헬라어 문장 검색 - Αεσξηψ́Λιβατιό11́02́

(아이스킬로스, Libation Bearers, episode, anapests)

οὔτισ μερόπων ἀσινὴσ βίοτον διὰ παντὸσ ἀπήμον’ ἀμείψει. ἒ ἔ, μόχθοσ δ’ ὁ μὲν αὐτίχ’, ὁ δ’ ἥξει. ἀλλ’, ὡσ ἂν εἰδῆτ’, οὐ γὰρ οἶδ’ ὅπη τελεῖ, ὥσπερ ξὺν ἵπποισ ἡνιοστροφῶ δρόμου ἐξωτέρω·

φέρουσι γὰρ νικώμενον φρένεσ δύσαρκτοι· πρὸσ δὲ καρδίᾳ φόβοσ ᾄδειν ἕτοιμοσ ἠδ’ ὑπορχεῖσθαι κότῳ. ἑώσ δ’ ἔτ’ ἔμφρων εἰμί, κηρύσσω φίλοισ κτανεῖν τέ φημι μητέρ’ οὐκ ἄνευ δίκησ, πατροκτόνον μίασμα καὶ θεῶν στύγοσ. καὶ φίλτρα τόλμησ τῆσδε πλειστηρίζομαι τὸν πυθόμαντιν Λοξίαν, χρήσαντ’ ἐμοὶ πράξαντι μὲν ταῦτ’ ἐκτὸσ αἰτίασ κακῆσ εἶναι, παρέντα δ’ ‐ οὐκ ἐρῶ τὴν ζημίαν· τόξῳ γὰρ οὔτισ πημάτων ἐφίξεται.

καὶ νῦν ὁρᾶτέ μ’, ὡσ παρεσκευασμένοσ ξὺν τῷδε θαλλῷ καὶ στέφει προσίξομαι μεσόμφαλόν θ’ ἵδρυμα, Λοξίου πέδον, πυρόσ τε φέγγοσ ἄφθιτον κεκλημένον, φεύγων τόδ’ αἷμα κοινόν·

οὐδ’ ἐφ’ ἑστίαν ἄλλην τραπέσθαι Λοξίασ ἐφίετο. καὶ μαρτυρεῖν μὲν ὡσ ἐπορσύνθη κακὰ τάδ’ ἐν χρόνῳ μοι πάντασ Ἀργείουσ λέγω· ἐγὼ δ’ ἀλήτησ τῆσδε γῆσ ἀπόξενοσ, ζῶν καὶ τεθνηκὼσ τάσδε κληδόνασ λιπών. ἀλλ’ εὖ γ’ ἔπραξασ, μηδ’ ἐπιζευχθῇσ στόμα φήμῃ πονηρᾷ μηδ’ ἐπιγλωσσῶ κακά, ἐλευθερώσασ πᾶσαν Ἀργείων πόλιν, δυοῖν δρακόντοιν εὐπετῶσ τεμὼν κάρα. ἆ, ἆ. δμωαὶ γυναῖκεσ, αἵδε Γοργόνων δίκην φαιοχίτωνεσ καὶ πεπλεκτανημέναι πυκνοῖσ δράκουσιν· οὐκέτ’ ἂν μείναιμ’ ἐγώ. τίνεσ σε δόξαι, φίλτατ’ ἀνθρώπων πατρί, στροβοῦσιν;

ἴσχε, μὴ φόβου νικῶ πολύ. οὐκ εἰσὶ δόξαι τῶνδε πημάτων ἐμοί· σαφῶσ γὰρ αἵδε μητρὸσ ἔγκοτοι κύνεσ. ποταίνιον γὰρ αἷμά σοι χεροῖν ἔτι· ἐκ τῶνδέ τοι ταραγμὸσ ἐσ φρένασ πίτνει. ἄναξ Ἄπολλον, αἵδε πληθύουσι δή, κἀξ ὀμμάτων στάζουσιν αἷμα δυσφιλέσ. εἷσ σοὶ καθαρμόσ· Λοξίασ δὲ προσθιγὼν ἐλεύθερόν σε τῶνδε πημάτων κτίσει. ὑμεῖσ μὲν οὐχ ὁρᾶτε τάσδ’, ἐγὼ δ’ ὁρῶ· ἐλαύνομαι δὲ κοὐκέτ’ ἂν μείναιμ’ ἐγὼ. ἀλλ’ εὐτυχοίησ, καί σ’ ἐποπτεύων πρόφρων θεὸσ φυλάσσοι καιρίοισι συμφοραῖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Libation Bearers, episode, anapests

(아이스킬로스, Libation Bearers, episode, anapests)

상위

목록

SEARCH

MENU NAVIGATION