헬라어 문장 검색 - Αεσξηψ́Αγαμεμν́11́00́02́

(아이스킬로스, 아가멤논, episode 2:)

τὴν μὲν Θυέστου δαῖτα παιδείων κρεῶν ξυνῆκα καὶ πέφρικα, καὶ φόβοσ μ’ ἔχει κλύοντ’ ἀληθῶσ οὐδὲν ἐξῃκασμένα. τὰ δ’ ἄλλ’ ἀκούσασ ἐκ δρόμου πεσὼν τρέχω. Ἀγαμέμνονόσ σέ φημ’ ἐπόψεσθαι μόρον. εὔφημον, ὦ τάλαινα, κοίμησον στόμα. ἀλλ’ οὔτι παιὼν τῷδ’ ἐπιστατεῖ λόγῳ. οὔκ, εἴπερ ἔσται γ’· ἀλλὰ μὴ γένοιτό πωσ. σὺ μὲν κατεύχῃ, τοῖσ δ’ ἀποκτείνειν μέλει. τίνοσ πρὸσ ἀνδρὸσ τοῦτ’ ἄγοσ πορσύνεται; ἦ κάρτα τἄρ’ ἂν παρεκόπησ χρησμῶν ἐμῶν τοῦ γὰρ τελοῦντοσ οὐ ξυνῆκα μηχανήν. καὶ μὴν ἄγαν γ’ Ἕλλην’ ἐπίσταμαι φάτιν. καὶ γὰρ τὰ πυθόκραντα· δυσμαθῆ δ’ ὅμωσ. παπαῖ, οἱο͂ν τὸ πῦρ· ἐπέρχεται δέ μοι. ὀτοτοῖ, Λύκει’ Ἄπολλον, οἲ ἐγὼ ἐγώ. αὕτη δίπουσ λέαινα συγκοιμωμένη λύκῳ, λέοντοσ εὐγενοῦσ ἀπουσίᾳ, κτενεῖ με τὴν τάλαιναν· ὡσ δὲ φάρμακον τεύχουσα κἀμοῦ μισθὸν ἐνθήσειν κότῳ ἐπεύχεται, θήγουσα φωτὶ φάσγανον ἐμῆσ ἀγωγῆσ ἀντιτείσασθαι φόνον. τί δῆτ’ ἐμαυτῆσ καταγέλωτ’ ἔχω τάδε, καὶ σκῆπτρα καὶ μαντεῖα περὶ δέρῃ στέφη; σὲ μὲν πρὸ μοίρασ τῆσ ἐμῆσ διαφθερῶ. ἴτ’ ἐσ φθόρον· πεσόντα γ’ ὧδ’ ἀμείβομαι. ἄλλην τιν’ ἄτησ ἀντ’ ἐμοῦ πλουτίζετε. ἰδοὺ δ’ Ἀπόλλων αὐτὸσ ἐκδύων ἐμὲ χρηστηρίαν ἐσθῆτ’, ἐποπτεύσασ δέ με κἀν τοῖσδε κόσμοισ καταγελωμένην μέγα φίλων ὑπ’ ἐχθρῶν οὐ διχορρόπωσ, μάτην ‐ καλουμένη δὲ φοιτὰσ ὡσ ἀγύρτρια πτωχὸσ τάλαινα λιμοθνὴσ ἠνεσχόμην ‐ καὶ νῦν ὁ μάντισ μάντιν ἐκπράξασ ἐμὲ ἀπήγαγ’ ἐσ τοιάσδε θανασίμουσ τύχασ. βωμοῦ πατρῴου δ’ ἀντ’ ἐπίξηνον μένει, θερμῷ κοπείσησ φοινίῳ προσφάγματι. οὐ μὴν ἄτιμοί γ’ ἐκ θεῶν τεθνήξομεν. ἥξει γὰρ ἡμῶν ἄλλοσ αὖ τιμάοροσ, μητροκτόνον φίτυμα, ποινάτωρ πατρόσ· φυγὰσ δ’ ἀλήτησ τῆσδε γῆσ ἀπόξενοσ κάτεισιν, ἄτασ τάσδε θριγκώσων φίλοισ· ὀμώμοται γὰρ ὁρ́κοσ ἐκ θεῶν μέγασ, ἄξειν νιν ὑπτίασμα κειμένου πατρόσ. τί δῆτ’ ἐγὼ κάτοικτοσ ὧδ’ ἀναστένω; ἐπεὶ τὸ πρῶτον εἶδον Ἰλίου πόλιν πράξασαν ὡσ ἔπραξεν, οἳ δ’ εἷλον πόλιν οὕτωσ ἀπαλλάσσουσιν ἐν θεῶν κρίσει, ἰοῦσα πράξω· τλήσομαι τὸ κατθανεῖν. Αἵδου πύλασ δὲ τάσδ’ ἐγὼ προσεννέπω· ἐπεύχομαι δὲ καιρίασ πληγῆσ τυχεῖν, ὡσ ἀσφάδαστοσ, αἱμάτων εὐθνησίμων ἀπορρυέντων, ὄμμα συμβάλω τόδε.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Aeschylus, Agamemnon, episode 2:

(아이스킬로스, 아가멤논, episode 2:)

상위

목록

SEARCH

MENU NAVIGATION