Aeschylus, Prometheus Bound, episode 2:

καὶ μὴν ἀριθμόν, ἔξοχον σοφισμάτων, ἐξηῦρον αὐτοῖσ, γραμμάτων τε συνθέσεισ, μνήμην ἁπάντων, μουσομήτορ’ ἐργάνην. κἄζευξα πρῶτοσ ἐν ζυγοῖσι κνώδαλα ζεύγλαισι δουλεύοντα σάγμασὶν θ’, ὅπωσ θνητοῖσ μεγίστων διάδοχοι μοχθημάτων γένοινθ’ , ὑφ’ ἁρ́μα τ’ ἤγαγον φιληνίουσ ἵππουσ, ἄγαλμα τῆσ ὑπερπλούτου χλιδῆσ. θαλασσόπλαγκτα δ’ οὔτισ ἄλλοσ ἀντ’ ἐμοῦ λινόπτερ’ ηὑρ͂ε ναυτίλων ὀχήματα.