Xenophon, Memorabilia, Ἀπομνημονευμάτων Δ, chapter 2 12:

καὶ ὁ Σωκράτησ ἔφη· οὐ δήπου, ὦ Εὐθύδημε, ταύτησ τῆσ ἀρετῆσ ἐφίεσαι, δι’ ἣν ἄνθρωποι πολιτικοὶ γίγνονται καὶ οἰκονομικοὶ καὶ ἄρχειν ἱκανοὶ καὶ ὠφέλιμοι τοῖσ τε ἄλλοισ ἀνθρώποισ καὶ ἑαυτοῖσ; καὶ ὁ Εὐθύδημοσ, σφόδρα γ’, ἔφη, ὦ Σώκρατεσ, ταύτησ τῆσ ἀρετῆσ δέομαι. νὴ Δί’, ἔφη ὁ Σωκράτησ, τῆσ καλλίστησ ἀρετῆσ καὶ μεγίστησ ἐφίεσαι τέχνησ· ἔστι γὰρ τῶν βασιλέων αὕτη καὶ καλεῖται βασιλική. ἀτάρ, ἔφη, κατανενόηκασ, εἰ οἱο͂́ν τέ ἐστι μὴ ὄντα δίκαιον ἀγαθὸν ταῦτα γενέσθαι; καὶ μάλα, ἔφη· καὶ οὐχ οἱο͂́ν τέ γε ἄνευ δικαιοσύνησ ἀγαθὸν πολίτην γενέσθαι.