Ancient Greek Text

Athenaeus, The Deipnosophists, Book 7, book 7, chapter 124

(아테나이오스, The Deipnosophists, Book 7, book 7, chapter 124)

Ἐπίχαρμοσ δ’ ἐν Ἥβασ γάμῳ φησί· πώλυποι τε σηπίαι τε καὶ ποταναὶ τευθίδεσ. τοῦτο δὲ σημειωτέον πρὸσ Σπεύσιππον λέγοντα εἶναι ὅμοια σηπίαν τευθίδα. οἱ ἐξηγησάμενοι ἀπέδωκαν τὸ τῆσ σηπίασ μέλαν. ἐστὶ δὲ τὸ ὑπόσφαγμα, ὡσ Ἐρασίστρατόσ φησιν ἐν Ὀψαρτυτικῷ, ὑπότριμμα. γράφει δὲ οὕτωσ· "ὑπόσφαγμα δ’ εἶναι κρέασιν ὀπτοῖσ ἐκ τοῦ αἵματοσ τεταραγμένου μέλιτι, τυρῷ, ἁλί, κυμίνῳ, σιλφίῳ, ὄξει ἑφθὸν. καὶ Γλαῦκοσ δ’ ὁ Λοκρὸσ ἐν Ὀψαρτυτικῷ οὕτωσ γράφει· "ὑπόσφαγμα δ’ αἷμα ἑφθὸν καὶ σίλφιον καὶ ἕψημα ἢ μέλι καὶ ὄξοσ καὶ γάλα καὶ τυρὸσ καὶ φύλλα εὐώδη τετμημένα" ὁ δὲ πολυμαθέστατοσ Ἀρχέστρατόσ φησιν σηπίαι Ἀβδήροισ τε Μαρωνείᾳ τ’ ἐνὶ μέσσῃ. Ἀριστοφάνησ Θεσμοφοριαζούσαισ· ἰχθὺσ ἐώνηταί τισ ἢ σηπίδιον;

καὶ ἐν Δαναίσιν ὀσμύλια καὶ μαινίδια καὶ σηπίδια. Θεόπομποσ Ἀφροδίτῃ· ἀλλ’ ἔντραγε τὴν σηπίαν τηνδὶ λαβοῦσα καὶ τοδὶ τὸ πουλυπόδειον. περὶ δὲ ἑψήσεωσ σηπιδίων Ἄλεξισ ἐν Πονήρᾳ παράγει μάγειρον τάδε λέγοντα· σηπίασ τόσασ δραχμῆσ μιᾶσ τρίσ τῶν δὲ τὰσ μὲν πλεκτάνασ καὶ τὰ πτερύγια συντεμὼν ἑφθὰσ ποῶ.

τὸ δ’ ἄλλο σῶμα κατατεμὼν πολλοὺσ κύβουσ σμήσασ τε λεπτοῖσ ἁλσὶ δειπνούντων ἅμα ἐπὶ τὸ τάγηνον σίζον ἐπεισιὼν φέρω.