헬라어 문장 검색 - Αεσξηψ́Περσιαν́03́02́

(아이스킬로스, 페르시아인들, episode, iambics)

πολλοῖσ μὲν αἰεὶ νυκτέροισ ὀνείρασιν ξύνειμ’, ἀφ’ οὗπερ παῖσ ἐμὸσ στείλασ στρατὸν Ιαὄνων γῆν οἴχεται πέρσαι θέλων· τὸν δ’ ὅπωσ ὁρᾷ Ξέρξησ, πέπλουσ ῥήγνυσιν ἀμφὶ σώματι. ἀλλ’ οὔτι πω τοιόνδ’ ἐναργὲσ εἰδόμην ὡσ τῆσ πάροιθεν εὐφρόνησ· λέξω δέ σοι. ἐδοξάτην μοι δύο γυναῖκ’ εὐείμονε, ἡ μὲν πέπλοισι Περσικοῖσ ἠσκημένη, ἡ δ’ αὖτε Δωρικοῖσιν, εἰσ ὄψιν μολεῖν, μεγέθει τε τῶν νῦν ἐκπρεπεστάτα πολύ, κάλλει τ’ ἀμώμω, καὶ κασιγνήτα γένουσ ταὐτοῦ· πάτραν δ’ ἔναιον ἡ μὲν Ἑλλάδα κλήρῳ λαχοῦσα γαῖαν, ἡ δὲ βάρβαρον. τούτω στάσιν τιν’, ὡσ ἐγὼ ’δόκουν ὁρᾶν, τεύχειν ἐν ἀλλήλαισι· παῖσ δ’ ἐμὸσ μαθὼν κατεῖχε κἀπράυνεν, ἁρ́μασιν δ’ ὕπο ζεύγνυσιν αὐτὼ καὶ λέπαδν’ ἐπ’ αὐχένων τίθησι. χἠ μὲν τῇδ’ ἐπυργοῦτο στολῇ ἐν ἡνίαισί τ’ εἶχεν εὐάρκτον στόμα, ἡ δ’ ἐσφάδαζε, καὶ χεροῖν ἔντη δίφρου διασπαράσσει καὶ ξυναρπάζει βίᾳ ἄνευ χαλινῶν καὶ ζυγὸν θραύει μέσον. πίπτει δ’ ἐμὸσ παῖσ, καὶ πατὴρ παρίσταται Δαρεῖοσ οἰκτείρων σφε· καὶ ταῦτα μὲν δὴ νυκτὸσ εἰσιδεῖν λέγω. ἐπεὶ δ’ ἀνέστην καὶ χεροῖν καλλιρρόου ἔψαυσα πηγῆσ, σὺν θυηπόλῳ χερὶ βωμὸν προσέστην, ἀποτρόποισι δαίμοσιν θέλουσα θῦσαι πέλανον, ὧν τέλη τάδε. ὁρῶ δὲ φεύγοντ’ αἰετὸν πρὸσ ἐσχάραν Φοίβου· φόβῳ δ’ ἄφθογγοσ ἐστάθην, φίλοι· μεθύστερον δὲ κίρκον εἰσορῶ δρόμῳ πτεροῖσ ἐφορμαίνοντα καὶ χηλαῖσ κάρα τίλλονθ’· ὁ δ’ οὐδὲν ἄλλο γ’ ἢ πτήξασ δέμασ παρεῖχε. ταῦτ’ ἔμοιγε δείματ’ εἰσιδεῖν, ὑμῖν δ’ ἀκούειν. εὖ γὰρ ἴστε, παῖσ ἐμὸσ πράξασ μὲν εὖ θαυμαστὸσ ἂν γένοιτ’ ἀνήρ, κακῶσ δὲ πράξασ, οὐχ ὑπεύθυνοσ πόλει, σωθεὶσ δ’ ὁμοίωσ τῆσδε κοιρανεῖ χθονόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Persians, episode, iambics

(아이스킬로스, 페르시아인들, episode, iambics)

상위

목록

SEARCH

MENU NAVIGATION