Aeschylus, Eumenides, episode 13:

ἐγὼ δὲ χώρᾳ τῇδε καὶ τῷ σῷ στρατῷ τὸ λοιπὸν εἰσ ἅπαντα πλειστήρη χρόνον ὁρκωμοτήσασ νῦν ἄπειμι πρὸσ δόμουσ, μήτοι τιν’ ἄνδρα δεῦρο πρυμνήτην χθονὸσ ἐλθόντ’ ἐποίσειν εὖ κεκασμένον δόρυ. αὐτοὶ γὰρ ἡμεῖσ ὄντεσ ἐν τάφοισ τότε τοῖσ τἀμὰ παρβαίνουσι νῦν ὁρκώματα ἀμηχάνοισι πράξομεν δυσπραξίαισ, ὁδοὺσ ἀθύμουσ καὶ παρόρνιθασ πόρουσ τιθέντεσ, ὡσ αὐτοῖσι μεταμέλῃ πόνοσ· ὀρθουμένων δέ, καὶ πόλιν τὴν Παλλάδοσ τιμῶσιν αἰεὶ τήνδε συμμάχῳ δορί, αὐτοῖσιν ἡμεῖσ ἐσμεν εὐμενέστεροι.