Aeschylus, Libation Bearers, episode 1:

ἴδεσθε δ’ αὖτε, τῶνδ’ ἐπήκοοι κακῶν, τὸ μηχάνημα, δεσμὸν ἀθλίῳ πατρί, πέδασ τε χειροῖν καὶ ποδοῖν ξυνωρίδα. ἐκτείνατ’ αὐτὸ καὶ κύκλῳ παρασταδὸν στέγαστρον ἀνδρὸσ δείξαθ’, ὡσ ἴδῃ πατήρ, οὐχ οὑμόσ, ἀλλ’ ὁ πάντ’ ἐποπτεύων τάδε Ἥλιοσ, ἄναγνα μητρὸσ ἔργα τῆσ ἐμῆσ, ὡσ ἂν παρῇ μοι μάρτυσ ἐν δίκῃ ποτέ, ὡσ τόνδ’ ἐγὼ μετῆλθον ἐνδίκωσ μόρον τὸν μητρόσ· Αἰγίσθου γὰρ οὐ λέγω μόρον· ἔχει γὰρ αἰσχυντῆροσ, ὡσ νόμοσ, δίκην·