Aeschylus, Agamemnon, episode, anapests 8:

(아이스킬로스, 아가멤논, episode, anapests 8:)

νῦν ταῦτα πάντα τλᾶσ’ ἀπενθήτῳ φρενὶ λέγοιμ’ ἂν ἄνδρα τόνδε τῶν σταθμῶν κύνα, σωτῆρα ναὸσ πρότονον, ὑψηλῆσ στέγησ στῦλον ποδήρη, μονογενὲσ τέκνον πατρί, καὶ γῆν φανεῖσαν ναυτίλοισ παρ’ ἐλπίδα, κάλλιστον ἦμαρ εἰσιδεῖν ἐκ χείματοσ, ὁδοιπόρῳ διψῶντι πηγαῖον ῥέοσ· τερπνὸν δὲ τἀναγκαῖον ἐκφυγεῖν ἅπαν. τοιοῖσδέ τοί νιν ἀξιῶ προσφθέγμασιν. φθόνοσ δ’ ἀπέστω· πολλὰ γὰρ τὰ πρὶν κακὰ ἠνειχόμεσθα. νῦν δέ μοι, φίλον κάρα, ἔκβαιν’ ἀπήνησ τῆσδε, μὴ χαμαὶ τιθεὶσ τὸν σὸν πόδ’, ὦναξ, Ἰλίου πορθήτορα. δμῳαί, τί μέλλεθ’, αἷσ ἐπέσταλται τέλοσ πέδον κελεύθου στρωννύναι πετάσμασιν; εὐθὺσ γενέσθω πορφυρόστρωτοσ πόροσ ἐσ δῶμ’ ἀέλπτον ὡσ ἂν ἡγῆται δίκη. τὰ δ’ ἄλλα φροντὶσ οὐχ ὕπνῳ νικωμένη θήσει δικαίωσ σὺν θεοῖσ εἱμαρμένα.

상위

Agamemnon (아가멤논)

목록

일치하는 문장이 없습니다.

SEARCH

MENU NAVIGATION