헬라어 문장 검색 - ΧενοπήΩορκσον́3́03́

(크세노폰, Works on Socrates, Συμπόσιον, chapter 3)

ἐκ δὲ τούτου συνηρμοσμένῃ τῇ λύρᾳ πρὸσ τὸν αὐλὸν ἐκιθάρισεν ὁ παῖσ καὶ ᾖσεν. ἔνθα δὴ ἐπῄνεσαν μὲν ἅπαντεσ· ὁ δὲ Χαρμίδησ καὶ εἶπεν· ἀλλ’ ἐμοὶ μὲν δοκεῖ, ὦ ἄνδρεσ, ὥσπερ Σωκράτησ ἔφη τὸν οἶνον, οὕτωσ καὶ αὕτη ἡ κρᾶσισ τῶν τε παίδων τῆσ ὡρ́ασ καὶ τῶν φθόγγων τὰσ μὲν λύπασ κοιμίζειν, τὴν δ’ ἀφροδίτην ἐγείρειν. ἐκ τούτου δὲ πάλιν εἶπεν ὁ Σωκράτησ·

οὗτοι μὲν δή, ὦ ἄνδρεσ, ἱκανοὶ τέρπειν ἡμᾶσ φαίνονται· ἡμεῖσ δὲ τούτων οἶδ’ ὅτι πολὺ βελτίονεσ οἰόμεθα εἶναι· οὐκ αἰσχρὸν οὖν εἰ μήδ’ ἐπιχειρήσομεν συνόντεσ ὠφελεῖν τι ἢ εὐφραίνειν ἀλλήλουσ; ἐντεῦθεν εἶπαν πολλοί· σὺ τοίνυν ἡμῖν ἐξηγοῦ ποίων λόγων ἁπτόμενοι μάλιστ’ ἂν ταῦτα ποιοῖμεν. ἐγὼ μὲν τοίνυν, ἔφη, ἥδιστ’ ἂν ἀπολάβοιμι παρὰ Καλλίου τὴν ὑπόσχεσιν.

ἔφη γὰρ δήπου, εἰ συνδειπνοῖμεν, ἐπιδείξειν τὴν αὑτοῦ σοφίαν. καὶ ἐπιδείξω γε, ἔφη, ἐὰν καὶ ὑμεῖσ ἅπαντεσ εἰσ μέσον φέρητε ὅ τι ἕκαστοσ ἐπίστασθε ἀγαθόν. ἀλλ’ οὐδείσ σοι, ἔφη, ἀντιλέγει τὸ μὴ οὐ λέξειν ὅ τι ἕκαστοσ ἡγεῖται πλείστου ἄξιον ἐπίστασθαι. ἐγὼ μὲν τοίνυν, ἔφη, λέγω ὑμῖν ἐφ’ ᾧ μέγιστον φρονῶ.

ἀνθρώπουσ γὰρ οἶμαι ἱκανὸσ εἶναι βελτίουσ ποιεῖν. καὶ ὁ Ἀντισθένησ εἶπε· πότερον τέχνην τινὰ βαναυσικὴν ἢ καλοκἀγαθίαν διδάσκων; εἰ καλοκἀγαθία ἐστὶν ἡ δικαιοσύνη. νὴ Δί’, ἔφη ὁ Ἀντισθένησ, ἥ γε ἀναμφιλογωτάτη· ἐπεί τοι ἀνδρεία μὲν καὶ σοφία ἔστιν ὅτε βλαβερὰ καὶ φίλοισ καὶ πόλει δοκεῖ εἶναι, ἡ δὲ δικαιοσύνη οὐδὲ καθ’ ἓν συμμίγνυται τῇ ἀδικίᾳ. ἐπειδὰν τοίνυν καὶ ὑμῶν ἕκαστοσ εἴπῃ ὅ τι ὠφέλιμον ἔχει, τότε κἀγὼ οὐ φθονήσω εἰπεῖν τὴν τέχνην δι’ ἧσ τοῦτο ἀπεργάζομαι.

ἀλλὰ σὺ αὖ, ἔφη, λέγε, ὦ Νικήρατε, ἐπὶ ποίᾳ ἐπιστήμῃ μέγα φρονεῖσ. καὶ ὃσ εἶπεν· ὁ πατὴρ ὁ ἐπιμελούμενοσ ὅπωσ ἀνὴρ ἀγαθὸσ γενοίμην ἠνάγκασέ με πάντα τὰ Ὁμήρου ἔπη μαθεῖν· καὶ νῦν δυναίμην ἂν Ἰλιάδα ὅλην καὶ Ὀδύσσειαν ἀπὸ στόματοσ εἰπεῖν. ἐκεῖνο δ’, ἔφη ὁ Ἀντισθένησ, λέληθέ σε, ὅτι καὶ οἱ ῥαψῳδοὶ πάντεσ ἐπίστανται ταῦτα τὰ ἔπη;

καὶ πῶσ ἄν, ἔφη, λελήθοι ἀκροώμενόν γε αὐτῶν ὀλίγου ἀν’ ἑκάστην ἡμέραν; οἶσθά τι οὖν ἔθνοσ, ἔφη, ἠλιθιώτερον ῥαψῳδῶν; οὐ μὰ τὸν Δί’, ἔφη ὁ Νικήρατοσ, οὔκουν ἔμοιγε δοκῶ. δῆλον γάρ, ἔφη ὁ Σωκράτησ, ὅτι τὰσ ὑπονοίασ οὐκ ἐπίστανται. σὺ δὲ Στησιμβρότῳ τε καὶ Ἀναξιμάνδρῳ καὶ ἄλλοισ πολλοῖσ πολὺ δέδωκασ ἀργύριον, ὥστε οὐδέν σε τῶν πολλοῦ ἀξίων λέληθε. τί γὰρ σύ, ἔφη, ὦ Κριτόβουλε, ἐπὶ τίνι μέγιστον φρονεῖσ;

ἐπὶ κάλλει, ἔφη. ἦ οὖν καὶ σύ, ἔφη ὁ Σωκράτησ, ἕξεισ λέγειν ὅτι τῷ σῷ κάλλει ἱκανὸσ εἶ βελτίουσ ἡμᾶσ ποιεῖν; εἰ δὲ μή, δῆλόν γε ὅτι φαῦλοσ φανοῦμαι. τί γὰρ σύ, εἶπεν, ἐπὶ τίνι μέγα φρονεῖσ, ὦ Ἀντίσθενεσ;

ἐπὶ πλούτῳ, ἔφη. ὁ μὲν δὴ Ἑρμογένησ ἀνήρετο εἰ πολὺ εἰή αὐτῷ ἀργύριον. ὁ δὲ ἀπώμοσε μηδὲ ὀβολόν. ἀλλὰ γῆν πολλὴν κέκτησαι; ἴσωσ ἄν, ἔφη, Αὐτολύκῳ τούτῳ ἱκανὴ γένοιτο ἐγκονίσασθαι. ἀκουστέον ἂν εἰή καὶ σοῦ.

τί γὰρ σύ, ἔφη, ὦ Χαρμίδη, ἐπὶ τίνι μέγα φρονεῖσ; ἐγὼ αὖ, ἔφη, ἐπὶ πενίᾳ μέγα φρονῶ. νὴ Δί’, ἔφη ὁ Σωκράτησ, ἐπ’ εὐχαρίτῳ γε πράγματι. τοῦτο γὰρ δὴ ἥκιστα μὲν ἐπίφθονον, ἥκιστα δὲ περιμάχητον, καὶ ἀφύλακτον ὂν σῴζεται καὶ ἀμελούμενον ἰσχυρότερον γίγνεται. σὺ δὲ δή, ἔφη ὁ Καλλίασ, ἐπὶ τίνι μέγα φρονεῖσ, ὦ Σώκρατεσ;

καὶ ὃσ μάλα σεμνῶσ ἀνασπάσασ τὸ πρόσωπον, ἐπὶ μαστροπείᾳ, εἶπεν. ἐπεὶ δὲ ἐγέλασαν ἐπ’ αὐτῷ, ὑμεῖσ μὲν γελᾶτε, ἔφη, ἐγὼ δὲ οἶδ’ ὅτι καὶ πάνυ ἂν πολλὰ χρήματα λαμβάνοιμι, εἰ βουλοίμην χρῆσθαι τῇ τέχνῃ. σύ γε μὴν δῆλον, ἔφη ὁ Λύκων τὸν Φίλιππον <προσειπών, ὅτι> ἐπὶ τῷ γελωτοποιεῖν μέγα φρονεῖσ.

δικαιότερόν γ’, ἔφη, οἰόμαι, ἢ Καλλιππίδησ ὁ ὑποκριτήσ, ὃσ ὑπερσεμνύνεται ὅτι δύναται πολλοὺσ κλαίοντασ καθίζειν. οὐκοῦν καὶ σύ, ἔφη ὁ Ἀντισθένησ, λέξεισ, ὦ Λύκων, ἐπὶ τίνι μέγα φρονεῖσ;

καὶ ὃσ ἔφη· οὐ γὰρ ἅπαντεσ ἴστε, ἔφη, <ὅτι> ἐπὶ τούτῳ τῷ υἱεῖ; οὗτόσ γε μήν, ἔφη τισ, δῆλον ὅτι ἐπὶ τῷ νικηφόροσ εἶναι. καὶ ὁ Αὐτόλυκοσ ἀνερυθριάσασ εἶπε· μὰ Δί’ οὐκ ἔγωγε. ἐπεὶ δὲ ἅπαντεσ ἡσθέντεσ ὅτι ἤκουσαν αὐτοῦ φωνήσαντοσ προσέβλεψαν, ἤρετό τισ αὐτόν·

ἀλλ’ ἐπὶ τῷ μήν, ὦ Αὐτόλυκε; ὁ δ’ εἶπεν· Ἐπὶ τῷ πατρί, καὶ ἅμα ἐνεκλίθη αὐτῷ. καὶ ὁ Καλλίασ ἰδών, Ἆρ’ οἶσθα, ἔφη, ὦ Λύκων, ὅτι πλουσιώτατοσ εἶ ἀνθρώπων; μὰ Δί’, ἔφη, τοῦτο μέντοι ἐγὼ οὐκ οἶδα. ἀλλὰ λανθάνει σε ὅτι οὐκ ἂν δέξαιο τὰ βασιλέωσ χρήματα ἀντὶ τοῦ υἱοῦ; ἐπ’ αὐτοφώρῳ εἴλημμαι, ἔφη, πλουσιώτατοσ, ὡσ ἐοίκεν, ἀνθρώπων ὤν. σὺ δέ, ἔφη ὁ Νικήρατοσ, ὦ Ἑρμόγενεσ, ἐπὶ τίνι μάλιστα ἀγάλλῃ;

καὶ ὅσ, ἐπὶ φίλων, ἔφη, ἀρετῇ καὶ δυνάμει, καὶ ὅτι τοιοῦτοι ὄντεσ ἐμοῦ ἐπιμέλονται. ἐνταῦθα τοίνυν πάντεσ προσέβλεψαν αὐτῷ, καὶ πολλοὶ ἅμα ἤροντο εἰ καὶ σφίσι δηλώσοι αὐτούσ. ὁ δὲ εἶπεν ὅτι οὐ φθονήσει.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Works on Socrates, Συμπόσιον, chapter 3

(크세노폰, Works on Socrates, Συμπόσιον, chapter 3)

상위

목록

SEARCH

MENU NAVIGATION