호흡부호 보기
강세부호 보기
장단부호 보기
작은 Iota 보기
모든 부호 보기
Τελαμών ὁ Αἰακοῦ καὶ Ἐνδηίδοσ ἐλθὼν εἰσ Εὔβοιαν διέφθειρε τὴν Ἀλκοθόου Ἐρίβοιαν καὶ νυκτὸσ ἔφυγεν. ὁ δὲ πατὴρ αἰσθόμενοσ καὶ τῶν πολιτῶν τινα ὑποπτεύσασ ἔδωκε τὴν κόρην καταποντωθῆναί τινι τῶν δορυφόρων. ὁ δ’ ἐλεήσασ ἀπημπόλησε· προσσχούσησ δὲ τῆσ νεὼσ Σαλαμῖνι Τελαμὼν ὠνήσατο ἡ δ’ ἔτεκεν Αἰάντα· ὡσ Ἀρητάδησ Κνίδιοσ ἐν δευτέρῳ Νησιωτικῶν. Λούκιοσ Τρώσκιοσ θυγατέρα εἶχε Φλωρεντίαν ἀπὸ τῆσ Πατρίδοσ· ταύτην ἔφθειρε Καλπούρνιοσ Ῥωμαῖοσ. ὁ δὲ παρέδωκε τὴν κόρην καταποντίσαι· ἐλεηθεῖσα δὲ ὑπὸ τοῦ δορυφόρου πιπράσκεται· καὶ κατὰ τύχην τῆσ νεὼσ προσσχούσησ εἰσ Ἰταλίαν, Καλπούρνιοσ ὠνήσατο καὶ ἐποιήσατο ἐξ αὐτῆσ Κόντρουσκον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기