Aeschylus, Eumenides, episode

αἰνῶ τε μύθουσ τῶνδε τῶν κατευγμάτων πέμψω τε φέγγει λαμπάδων σελασφόρων εἰσ τοὺσ ἔνερθε καὶ κατὰ χθονὸσ τόπουσ ξὺν προσπόλοισιν, αἵτε φρουροῦσιν βρέτασ τοὐμὸν δικαίωσ. ὄμμα γὰρ πάσησ χθονὸσ Θησῇδοσ ἐξίκοιτ’ ἂν εὐκλεὴσ λόχοσ παίδων, γυναικῶν, καὶ στόλοσ πρεσβυτίδων. φοινικοβάπτοισ ἐνδυτοῖσ ἐσθήμασι τιμᾶτε, καὶ τὸ φέγγοσ ὁρμάσθω πυρόσ, ὅπωσ ἂν εὔφρων ἥδ’ ὁμιλία χθονὸσ τὸ λοιπὸν εὐάνδροισι συμφοραῖσ πρέπῃ.