Aeschylus, Eumenides, episode 9:

(아이스킬로스, 에우메니데스, episode 9:)

ἦ πολλὰ μὲν δὴ τῶν ἐμῶν ἐλείξατε, χοάσ τ’ ἀοίνουσ, νηφάλια μειλίγματα, καὶ νυκτίσεμνα δεῖπν’ ἐπ’ ἐσχάρᾳ πυρὸσ ἔθυον, ὡρ́αν οὐδενὸσ κοινὴν θεῶν. καὶ πάντα ταῦτα λὰξ ὁρῶ πατούμενα. ὁ δ’ ἐξαλύξασ οἴχεται νεβροῦ δίκην, καὶ ταῦτα κούφωσ ἐκ μέσων ἀρκυστάτων ὤρουσεν ὑμῖν ἐγκατιλλώψασ μέγα. ἀκούσαθ’ ὡσ ἔλεξα τῆσ ἐμῆσ περὶ ψυχῆσ, φρονήσατ’, ὦ κατὰ χθονὸσ θεαί. ὄναρ γὰρ ὑμᾶσ νῦν Κλυταιμήστρα καλῶ. μυγμόσ. μύζοιτ’ ἄν, ἁνὴρ δ’ οἴχεται φεύγων πρόσω· φίλοι γάρ εἰσιν οὐκ ἐμοῖσ προσεικότεσ. μυγμόσ. ἄγαν ὑπνώσσεισ κοὐ κατοικτίζεισ πάθοσ· φονεὺσ δ’ Ὀρέστησ τῆσδε μητρὸσ οἴχεται. ὠγμόσ. ᾤζεισ, ὑπνώσσεισ· οὐκ ἀναστήσῃ τάχοσ; τί σοι πέπρωται πρᾶγμα πλὴν τεύχειν κακά; ὠγμόσ. ὕπνοσ πόνοσ τε κύριοι συνωμόται δεινῆσ δρακαίνησ ἐξεκήραναν μένοσ. μυγμὸσ διπλοῦσ ὀξύσ. λαβὲ λαβὲ λαβὲ λαβέ, φράζου.

일치하는 문장이 없습니다.

SEARCH

MENU NAVIGATION