Aeschylus, Eumenides, episode 10:

ὄναρ διώκεισ θῆρα, κλαγγαίνεισ δ’ ἅπερ κύων μέριμναν οὔποτ’ ἐκλείπων πόνου. τί δρᾷσ; ἀνίστω, μή σε νικάτω πόνοσ, μηδ’ ἀγνοήσῃσ πῆμα μαλθαχθεῖσ’ ὕπνῳ. ἄλγησον ἧπαρ ἐνδίκοισ ὀνείδεσιν· τοῖσ σώφροσιν γὰρ ἀντίκεντρα γίγνεται. σὺ δ’ αἱματηρὸν πνεῦμ’ ἐπουρίσασα τῷ, ἀτμῷ κατισχναίνουσα, νηδύοσ πυρί, ἕπου, μάραινε δευτέροισ διώγμασιν. ἔγειρ’, ἔγειρε καὶ σὺ τήνδ’, ἐγὼ δὲ σέ. εὕδεισ; ἀνίστω, κἀπολακτίσασ’ ὕπνον, ἰδώμεθ’ εἴ τι τοῦδε φροιμίου ματᾷ.