헬라어 문장 검색 - ΠολψβίΗιστορί32́003́

(폴리비오스, Histories, book 32, chapter 3)

Ἐγένετο δέ τι περὶ τοὺσ προειρημένουσ ἄξιον μνήμησ. ὁ μὲν γὰρ Λεπτίνησ μετὰ τὸ προσενεγκεῖν Γναί̈ῳ τὰσ χεῖρασ εὐθέωσ ἐν τῇ Λαοδικείᾳ περιῄει φανερῶσ, φάσκων δίκαια πεποιηκέναι καὶ μετὰ τῆσ τῶν θεῶν γνώμησ ταῦτα πεπραχέναι.

τοῦ δὲ Δημητρίου παραλαβόντοσ τὰ πράγματα, προσεπορεύετο τῷ βασιλεῖ, παρακαλῶν αὐτὸν μὴ δεδιέναι διὰ τὸν Γναί̈ου φόνον μηδὲ βουλεύεσθαι μηδὲν δυσχερὲσ κατὰ τῶν Λαοδικέων·

αὐτὸσ γὰρ εἰσ τὴν Ῥώμην πορεύσεσθαι καὶ διδάξειν τὴν σύγκλητον ὅτι μετὰ τῆσ τῶν θεῶν γνώμησ ταῦτα πεποίηκεν.

ὁ δ’ Ἰσοκράτησ ἐμπεσὼν εἰσ τὴν αἰτίαν ὁλοσχερῶσ παρεξέστη τῇ διανοίᾳ.

τοῦ κλοιοῦ δ’ αὐτῷ περὶ τὸν τράχηλον περιτεθέντοσ καὶ τῆσ ἁλύσεωσ, σπανίωσ μὲν καὶ τὴν τροφὴν προσίετο, τῆσ δὲ τοῦ σώματοσ θεραπείασ εἰσ τέλοσ ἀπέστη. διὸ καὶ παρεγένετ’ εἰσ τὴν Ῥώμην θέαμα θαυμάσιον, εἰσ ὃν ἀποβλέψασ ἄν τισ ὁμολογήσειεν διότι καὶ κατὰ σῶμα καὶ κατὰ ψυχὴν οὐδέν ἐστιν ἀνθρώπου φοβερώτερον, ὅταν ἅπαξ ἀποθηριωθῇ.

τά τε κατὰ τὴν διάνοιαν ἐκ τῆσ τῶν ὀμμάτων ἐμφάσεωσ καὶ κινήσεωσ τοιαύτην ἐποιεῖτο τὴν φαντασίαν ὥστε τὸν θεασάμενον πρὸσ πᾶν ζῷον ἑτοιμότερον ἂν προσελθεῖν ἢ πρὸσ ἐκεῖνον.

ὁ δὲ Λεπτίνησ μένων ἐπὶ τῆσ ἐξ ἀρχῆσ προαιρέσεωσ εἴσ τε τὴν σύγκλητον ἕτοιμοσ ἦν εἰσπορεύεσθαι πρόσ τε τοὺσ ἐντυγχάνοντασ ἁπλῶσ ἀνθωμολογεῖτο περὶ τῆσ πράξεωσ, καὶ προσδιωρίζετο μηδὲν αὑτῷ δυσχερὲσ ἀπαντήσειν ὑπὸ Ῥωμαίων.

καὶ τέλοσ εὐστόχησε τῆσ ἐλπίδοσ· ὥστ’ ἔχειν ἐξουσίαν, ὅτε βουληθείη, χρήσασθαι τοῖσ ἐγκλήμασι.

διὸ καὶ τὴν ἀπόκρισιν ἔδωκε τοιαύτην τῷ Δημητρίῳ, διότι τεύξεται τῶν φιλανθρώπων, ἐὰν τὸ ἱκανὸν ποιῇ τῇ συγκλήτῳ κατὰ τὴν τῆσ ἀρχῆσ ἐξουσίαν.

Ἧκον δὲ καὶ παρὰ τῶν Ἀχαιῶν πρέσβεισ οἱ περὶ Ξένωνα καὶ Τηλεκλῆν ὑπὲρ τῶν κατῃτιαμένων, καὶ μάλιστα τοῦ Πολυβίου καὶ τοῦ Στρατίου χάριν·

τοὺσ μὲν γὰρ λοιποὺσ σχεδὸν ἅπαντασ ὁ χρόνοσ ἤδη καταναλώκει, τούσ γε δὴ καὶ μνήμησ ἀξίουσ.

παρῆσαν δ’ οἱ πρέσβεισ ἐντολὰσ ἔχοντεσ ἁπλῶσ ἀξιωματικὰσ χάριν τοῦ πρὸσ μηδὲν ἀντιφιλονικεῖν τῇ συγκλήτῳ.

εἰσπορευθέντων δὲ καὶ ποιησαμένων τοὺσ ἁρμόζοντασ λόγουσ, οὐδ’ ὣσ οὐδὲν ἠνύσθη, τὸ δ’ ἐναντίον ἔδοξε τῇ συγκλήτῳ μένειν ἐπὶ τῶν ὑποκειμένων.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Polybius, Histories, book 32, chapter 3

(폴리비오스, Histories, book 32, chapter 3)

상위

목록

SEARCH

MENU NAVIGATION