호흡부호 보기
강세부호 보기
장단부호 보기
작은 Iota 보기
모든 부호 보기
οὔ σε βουλόμεσθα, μῆτερ, οὔτ’ ἄγαν φοβεῖν λόγοισ οὔτε θαρσύνειν. κεῖνα δ’ ἐκμαθεῖν θέλω, ὦ φίλοι, ποῦ τὰσ Ἀθήνασ φασὶν ἱδρῦσθαι χθονόσ. θεοὺσ δὲ προστροπαῖσ ἱκνουμένη, εἴ τι φλαῦρον εἶδεσ, αἰτοῦ τῶνδ’ ἀποτροπὴν τελεῖν, τὰ δ’ ἀγάθ’ ἐκτελῆ γενέσθαι σοί τε καὶ τέκνοισ σέθεν καὶ πόλει φίλοισ τε πᾶσι. δεύτερον δὲ χρὴ χοὰσ Γῇ τε καὶ φθιτοῖσ χέασθαι· πρευμενῶσ δ’ αἰτοῦ τάδε, σὸν πόσιν Δαρεῖον, ὅνπερ φὴσ ἰδεῖν κατ’ εὐφρόνην, ἐσθλά σοι πέμπειν τέκνῳ τε γῆσ ἔνερθεν ἐσ φάοσ, τἄμπαλιν δὲ τῶνδε γαίᾳ κάτοχα μαυροῦσθαι σκότῳ. ταῦτα θυμόμαντισ ὤν σοι πρευμενῶσ παρῄνεσα. εὖ δὲ πανταχῇ τελεῖν σοι τῶνδε κρίνομεν πέρι. ἀλλὰ μὴν εὔνουσ γ’ ὁ πρῶτοσ τῶνδ’ ἐνυπνίων κριτὴσ παιδὶ καὶ δόμοισ ἐμοῖσι τήνδ’ ἐκύρωσασ φάτιν. ἐκτελοῖτο δὴ τὰ χρηστά· ταῦτα δ’, ὡσ ἐφίεσαι, πάντα θήσομεν θεοῖσι τοῖσ τ’ ἔνερθε γῆσ φίλοισ, εὖτ’ ἂν εἰσ οἴκουσ μόλωμεν. τῆλε πρὸσ δυσμαῖσ ἄνακτοσ Ἡλίου φθινασμάτων. ἀλλὰ μὴν ἵμειρ’ ἐμὸσ παῖσ τήνδε θηρᾶσαι πόλιν; πᾶσα γὰρ γένοιτ’ ἂν Ἑλλὰσ βασιλέωσ ὑπήκοοσ. ὧδέ τισ πάρεστιν αὐτοῖσ ἀνδροπλήθεια στρατοῦ; καὶ στρατὸσ τοιοῦτοσ, ἔρξασ πολλὰ δὴ Μήδουσ κακά. καὶ τί πρὸσ τούτοισιν ἄλλο; πλοῦτοσ ἐξαρκὴσ δόμοισ; ἀργύρου πηγή τισ αὐτοῖσ ἐστι, θησαυρὸσ χθονόσ. πότερα γὰρ τοξουλκὸσ αἰχμὴ διὰ χεροῖν αὐτοῖσ πρέπει; οὐδαμῶσ· ἔγχη σταδαῖα καὶ φεράσπιδεσ σαγαί. τίσ δὲ ποιμάνωρ ἔπεστι κἀπιδεσπόζει στρατῷ; οὔτινοσ δοῦλοι κέκληνται φωτὸσ οὐδ’ ὑπήκοοι. πῶσ ἂν οὖν μένοιεν ἄνδρασ πολεμίουσ ἐπήλυδασ; ὥστε Δαρείου πολύν τε καὶ καλὸν φθεῖραι στρατόν. δεινά τοι λέγεισ ἰόντων τοῖσ τεκοῦσι φροντίσαι. ἀλλ’ ἐμοὶ δοκεῖν τάχ’ εἴσῃ πάντα νημερτῆ λόγον. τοῦδε γὰρ δράμημα φωτὸσ Περσικὸν πρέπει μαθεῖν, καὶ φέρει σαφέσ τι πρᾶγοσ ἐσθλὸν ἢ κακὸν κλύειν. ὦ γῆσ ἁπάσησ Ἀσιάδοσ πολίσματα, ὦ Περσὶσ αἰᾶ καὶ πολὺσ πλούτου λιμήν, ὡσ ἐν μιᾷ πληγῇ κατέφθαρται πολὺσ ὄλβοσ, τὸ Περσῶν δ’ ἄνθοσ οἴχεται πεσόν.
ὤμοι, κακὸν μὲν πρῶτον ἀγγέλλειν κακά· ὅμωσ δ’ ἀνάγκη πᾶν ἀναπτύξαι πάθοσ, Πέρσαι· στρατὸσ γὰρ πᾶσ ὄλωλε βαρβάρων.
호흡부호 보기
강세부호 보기
장단부호 보기
작은 Iota 보기
모든 부호 보기