Plutarch, Quaestiones Convivales, book 1, Διὰ τί Πλάτων εἰκοστὴν ἔφη τὴν Αἰάντοσ ψυχὴν ἐπὶ τὸν κλῆρον ἐλθεῖν. 15:

"ὅσασ ἐν Νεκυίᾳ κατωνόμακεν, ἡ μὲν Ἐλπήνοροσ οὔπω καταμεμιγμένη ταῖσ ἐν Αἵδου διὰ τὸ μὴ τεθάφθαι τὸν νεκρὸν ὥσπερ ἐν μεθορίοισ πλανᾶται· "τὴν δὲ Τειρεσίου ταῖσ ἄλλαισ οὐκ ἄξιον δήπου συγκαταριθμεῖν, ᾧ καὶ τεθνειῶτι νόον πόρε Περσεφόνεια οἰῴ πεπνῦσθαι καὶ διαλέγεσθαι καὶ ξυνιέναι τῶν ζώντων, πρὶν ἢ πιεῖν τοῦ αἵματοσ. "ἂν οὖν ταύτασ ὑπεξελόμενοσ, ὦ Λαμπρία, τὰσ ἄλλασ διαριθμῇσ, αὐτὸ συμβαίνει, τὴν Αἰάντοσ εἰκοστὴν εἰσ ὄψιν ἀφῖχθαι τοῦ Ὀδυσσέωσ καὶ πρὸσ τοῦτο παίζειν τὸν Πλάτωνα τῇ Ὁμηρικῇ Νεκυίᾳ προσαναχρωννύμενον.