헬라어 문장 검색 - ΧενοπήΜινορΩό7́02́

(크세노폰, Minor Works, Πόροι ἢ περὶ Προσόδων, chapter 2)

τούτων μὲν οὖν ἁπάντων, ὥσπερ εἶπον, νομίζω αὐτὴν τὴν χώραν αἰτίαν εἶναι. εἰ δὲ πρὸσ τοῖσ αὐτοφυέσιν ἀγαθοῖσ πρῶτον μὲν τῶν μετοίκων ἐπιμέλεια γένοιτο· αὕτη γὰρ ἡ πρόσοδοσ τῶν καλλίστων ἔμοιγε δοκεῖ εἶναι, ἐπείπερ <αὐτοὶ> αὑτοὺσ τρέφοντεσ καὶ πολλὰ ὠφελοῦντεσ τὰσ πόλεισ οὐ λαμβάνουσι μισθόν, ἀλλὰ μετοίκιον προσφέρουσιν ‐ ἐπιμέλειά γε μὴν ἥδ’ ἂν ἀρκεῖν μοι δοκεῖ, εἰ ἀφέλοιμεν μὲν ὅσα μηδὲν ὠφελοῦντα τὴν πόλιν ἀτιμίασ δοκεῖ τοῖσ μετοίκοισ παρέχειν, ἀφέλοιμεν δὲ καὶ τὸ συστρατεύεσθαι ὁπλίτασ μετοίκουσ τοῖσ ἀστοῖσ. μέγασ μὲν γὰρ ὁ κίνδυνοσ ἀπόντι· μέγα δὲ καὶ τὸ ἀπὸ τῶν τέκνων καὶ τῶν οἰκιῶν ἀπιέναι.

ἀλλὰ μὴν καὶ ἡ πόλισ γ’ ἂν ὠφεληθείη, εἰ οἱ πολῖται μετ’ ἀλλήλων στρατεύοιντο μᾶλλον ἢ εἰ συντάττοιντο αὐτοῖσ, ὥσπερ νῦν, Λυδοὶ καὶ Φρύγεσ καὶ Σύροι καὶ ἄλλοι παντοδαποὶ βάρβαροι·

πολλοὶ γὰρ τοιοῦτοι τῶν μετοίκων. πρὸσ δὲ τῷ ἀγαθῷ τῷ τούτουσ ἐκ τοῦ συντάττεσθαι ἀφεθῆναι καὶ κόσμοσ ἂν τῇ πόλει εἰή, εἰ δοκοῖεν Ἀθηναῖοι εἰσ τὰσ μάχασ αὑτοῖσ μᾶλλον πιστεύειν ἢ ἀλλοδαποῖσ.

καὶ μεταδιδόντεσ δ’ ἄν μοι δοκοῦμεν τοῖσ μετοίκοισ τῶν <τ’> ἄλλων ὧν καλὸν μεταδιδόναι καὶ τοῦ ἱππικοῦ εὐνουστέρουσ ἂν ποιεῖσθαι καὶ ἅμα ἰσχυροτέραν ἂν καὶ μείζω τὴν πόλιν ἀποδεικνύναι.

εἶτα ἐπειδὴ καὶ πολλὰ οἰκιῶν ἔρημά ἐστιν ἐντὸσ τῶν τειχῶν καὶ οἰκόπεδα, εἰ ἡ πόλισ διδοίη οἰκοδομησομένοισ ἐγκεκτῆσθαι οἳ ἂν αἰτούμενοι ἄξιοι δοκῶσιν εἶναι, πολὺ ἂν οἰόμαι καὶ διὰ ταῦτα πλείουσ τε καὶ βελτίουσ ὀρέγεσθαι τῆσ Ἀθήνησιν οἰκήσεωσ.

καὶ εἰ μετοικοφύλακάσ γε ὥσπερ ὀρφανοφύλακασ ἀρχὴν καθισταῖμεν, καὶ τούτοισ τιμή τισ ἐπείη οἵτινεσ πλείστουσ μετοίκουσ ἀποδείξειαν, καὶ τοῦτο εὐνουστέρουσ ἂν τοὺσ μετοίκουσ ποιοίη καί, ὡσ τὸ εἰκόσ, πάντεσ ἂν οἱ ἀπόλιδεσ τῆσ Ἀθήνησι μετοικίασ ὀρέγοιντο καὶ τὰσ προσόδουσ ἂν αὔξοιεν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Xenophon, Minor Works, Πόροι ἢ περὶ Προσόδων, chapter 2

(크세노폰, Minor Works, Πόροι ἢ περὶ Προσόδων, chapter 2)

상위

목록

SEARCH

MENU NAVIGATION