헬라어 문장 검색 - Αεσξηψ́Περσιαν́03́03́

(아이스킬로스, 페르시아인들, episode, trochees)

οὔ σε βουλόμεσθα, μῆτερ, οὔτ’ ἄγαν φοβεῖν λόγοισ οὔτε θαρσύνειν. κεῖνα δ’ ἐκμαθεῖν θέλω, ὦ φίλοι, ποῦ τὰσ Ἀθήνασ φασὶν ἱδρῦσθαι χθονόσ. θεοὺσ δὲ προστροπαῖσ ἱκνουμένη, εἴ τι φλαῦρον εἶδεσ, αἰτοῦ τῶνδ’ ἀποτροπὴν τελεῖν, τὰ δ’ ἀγάθ’ ἐκτελῆ γενέσθαι σοί τε καὶ τέκνοισ σέθεν καὶ πόλει φίλοισ τε πᾶσι. δεύτερον δὲ χρὴ χοὰσ Γῇ τε καὶ φθιτοῖσ χέασθαι· πρευμενῶσ δ’ αἰτοῦ τάδε, σὸν πόσιν Δαρεῖον, ὅνπερ φὴσ ἰδεῖν κατ’ εὐφρόνην, ἐσθλά σοι πέμπειν τέκνῳ τε γῆσ ἔνερθεν ἐσ φάοσ, τἄμπαλιν δὲ τῶνδε γαίᾳ κάτοχα μαυροῦσθαι σκότῳ. ταῦτα θυμόμαντισ ὤν σοι πρευμενῶσ παρῄνεσα. εὖ δὲ πανταχῇ τελεῖν σοι τῶνδε κρίνομεν πέρι. ἀλλὰ μὴν εὔνουσ γ’ ὁ πρῶτοσ τῶνδ’ ἐνυπνίων κριτὴσ παιδὶ καὶ δόμοισ ἐμοῖσι τήνδ’ ἐκύρωσασ φάτιν. ἐκτελοῖτο δὴ τὰ χρηστά· ταῦτα δ’, ὡσ ἐφίεσαι, πάντα θήσομεν θεοῖσι τοῖσ τ’ ἔνερθε γῆσ φίλοισ, εὖτ’ ἂν εἰσ οἴκουσ μόλωμεν. τῆλε πρὸσ δυσμαῖσ ἄνακτοσ Ἡλίου φθινασμάτων. ἀλλὰ μὴν ἵμειρ’ ἐμὸσ παῖσ τήνδε θηρᾶσαι πόλιν; πᾶσα γὰρ γένοιτ’ ἂν Ἑλλὰσ βασιλέωσ ὑπήκοοσ. ὧδέ τισ πάρεστιν αὐτοῖσ ἀνδροπλήθεια στρατοῦ; καὶ στρατὸσ τοιοῦτοσ, ἔρξασ πολλὰ δὴ Μήδουσ κακά. καὶ τί πρὸσ τούτοισιν ἄλλο; πλοῦτοσ ἐξαρκὴσ δόμοισ; ἀργύρου πηγή τισ αὐτοῖσ ἐστι, θησαυρὸσ χθονόσ. πότερα γὰρ τοξουλκὸσ αἰχμὴ διὰ χεροῖν αὐτοῖσ πρέπει; οὐδαμῶσ· ἔγχη σταδαῖα καὶ φεράσπιδεσ σαγαί. τίσ δὲ ποιμάνωρ ἔπεστι κἀπιδεσπόζει στρατῷ; οὔτινοσ δοῦλοι κέκληνται φωτὸσ οὐδ’ ὑπήκοοι. πῶσ ἂν οὖν μένοιεν ἄνδρασ πολεμίουσ ἐπήλυδασ; ὥστε Δαρείου πολύν τε καὶ καλὸν φθεῖραι στρατόν. δεινά τοι λέγεισ ἰόντων τοῖσ τεκοῦσι φροντίσαι. ἀλλ’ ἐμοὶ δοκεῖν τάχ’ εἴσῃ πάντα νημερτῆ λόγον. τοῦδε γὰρ δράμημα φωτὸσ Περσικὸν πρέπει μαθεῖν, καὶ φέρει σαφέσ τι πρᾶγοσ ἐσθλὸν ἢ κακὸν κλύειν. ὦ γῆσ ἁπάσησ Ἀσιάδοσ πολίσματα, ὦ Περσὶσ αἰᾶ καὶ πολὺσ πλούτου λιμήν, ὡσ ἐν μιᾷ πληγῇ κατέφθαρται πολὺσ ὄλβοσ, τὸ Περσῶν δ’ ἄνθοσ οἴχεται πεσόν.

ὤμοι, κακὸν μὲν πρῶτον ἀγγέλλειν κακά· ὅμωσ δ’ ἀνάγκη πᾶν ἀναπτύξαι πάθοσ, Πέρσαι· στρατὸσ γὰρ πᾶσ ὄλωλε βαρβάρων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Persians, episode, trochees

(아이스킬로스, 페르시아인들, episode, trochees)

상위

목록

SEARCH

MENU NAVIGATION