Aeschylus, Agamemnon, episode 2:

(아이스킬로스, 아가멤논, episode 2:)

τὴν μὲν Θυέστου δαῖτα παιδείων κρεῶν ξυνῆκα καὶ πέφρικα, καὶ φόβοσ μ’ ἔχει κλύοντ’ ἀληθῶσ οὐδὲν ἐξῃκασμένα. τὰ δ’ ἄλλ’ ἀκούσασ ἐκ δρόμου πεσὼν τρέχω. Ἀγαμέμνονόσ σέ φημ’ ἐπόψεσθαι μόρον. εὔφημον, ὦ τάλαινα, κοίμησον στόμα. ἀλλ’ οὔτι παιὼν τῷδ’ ἐπιστατεῖ λόγῳ. οὔκ, εἴπερ ἔσται γ’· ἀλλὰ μὴ γένοιτό πωσ. σὺ μὲν κατεύχῃ, τοῖσ δ’ ἀποκτείνειν μέλει. τίνοσ πρὸσ ἀνδρὸσ τοῦτ’ ἄγοσ πορσύνεται; ἦ κάρτα τἄρ’ ἂν παρεκόπησ χρησμῶν ἐμῶν τοῦ γὰρ τελοῦντοσ οὐ ξυνῆκα μηχανήν. καὶ μὴν ἄγαν γ’ Ἕλλην’ ἐπίσταμαι φάτιν. καὶ γὰρ τὰ πυθόκραντα· δυσμαθῆ δ’ ὅμωσ. παπαῖ, οἱο͂ν τὸ πῦρ· ἐπέρχεται δέ μοι. ὀτοτοῖ, Λύκει’ Ἄπολλον, οἲ ἐγὼ ἐγώ. αὕτη δίπουσ λέαινα συγκοιμωμένη λύκῳ, λέοντοσ εὐγενοῦσ ἀπουσίᾳ, κτενεῖ με τὴν τάλαιναν· ὡσ δὲ φάρμακον τεύχουσα κἀμοῦ μισθὸν ἐνθήσειν κότῳ ἐπεύχεται, θήγουσα φωτὶ φάσγανον ἐμῆσ ἀγωγῆσ ἀντιτείσασθαι φόνον. τί δῆτ’ ἐμαυτῆσ καταγέλωτ’ ἔχω τάδε, καὶ σκῆπτρα καὶ μαντεῖα περὶ δέρῃ στέφη; σὲ μὲν πρὸ μοίρασ τῆσ ἐμῆσ διαφθερῶ. ἴτ’ ἐσ φθόρον· πεσόντα γ’ ὧδ’ ἀμείβομαι. ἄλλην τιν’ ἄτησ ἀντ’ ἐμοῦ πλουτίζετε. ἰδοὺ δ’ Ἀπόλλων αὐτὸσ ἐκδύων ἐμὲ χρηστηρίαν ἐσθῆτ’, ἐποπτεύσασ δέ με κἀν τοῖσδε κόσμοισ καταγελωμένην μέγα φίλων ὑπ’ ἐχθρῶν οὐ διχορρόπωσ, μάτην ‐ καλουμένη δὲ φοιτὰσ ὡσ ἀγύρτρια πτωχὸσ τάλαινα λιμοθνὴσ ἠνεσχόμην ‐ καὶ νῦν ὁ μάντισ μάντιν ἐκπράξασ ἐμὲ ἀπήγαγ’ ἐσ τοιάσδε θανασίμουσ τύχασ. βωμοῦ πατρῴου δ’ ἀντ’ ἐπίξηνον μένει, θερμῷ κοπείσησ φοινίῳ προσφάγματι. οὐ μὴν ἄτιμοί γ’ ἐκ θεῶν τεθνήξομεν. ἥξει γὰρ ἡμῶν ἄλλοσ αὖ τιμάοροσ, μητροκτόνον φίτυμα, ποινάτωρ πατρόσ· φυγὰσ δ’ ἀλήτησ τῆσδε γῆσ ἀπόξενοσ κάτεισιν, ἄτασ τάσδε θριγκώσων φίλοισ· ὀμώμοται γὰρ ὁρ́κοσ ἐκ θεῶν μέγασ, ἄξειν νιν ὑπτίασμα κειμένου πατρόσ. τί δῆτ’ ἐγὼ κάτοικτοσ ὧδ’ ἀναστένω; ἐπεὶ τὸ πρῶτον εἶδον Ἰλίου πόλιν πράξασαν ὡσ ἔπραξεν, οἳ δ’ εἷλον πόλιν οὕτωσ ἀπαλλάσσουσιν ἐν θεῶν κρίσει, ἰοῦσα πράξω· τλήσομαι τὸ κατθανεῖν. Αἵδου πύλασ δὲ τάσδ’ ἐγὼ προσεννέπω· ἐπεύχομαι δὲ καιρίασ πληγῆσ τυχεῖν, ὡσ ἀσφάδαστοσ, αἱμάτων εὐθνησίμων ἀπορρυέντων, ὄμμα συμβάλω τόδε.

상위

Agamemnon (아가멤논)

목록

일치하는 문장이 없습니다.

SEARCH

MENU NAVIGATION