헬라어 문장 검색 - Πλυταρ́Θυαεστι

(플루타르코스, Quaestiones Convivales, book 4, Τίσ ὁ παρ’ Ιοὐδαίοισ θεόσ.)

"σὺ τὸν πατριώτην θεόν, ὦ Λαμπρία εὐιόν, ὀρσιγύναικα, μαινομέναισ ἀνθέοντα τιμαῖσι Διόνυσον ἐγγράφεισ καὶ ὑποποιεῖσ τοῖσ Ἑβραίων ἀπορρήτοισ; "ἢ τῷ ὄντι λόγοσ ἔστι τισ ὁ τοῦτον ἐκείνῳ τὸν αὐτὸν ἀποφαίνων; εἶπεν·

"γὰρ Ἀθηναῖοσ ὢν ἀποκρίνομαί σοι καὶ λέγω μηδέν’ ἄλλον εἶναι· "καὶ τὰ μὲν πολλὰ τῶν εἰσ τοῦτο τεκμηρίων μόνοισ ἐστὶ ῥητὰ καὶ διδακτὰ τοῖσ μυουμένοισ παρ’ ἡμῖν εἰσ τὴν τριετηρικὴν παντέλειαν· "ἃ δὲ λόγῳ διελθεῖν οὐ κεκώλυται πρὸσ φίλουσ ἄνδρασ, ἄλλωσ τε καὶ παρ’ οἶνον ἐπὶ τοῖσ τοῦ θεοῦ δώροισ, ἂν οὗτοι κελεύωσι, λέγειν ἕτοιμοσ. "τῆσ μεγίστησ καὶ τελειοτάτησ ἑορτῆσ παρ’ αὐτοῖσ ὁ καιρόσ ἐστι καὶ ὁ τρόποσ Διονύσῳ προσήκων.

"τὴν γὰρ λεγομένην νηστείαν ἄγοντεσ ἀκμάζοντι τρυγητῷ τραπέζασ τε προτίθενται παντοδαπῆσ ὀπώρασ ὑπὸ σκηναῖσ καὶ καλιάσιν ἐκ κλημάτων μάλιστα καὶ κιττοῦ διαπεπλεγμέναισ· "καὶ τὴν προτέραν τῆσ ἑορτῆσ σκηνὴν ὀνομάζουσιν. "ὀλίγαισ δ’ ὕστερον ἡμέραισ ἄλλην ἑορτήν, οὐκ ἂν δι’ αἰνιγμάτων ἀλλ’ ἄντικρυσ Βάκχου καλουμένην, τελοῦσιν. "ἔστι δὲ καὶ κραδηφορία τισ ἑορτὴ καὶ θυρσοφορία παρ’ αὐτοῖσ, ἐν θύρσουσ ἔχοντεσ εἰσ τὸ ἱερὸν εἰσίασιν. "εἰσελθόντεσ δέ, ὅ τι δρῶσιν, οὐκ ἴσμεν· "εἰκὸσ δὲ βακχείαν εἶναι τὰ ποιούμενα· "καὶ γὰρ σάλπιγξι μικραῖσ, ὥσπερ Ἀργεῖοι τοῖσ Διονυσίοισ, ἀνακαλούμενοι τὸν θεὸν χρῶνται· "καὶ κιθαρίζοντεσ ἕτεροι προϊάσιν, οὓσ αὐτοὶ Λευίτασ προσονομάζουσιν, εἴτε παρὰ τὸν Λύσιον εἴτε μᾶλλον παρὰ τὸν Εὐιόν τῆσ ἐπικλήσεωσ γεγενημένησ. "οἶμαι δὲ καὶ τὴν τῶν σαββάτων ἑορτὴν μὴ παντάπασιν ἀπροσδιόνυσον εἶναι. "Σάβουσ γὰρ καὶ νῦν ἔτι πολλοὶ τοὺσ Βάκχουσ καλοῦσι καὶ ταύτην ἀφιᾶσι τὴν φωνὴν ὅταν ὀργιάζωσι τῷ θεῷ· "βεβαίωσιν δ’ ἔστι δήπου καὶ παρὰ Δημοσθένουσ λαβεῖν καὶ παρὰ Μενάνδρου. "καὶ οὐκ ἀπὸ τρόπου τισ ἂν φαίη τοὔνομα πεποιῆσθαι πρόσ τινα σόβησιν, ἣ κατέχει τοὺσ βακχεύοντασ. "αὐτοὶ δὲ τῷ λόγῳ μαρτυροῦσιν, ὅταν σάββατον τιμῶσι, μάλιστα μὲν πίνειν καὶ οἰνοῦσθαι παρακαλοῦντεσ ἀλλήλουσ· "ὅταν δὲ κωλύῃ τι μεῖζον, ἀπογεύεσθαί γε πάντωσ ἀκράτου νομίζοντεσ. "καὶ ταῦτα μὲν εἰκότα φαίη τισ ἂν εἶναι· "κατὰ κράτοσ δὲ τοὺσ ἐναντίουσ πρῶτον μὲν ὁ ἀρχιερεὺσ ἐλέγχει, μιτρηφόροσ τε προϊὼν ἐν ταῖσ ἑορταῖσ καὶ νεβρίδα χρυσόπαστον ἐνημμένοσ, χιτῶνα δὲ ποδήρη φορῶν καὶ κοθόρνουσ· "κώδωνεσ δὲ πολλοὶ κατακρέμανται τῆσ ἐσθῆτοσ, ὑποκομποῦντεσ ἐν τῷ βαδίζειν, ὡσ καὶ παρ’ ἡμῖν· "ψόφοισ δὲ χρῶνται περὶ τὰ νυκτέλια, καὶ χαλκοκρότουσ τὰσ τοῦ θεοῦ τιθήνασ προσαγορεύουσι· "καὶ ὁ δεικνύμενοσ ἐν τοῖσ ἐναντίοισ τοῦ νεὼ θύρσοσ ἐντετυπωμένοσ καὶ τύμπανα· "ταῦτα γὰρ οὐδενὶ δήπουθεν ἄλλῳ θεῶν ἢ Διονύσῳ προσῆκει. "ἔτι τοίνυν μέλι μὲν οὐ προσφέρουσι ταῖσ ἱερουργίαισ, ὅτι δοκεῖ φθείρειν τὸν οἶνον κεραννύμενον, καὶ τοῦτ’ ἦν σπονδὴ καὶ μέθυ, πρὶν ἄμπελον φανῆναι. "καὶ μέχρι νῦν τῶν τε βαρβάρων οἱ μὴ ποιοῦντεσ οἶνον μελίτειον πίνουσιν, ὑποφαρμάσσοντεσ τὴν γλυκύτητα οἰνώδεσι ῥίζαισ καὶ αὐστηραῖσ Ἕλληνέσ τε νηφάλια ταὐτὰ καὶ μελίσπονδα θύουσιν, ὡσ ἀντίθετον φύσιν μάλιστα τοῦ μέλιτοσ πρὸσ τὸν οἶνον ἔχοντοσ, ὅτι δὲ τοῦτο νομίζουσι, κἀκεῖνο σημεῖον οὐ μικρόν ἐστι, τὸ πολλῶν τιμωριῶν οὐσῶν παρ’ αὐτοῖσ μίαν εἶναι μάλιστα διαβεβλημένην, τὴν οἴνου τοὺσ κολαζομένουσ ἀπείργουσαν, ὅσον ἂν τάξῃ χρόνον ὁ κύριοσ τῆσ κολάσεωσ· λείπει τὰ λοιπὰ τοῦ τετάρτου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 4, Τίσ ὁ παρ’ Ιοὐδαίοισ θεόσ.

(플루타르코스, Quaestiones Convivales, book 4, Τίσ ὁ παρ’ Ιοὐδαίοισ θεόσ.)

상위

목록

SEARCH

MENU NAVIGATION