헬라어 문장 검색 - Πλυταρ́Θυαεστι

(플루타르코스, Quaestiones Convivales, book 2, Διὰ τί πεύκη καὶ πίτυσ καὶ τὰ ὅμοια τούτοισ οὐκ ἐνοφθαλμιάζεται.)

Σώκλαροσ ἑστιῶν ἡμᾶσ ἐν κήποισ ὑπὸ τοῦ Κηφισοῦ ποταμοῦ περιρρεομένοισ ἐπεδείκνυτο δένδρα παντοδαπῶσ πεποικιλμένα τοῖσ λεγομένοισ ἐνοφθαλμισμοῖσ· καὶ γὰρ ἐκ σχίνων ἐλαίασ ἀναβλαστανούσασ ἑωρῶμεν καὶ ῥοιὰσ ἐκ μυρρίνησ· δεδεγμέναι καὶ συκαῖ μορεῶν ἐμβολάδασ, ἄλλαι τε μίξεισ φυτῶν κεκρατημένων ἄχρι καρπογονίασ.

οἱ μὲν οὖν ἄλλοι πρὸσ τὸν Σώκλαρον ἔπαιζον, ὡσ τῶν ποιητικῶν σφιγγῶν καὶ χιμαιρῶν τερατωδέστερα γένη καὶ θρέμματα βόσκοντα·

Κράτων δὲ προὔβαλεν ἡμῖν διαπορῆσαι περὶ τῆσ αἰτίασ, δι’ ἣν μόνα τῶν φυτῶν τὰ, ἐλαιώδη δέχεσθαι τὰσ τοιαύτασ ἐπιμιξίασ οὐ πέφυκεν· οὔτε γὰρ κῶνον οὔτε κυπάριττον ἢ πίτυν ἢ πεύκην ἐκτρέφουσάν τι τῶν ἑτερογενῶν ὁρᾶσθαι.

"λόγοσ τισ ἔστιν, ὧ Κράτων, παρὰ τοῖσ σοφοῖσ, βεβαιούμενοσ ὑπὸ τῶν γεωργικῶν. τὸ γὰρ ἔλαιον εἶναί φασι τοῖσ φυτοῖσ πολέμιον καὶ τάχιστ’ ἂν ἀπολέσθαι φυτὸν ὃ βούλοιο χριόμενον ἐλαίῳ, καθάπερ τὰσ μελίττασ. "τὰ δ’ εἰρημένα δένδρα πίονα καὶ πέπειραν ἔχει τὴν φύσιν, ὥστε πίσσαν ἀποδακρύειν καὶ ῥητίνην· "ὅταν δὲ πληγῇ, ταῖσ διακοπαῖσ ὥσπερ ἑλκωθέντ’ ἰχῶρα συνάγει; "ἥ τε δᾲσ αὐτῶν ἐλαιηρὰν ἀφίησιν ἰκμάδα καὶ περιστίλβει τὸ λιπαρὸν αὐτῇ· "διὸ καὶ πρὸσ τἄλλα γένη δυσμίκτωσ ἔχει, καθάπερ αὐτὸ τοὔλαιον παυσαμένου δὲ τοῦ Φίλωνοσ, ὁ μὲν Κράτων ᾤετο καὶ τὴν τοῦ φλοιοῦ φύσιν πρὸσ τοῦτο συνεργεῖν λεπτὸν γὰρ ὄντα καὶ ξηρὸν οὐ παρέχειν ἕδραν οὐδ’ ἐμβίωσιν τοῖσ ἐνθεμένοισ, ὥσθ’ ὥσπερ τὰ φλοιώδη καὶ νοτερὰ καὶ τὰ μαλακὰ τοῖσ ὑπὸ τὸν φλοιὸν μέρεσι προσδεχομένοισ περιπτύσσεσθαι κολλώμενον. αὐτὸσ δὲ Σώκλαροσ ἔφη καὶ τὸν ταῦτα λέγοντα μὴ κακῶσ προσεννοεῖν, ὅτι δεῖ τὸ δεχόμενον ἑτέραν φύσιν εὔτρεπτον εἶναι, ἵνα κρατηθὲν ἐξομοιωθῇ καὶ μεταβάλῃ τὴν ἐν ἑαυτῷ τροφὴν πρὸσ τὸ ἐμφυτευόμενον.

"καὶ γὰρ τὴν γῆν προδιαλύομεν καὶ μαλάσσομεν, ἵνα κοπεῖσα μεταβάλῃ δι’ εὐπάθειαν καὶ ἅψηται τῶν ἐμφυτευομένων ἡ γὰρ ἀτενὴσ καὶ σκληρὰ δυσμετάβλητοσ.

"ταῦτα δὲ τὰ δένδρα κοῦφα τοῖσ ξύλοισ ὄντα κρᾶσιν οὐ ποιεῖ διὰ τὸ μὴ κρατεῖσθαι μηδὲ μεταβάλλειν. "οὐκ ἄδηλον ὅτι δεῖ πρὸσ τὸ ἐμφυτευόμενον χώρασ λόγον ἔχειν τὸ δεξόμενον τὴν δὲ χώραν ἀεῖ θήλειαν ἔχειν καὶ γόνιμον·

"ὅθεν τὰ πολυκαρπότατα τῶν φυτῶν ἐκλεγόμενοι παραπηγνύουσιν, ὥσπερ γυναιξὶ πολυγαλακτούσαισ ἕτερα βρέφη προσβάλλοντεσ. "πεύκην δὲ καὶ κυπάριττον καὶ τὰ τοιαῦτα πάντα γλίσχρα καὶ ἀγεννῆ τοῖσ καρποῖσ ὁρῶμεν. "ὥσπερ γὰρ οἱ πολυσαρκίᾳ κεχρημένοι καὶ ὄγκῳ ὡσ ἐπὶ τὸ πλεῖστον ἄτεκνοι· "τὴν γὰρ τροφὴν εἰσ τὸ σῶμα καταναλίσκοντεσ οὐ ποιοῦσιν αὐτῆσ περίττωμα σπερματικόν οὕτω τὰ τοιαῦτα δένδρα τῆσ τροφῆσ ἀπολαύοντα, πάσησ εἰσ αὐτὰ δαπανωμένησ, εὐσωματεῖ τοῖσ μεγέθεσι καὶ αὐξάνεται, καρπὸν δὲ τὰ μὲν οὐ φέρει τὰ δὲ φέρει μικρὸν καὶ συντελούμενον βραδέωσ· "ὥστ’ οὐ δεῖ θαυμάζειν, εἰ μὴ φύεται τἀλλότριον, ἐν ᾧ κακῶσ τρέφεται καὶ τὸ οἰκεῖον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Quaestiones Convivales, book 2, Διὰ τί πεύκη καὶ πίτυσ καὶ τὰ ὅμοια τούτοισ οὐκ ἐνοφθαλμιάζεται.

(플루타르코스, Quaestiones Convivales, book 2, Διὰ τί πεύκη καὶ πίτυσ καὶ τὰ ὅμοια τούτοισ οὐκ ἐνοφθαλμιάζεται.)

상위

목록

SEARCH

MENU NAVIGATION