헬라어 문장 검색 - ΧενοπήΩορκσον́3́09́

(크세노폰, Works on Socrates, Συμπόσιον, chapter 9)

οὗτοσ μὲν δὴ ὁ λόγοσ ἐνταῦθα ἔληξεν. Αὐτόλυκοσ δὲ ἤδη γὰρ ὡρ́α ἦν αὐτῷ ἐξανίστατο εἰσ περίπατον· καὶ ὁ Λύκων ὁ πατὴρ αὐτῷ συνεξιὼν ἐπιστραφεὶσ εἶπε· Νὴ τὴν Ἥραν, ὦ Σώκρατεσ, καλόσ γε κἀγαθὸσ δοκεῖσ μοι ἄνθρωποσ εἶναι. ἐκ δὲ τούτου πρῶτον μὲν θρόνοσ τισ ἔνδον κατετέθη, ἔπειτα δὲ ὁ Συρακόσιοσ εἰσελθὼν εἶπεν·

ὦ ἄνδρεσ, Ἀριάδνη εἴσεισιν εἰσ τὸν ἑαυτῆσ τε καὶ Διονύσου θάλαμον· μετὰ δὲ τοῦθ’ ἥξει Διόνυσοσ ὑποπεπωκὼσ παρὰ θεοῖσ καὶ εἴσεισι πρὸσ αὐτήν, ἔπειτα παιξοῦνται πρὸσ ἀλλήλουσ. ἐκ τούτου πρῶτον μὲν ἡ Ἀριάδνη ὡσ νύμφη κεκοσμημένη παρῆλθε καὶ ἐκαθέζετο ἐπὶ τοῦ θρόνου.

οὔπω δὲ φαινομένου τοῦ Διονύσου ηὐλεῖτο ὁ βακχεῖοσ ῥυθμόσ. ἔνθα δὴ ἠγάσθησαν τὸν ὀρχηστοδιδάσκαλον. εὐθὺσ μὲν γὰρ ἡ Ἀριάδνη ἀκούσασα τοιοῦτόν τι ἐποίησεν ὡσ πᾶσ ἂν ἔγνω ὅτι ἀσμένη ἤκουσε· καὶ ὑπήντησε μὲν οὒ οὐδὲ ἀνέστη, δήλη δ’ ἦν μόλισ ἠρεμοῦσα. ἐπεί γε μὴν κατεῖδεν αὐτὴν ὁ Διόνυσοσ, ἐπιχορεύσασ ὥσπερ ἂν εἴ τισ φιλικώτατα ἐκαθέζετο ἐπὶ τῶν γονάτων, καὶ περιλαβὼν ἐφίλησεν αὐτήν.

ἡ δ’ αἰδουμένῃ μὲν ἐῴκει, ὅμωσ δὲ φιλικῶσ ἀντιπεριελάμβανεν. οἱ δὲ συμπόται ὁρῶντεσ ἅμα μὲν ἐκρότουν, ἅμα δὲ ἐβόων αὖθισ. ὡσ δὲ ὁ Διόνυσοσ ἀνιστάμενοσ συνανέστησε μεθ’ ἑαυτοῦ τὴν Ἀριάδνην, ἐκ τούτου δὴ φιλούντων τε καὶ ἀσπαζομένων ἀλλήλουσ σχήματα παρῆν θεάσασθαι.

οἱ δ’ ὁρῶντεσ ὄντωσ καλὸν μὲν τὸν Διόνυσον, ὡραίαν δὲ τὴν Ἀριάδνην, οὐ σκώπτοντασ δὲ ἀλλ’ ἀληθινῶσ τοῖσ στόμασι φιλοῦντασ, πάντεσ ἀνεπτερωμένοι ἐθεῶντο. καὶ γὰρ ἤκουον τοῦ Διονύσου μὲν ἐπερωτῶντοσ αὐτὴν εἰ φιλεῖ αὐτόν, τῆσ δὲ οὕτωσ ἐπομνυούσησ <ὥστε> μὴ μόνον τὸν Διόνυσον ἀλλὰ καὶ τοὺσ παρόντασ ἅπαντασ συνομόσαι ἂν ἦ μὴν τὸν παῖδα καὶ τὴν παῖδα ὑπ’ ἀλλήλων φιλεῖσθαι.

ἐῴκεσαν γὰρ οὐ δεδιδαγμένοισ τὰ σχήματα ἀλλ’ ἐφειμένοισ πράττειν ἃ πάλαι ἐπεθύμουν. τέλοσ δὲ οἱ συμπόται ἰδόντεσ περιβεβληκότασ τε ἀλλήλουσ καὶ ὡσ εἰσ εὐνὴν ἀπιόντασ, οἱ μὲν ἄγαμοι γαμεῖν ἐπώμνυσαν, οἱ δὲ γεγαμηκότεσ ἀναβάντεσ ἐπὶ τοὺσ ἵππουσ ἀπήλαυνον πρὸσ τὰσ ἑαυτῶν γυναῖκασ, ὅπωσ τούτων τύχοιεν.

Σωκράτησ δὲ καὶ τῶν ἄλλων οἱ ὑπομείναντεσ πρὸσ Λύκωνα καὶ τὸν υἱὸν σὺν Καλλίᾳ περιπατήσοντεσ ἀπῆλθον. αὕτη τοῦ τότε συμποσίου κατάλυσισ ἐγένετο.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Συμπόσιον, chapter 9

(크세노폰, Works on Socrates, Συμπόσιον, chapter 9)

상위

목록

SEARCH

MENU NAVIGATION