헬라어 문장 검색 - Αεσξηψ́Προμετή09́1́02́

(아이스킬로스, 결박된 프로메테우스, episode, lyric 2:)

πρῶτον μὲν ἐνθένδ’ ἡλίου πρὸσ ἀντολὰσ στρέψασα σαυτὴν στεῖχ’ ἀνηρότουσ γύασ· Σκύθασ δ’ ἀφίξῃ νομάδασ, οἳ πλεκτὰσ στέγασ πεδάρσιοι ναίουσ’ ἐπ’ εὐκύκλοισ ὄχοισ ἑκηβόλοισ τόξοισιν ἐξηρτυμένοι· οἷσ μὴ πελάζειν, ἀλλ’ ἁλιστόνοισ πόδασ χρίμπτουσα ῥαχίαισιν ἐκπερᾶν χθόνα. λαιᾶσ δὲ χειρὸσ οἱ σιδηροτέκτονεσ οἰκοῦσι Χάλυβεσ, οὓσ φυλάξασθαί σε χρή. ἀνήμεροι γὰρ οὐδὲ πρόσπλατοι ξένοισ. ἥξεισ δ’ Ὑβριστὴν ποταμὸν οὐ ψευδώνυμον, ὃν μὴ περάσῃσ, οὐ γὰρ εὔβατοσ περᾶν, πρὶν ἂν πρὸσ αὐτὸν Καύκασον μόλῃσ, ὀρῶν ὕψιστον, ἔνθα ποταμὸσ ἐκφυσᾷ μένοσ κροτάφων ἀπ’ αὐτῶν. ἀστρογείτονασ δὲ χρὴ κορυφὰσ ὑπερβάλλουσαν ἐσ μεσημβρινὴν βῆναι κέλευθον, ἔνθ’, Ἀμαζόνων στρατὸν ἥξεισ στυγάνορ’, αἳ Θεμίσκυράν ποτε κατοικιοῦσιν ἀμφὶ Θερμώδονθ’, ἵνα τραχεῖα πόντου Σαλμυδησσία γνάθοσ ἐχθρόξενοσ ναύταισι, μητρυιὰ νεῶν· αὗταί σ’ ὁδηγήσουσι καὶ μάλ’ ἀσμένωσ. ἰσθμὸν δ’ ἐπ’ αὐταῖσ στενοπόροισ λίμνησ πύλαισ Κιμμερικὸν ἥξεισ, ὃν θρασυσπλάγχνωσ σε χρὴ λιποῦσαν αὐλῶν’ ἐκπερᾶν Μαιωτικόν· ἔσται δὲ θνητοῖσ εἰσαεὶ λόγοσ μέγασ τῆσ σῆσ πορείασ, Βόσποροσ δ’ ἐπώνυμοσ κεκλήσεται. λιποῦσα δ’ Εὐρώπησ πέδον ἤπειρον ἥξεισ Ἀσιάδ’· . ἆρ’, ὑμῖν δοκεῖ ὁ τῶν θεῶν τύραννοσ ἐσ τὰ πάνθ’ ὁμῶσ βίαιοσ εἶναι; τῇδε γὰρ θνητῇ θεὸσ χρῄζων μιγῆναι τάσδ’ ἐπέρριψεν πλάνασ. πικροῦ δ’ ἔκυρσασ, ὦ κόρη, τῶν σῶν γάμων μνηστῆροσ. οὓσ γὰρ νῦν ἀκήκοασ λόγουσ, εἶναι δόκει σοι μηδέπω ’ν προοιμίοισ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Prometheus Bound, episode, lyric 2:

(아이스킬로스, 결박된 프로메테우스, episode, lyric 2:)

상위

목록

SEARCH

MENU NAVIGATION