ἄνδρασ ἓξ ἐμοὶ σὺν ἑβδόμῳ ἀντηρέτασ ἐχθροῖσι τὸν μέγαν τρόπον εἰσ ἑπτατειχεῖσ ἐξόδουσ τάξω μολών, πρὶν ἀγγέλουσ σπερχνούσ τε καὶ ταχυρρόθουσ λόγουσ ἱκέσθαι καὶ φλέγειν χρείασ ὕπο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Seven Against Thebes, episode

(아이스킬로스, 테바이를 공격한 일곱 장수, episode)

상위

목록

SEARCH

MENU NAVIGATION