호흡부호 보기
강세부호 보기
장단부호 보기
작은 Iota 보기
모든 부호 보기
τεκμήριον δὲ μέγα· Πέρσαι μὲν γὰρ ὡσ οὐδὲν μέγα πεπονθότεσ ὑπὸ Κίμωνοσ εὐθὺσ ἀντετάττοντο τοῖσ Ἕλλησι, καὶ τήν γε πολλὴν δύναμιν αὐτῶν ἐν Αἰγύπτῳ κρατήσαντεσ διέφθειραν, Τιγράνου δὲ καὶ Μιθριδάτου μετὰ Λούκουλλον οὐδὲν ἄλλο ἔργον ἐγένετο, ἀλλ’ ὁ μὲν ἀσθενὴσ ἤδη καὶ συγκεκομμένοσ ὑπὸ τῶν πρώτων ἀγώνων οὐδ’ ἅπαξ ἐτόλμησε δεῖξαι Πομπηϊῴ τήν δύναμιν ἔξω τοῦ χάρακοσ, ἀλλὰ φυγὼν εἰσ Βόσπορον κατέβη κἀκεῖ κατέστρεψε, Τιγράνησ δ’ αὐτὸσ ἑαυτὸν γυμνὸν καὶ ἄνοπλον φέρων ὑπέρριψε Πομπηϊῴ, καὶ τὸ διάδημα τῆσ κεφαλῆσ ἀφελόμενοσ ἔθηκε πρὸ τῶν ποδῶν, οὐ τοῖσ ἑαυτοῦ κολακεύων Πομπήϊον, ἀλλὰ τοῖσ ὑπὸ Λουκούλλου τεθριαμβευμένοισ.
호흡부호 보기
강세부호 보기
장단부호 보기
작은 Iota 보기
모든 부호 보기