Aeschylus, Agamemnon, episode 3:

(아이스킬로스, 아가멤논, episode 3:)

ὦ πολλὰ μὲν τάλαινα, πολλὰ δ’ αὖ σοφὴ γύναι, μακρὰν ἔτεινασ. εἰ δ’ ἐτητύμωσ μόρον τὸν αὑτῆσ οἶσθα, πῶσ θεηλάτου βοὸσ δίκην πρὸσ βωμὸν εὐτόλμωσ πατεῖσ; οὐκ ἔστ’ ἄλυξισ, οὔ, ξένοι, χρόνον πλέω. ὁ δ’ ὕστατόσ γε τοῦ χρόνου πρεσβεύεται, ἥκει τόδ’ ἦμαρ· σμικρὰ κερδανῶ φυγῇ. ἀλλ’ ἴσθι τλήμων οὖσ’ ἀπ’ εὐτόλμου φρενόσ. οὐδεὶσ ἀκούει ταῦτα τῶν εὐδαιμόνων. ἀλλ’ εὐκλεῶσ τοι κατθανεῖν χάρισ βροτῷ. ἰὼ πάτερ σοῦ σῶν τε γενναίων τέκνων. τί δ’ ἐστὶ χρῆμα; τίσ σ’ ἀποστρέφει φόβοσ; φεῦ φεῦ. τί τοῦτ’ ἔφευξασ; εἴ τι μὴ φρενῶν στύγοσ. φόνον δόμοι πνέουσιν αἱματοσταγῆ, καί πῶσ; τόδ’ ὄζει θυμάτων ἐφεστίων. ὅμοιοσ ἀτμὸσ ὥσπερ ἐκ τάφου πρέπει, οὐ Σύριον ἀγλάισμα δώμασιν λέγεισ. ἀλλ’ εἶμι κἀν δόμοισι κωκύσουσ’ ἐμὴν Ἀγαμέμνονόσ τε μοῖραν. ἀρκείτω βίοσ. ἰὼ ξένοι, οὔτοι δυσοίζω θάμνον ὡσ ὄρνισ φόβῳ ἄλλωσ· θανούσῃ μαρτυρεῖτέ μοι τόδε, ὅταν γυνὴ γυναικὸσ ἀντ’ ἐμοῦ θάνῃ, ἀνήρ τε δυσδάμαρτοσ ἀντ’ ἀνδρὸσ πέσῃ. ἐπιξενοῦμαι ταῦτα δ’ ὡσ θανουμένη. ὦ τλῆμον, οἰκτίρω σε θεσφάτου μόρου. ἅπαξ ἔτ’ εἰπεῖν ῥῆσιν οὐ θρῆνον θέλω ἐμὸν τὸν αὐτῆσ. ἡλίῳ δ’ ἐπεύχομαι πρὸσ ὕστατον φῶσ τοῖσ ἐμοῖσ τιμαόροισ ἐχθροῖσ φονεῦσι τοῖσ ἐμοῖσ τίνειν ὁμοῦ, δούλησ θανούσησ, εὐμαροῦσ χειρώματοσ. ἰὼ βρότεια πράγματ’· εὐτυχοῦντα μὲν σκιά τισ ἂν τρέψειεν· εἰ δὲ δυστυχῇ, βολαῖσ ὑγρώσσων σπόγγοσ ὤλεσεν γραφήν. καὶ ταῦτ’ ἐκείνων μᾶλλον οἰκτίρω πολύ.

상위

Agamemnon (아가멤논)

목록

일치하는 문장이 없습니다.

SEARCH

MENU NAVIGATION