Aeschylus, Prometheus Bound, episode 4:

(아이스킬로스, 결박된 프로메테우스, episode 4:)

πέπονθασ αἰκὲσ πῆμ’· ἀποσφαλεὶσ φρενῶν πλανᾷ, κακὸσ δ’ ἰατρὸσ ὥσ τισ ἐσ νόσον πεσὼν ἀθυμεῖσ καὶ σεαυτὸν οὐκ ἔχεισ εὑρεῖν ὁποίοισ φαρμάκοισ ἰάσιμοσ. τὰ λοιπά μου κλύουσα θαυμάσῃ πλέον, οἱάσ τέχνασ τε καὶ πόρουσ ἐμησάμην. τὸ μὲν μέγιστον, εἴ τισ ἐσ νόσον πέσοι, οὐκ ἦν ἀλέξημ’ οὐδέν, οὔτε βρώσιμον, οὐ χριστόν, οὐδὲ πιστόν, ἀλλὰ φαρμάκων χρείᾳ κατεσκέλλοντο, πρίν γ’ ἐγώ σφισιν ἔδειξα κράσεισ ἠπίων ἀκεσμάτων, αἷσ τὰσ ἁπάσασ ἐξαμύνονται νόσουσ. τρόπουσ τε πολλοὺσ μαντικῆσ ἐστοίχισα, κἄκρινα πρῶτοσ ἐξ ὀνειράτων ἃ χρὴ ὕπαρ γενέσθαι, κληδόνασ τε δυσκρίτουσ ἐγνώρισ’ αὐτοῖσ ἐνοδίουσ τε συμβόλουσ· γαμψωνύχων τε πτῆσιν οἰωνῶν σκεθρῶσ διώρισ’, οἵτινέσ τε δεξιοὶ φύσιν εὐωνύμουσ τε, καὶ δίαιταν ἥντινα ἔχουσ’ ἕκαστοι, καὶ πρὸσ ἀλλήλουσ τίνεσ ἔχθραι τε καὶ στέργηθρα καὶ συνεδρίαι· σπλάγχνων τε λειότητα, καὶ χροιὰν τίνα ἔχουσ’ ἂν εἰή δαίμοσιν πρὸσ ἡδονὴν χολή, λοβοῦ τε ποικίλην εὐμορφίαν. κνίσῃ τε κῶλα συγκαλυπτὰ καὶ μακρὰν ὀσφῦν πυρώσασ δυστέκμαρτον ἐσ τέχνην ὥδωσα θνητούσ, καὶ φλογωπὰ σήματα ἐξωμμάτωσα, πρόσθεν ὄντ’ ἐπάργεμα. τοιαῦτα μὲν δὴ ταῦτ’· ἔνερθε δὲ χθονὸσ κεκρυμμέν’, ἀνθρώποισιν ὠφελήματα, χαλκόν, σίδηρον, ἄργυρον, χρυσόν τε τίσ φήσειεν ἂν πάροιθεν ἐξευρεῖν ἐμοῦ; οὐδείσ, σάφ’ οἶδα, μὴ μάτην φλύσαι θέλων. βραχεῖ δὲ μύθῳ πάντα συλλήβδην μάθε, πᾶσαι τέχναι βροτοῖσιν ἐκ Προμηθέωσ.

일치하는 문장이 없습니다.

SEARCH

MENU NAVIGATION