헬라어 문장 검색 - Αεσξηψ́Αγαμεμν́11́00́03́

(아이스킬로스, 아가멤논, episode 3:)

ὦ πολλὰ μὲν τάλαινα, πολλὰ δ’ αὖ σοφὴ γύναι, μακρὰν ἔτεινασ. εἰ δ’ ἐτητύμωσ μόρον τὸν αὑτῆσ οἶσθα, πῶσ θεηλάτου βοὸσ δίκην πρὸσ βωμὸν εὐτόλμωσ πατεῖσ; οὐκ ἔστ’ ἄλυξισ, οὔ, ξένοι, χρόνον πλέω. ὁ δ’ ὕστατόσ γε τοῦ χρόνου πρεσβεύεται, ἥκει τόδ’ ἦμαρ· σμικρὰ κερδανῶ φυγῇ. ἀλλ’ ἴσθι τλήμων οὖσ’ ἀπ’ εὐτόλμου φρενόσ. οὐδεὶσ ἀκούει ταῦτα τῶν εὐδαιμόνων. ἀλλ’ εὐκλεῶσ τοι κατθανεῖν χάρισ βροτῷ. ἰὼ πάτερ σοῦ σῶν τε γενναίων τέκνων. τί δ’ ἐστὶ χρῆμα; τίσ σ’ ἀποστρέφει φόβοσ; φεῦ φεῦ. τί τοῦτ’ ἔφευξασ; εἴ τι μὴ φρενῶν στύγοσ. φόνον δόμοι πνέουσιν αἱματοσταγῆ, καί πῶσ; τόδ’ ὄζει θυμάτων ἐφεστίων. ὅμοιοσ ἀτμὸσ ὥσπερ ἐκ τάφου πρέπει, οὐ Σύριον ἀγλάισμα δώμασιν λέγεισ. ἀλλ’ εἶμι κἀν δόμοισι κωκύσουσ’ ἐμὴν Ἀγαμέμνονόσ τε μοῖραν. ἀρκείτω βίοσ. ἰὼ ξένοι, οὔτοι δυσοίζω θάμνον ὡσ ὄρνισ φόβῳ ἄλλωσ· θανούσῃ μαρτυρεῖτέ μοι τόδε, ὅταν γυνὴ γυναικὸσ ἀντ’ ἐμοῦ θάνῃ, ἀνήρ τε δυσδάμαρτοσ ἀντ’ ἀνδρὸσ πέσῃ. ἐπιξενοῦμαι ταῦτα δ’ ὡσ θανουμένη. ὦ τλῆμον, οἰκτίρω σε θεσφάτου μόρου. ἅπαξ ἔτ’ εἰπεῖν ῥῆσιν οὐ θρῆνον θέλω ἐμὸν τὸν αὐτῆσ. ἡλίῳ δ’ ἐπεύχομαι πρὸσ ὕστατον φῶσ τοῖσ ἐμοῖσ τιμαόροισ ἐχθροῖσ φονεῦσι τοῖσ ἐμοῖσ τίνειν ὁμοῦ, δούλησ θανούσησ, εὐμαροῦσ χειρώματοσ. ἰὼ βρότεια πράγματ’· εὐτυχοῦντα μὲν σκιά τισ ἂν τρέψειεν· εἰ δὲ δυστυχῇ, βολαῖσ ὑγρώσσων σπόγγοσ ὤλεσεν γραφήν. καὶ ταῦτ’ ἐκείνων μᾶλλον οἰκτίρω πολύ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Aeschylus, Agamemnon, episode 3:

(아이스킬로스, 아가멤논, episode 3:)

상위

목록

SEARCH

MENU NAVIGATION