Aeschylus, Libation Bearers, episode 3:

ξένῳ γὰρ εἰκώσ, παντελῆ σαγὴν ἔχων, ἥξω σὺν ἀνδρὶ τῷδ’ ἐφ’ ἑρκείουσ πύλασ Πυλάδῃ, ξένοσ τε καὶ δορύξενοσ δόμων. ἄμφω δὲ φωνὴν ἥσομεν Παρνησσίδα, γλώσσησ ἀυτὴν Φωκίδοσ μιμουμένω. καὶ δὴ θυρωρῶν οὔτισ ἂν φαιδρᾷ φρενὶ δέξαιτ’, ἐπειδὴ δαιμονᾷ δόμοσ κακοῖσ· μενοῦμεν οὕτωσ ὥστ’ ἐπεικάζειν τινὰ δόμουσ παραστείχοντα καὶ τάδ’ ἐννέπειν· "τί δὴ πύλαισι τὸν ἱκέτην ἀπείργεται Αἴγισθοσ, εἴπερ οἶδεν ἔνδημοσ παρών;