호흡부호 보기
강세부호 보기
장단부호 보기
작은 Iota 보기
모든 부호 보기
καὶ νῦν ὁρᾶτέ μ’, ὡσ παρεσκευασμένοσ ξὺν τῷδε θαλλῷ καὶ στέφει προσίξομαι μεσόμφαλόν θ’ ἵδρυμα, Λοξίου πέδον, πυρόσ τε φέγγοσ ἄφθιτον κεκλημένον, φεύγων τόδ’ αἷμα κοινόν· οὐδ’ ἐφ’ ἑστίαν ἄλλην τραπέσθαι Λοξίασ ἐφίετο. καὶ μαρτυρεῖν μὲν ὡσ ἐπορσύνθη κακὰ τάδ’ ἐν χρόνῳ μοι πάντασ Ἀργείουσ λέγω· ἐγὼ δ’ ἀλήτησ τῆσδε γῆσ ἀπόξενοσ, ζῶν καὶ τεθνηκὼσ τάσδε κληδόνασ λιπών. ἀλλ’ εὖ γ’ ἔπραξασ, μηδ’ ἐπιζευχθῇσ στόμα φήμῃ πονηρᾷ μηδ’ ἐπιγλωσσῶ κακά, ἐλευθερώσασ πᾶσαν Ἀργείων πόλιν, δυοῖν δρακόντοιν εὐπετῶσ τεμὼν κάρα. ἆ, ἆ. δμωαὶ γυναῖκεσ, αἵδε Γοργόνων δίκην φαιοχίτωνεσ καὶ πεπλεκτανημέναι πυκνοῖσ δράκουσιν· οὐκέτ’ ἂν μείναιμ’ ἐγώ.
호흡부호 보기
강세부호 보기
장단부호 보기
작은 Iota 보기
모든 부호 보기