헬라어 문장 검색 - Πλυταρ́Δεγλορι

(플루타르코스, De gloria Atheniensium, section 1)

ταῦτ’ ὀρθῶσ μὲν ἐκεῖνοσ εἶπε πρὸσ τοὺσ μεθ’ ἑαυτὸν στρατηγούσ, οἷσ πάροδον ἐπὶ τὰσ ὕστερον πράξεισ ἔδωκεν ἐξελάσασ τὸν βάρβαρον καὶ τὴν Ἑλλάδ’ ἐλευθερώσασ· ὀρθῶσ δ’ εἰρήσεται καὶ πρὸσ τοὺσ ἐπὶ τοῖσ λόγοισ μέγα φρονοῦντασ· ἂν γὰρ ἀνέλῃσ τοὺσ πράττοντασ, οὐχ ἕξεισ τοὺσ γράφοντασ;

ἄνελε τὴν Περικλέουσ πολιτείαν καὶ τὰ ναύμαχα πρὸσ Ῥίῳ Φορμίωνοσ τρόπαια καὶ τὰσ περὶ Κύθηρα καὶ Μέγαρα καὶ Κόρινθον ἀνδραγαθίασ Νικίου καὶ τὴν Δημοσθένουσ Πύλον καὶ τοὺσ Κλέωνοσ τετρακοσίουσ αἰχμαλώτουσ καὶ Τολμίδαν Πελοπόννησον περιπλέοντα , καὶ Μυρωνίδην νικῶντα Βοιωτοὺσ ἐν Οἰνοφύτοισ, καὶ Θουκυδίδησ σοι διαγέγραπται. πρὸσ Λέσβον Θρασύλλου καὶ τὴν ὑπὸ Θηραμένουσ τῆσ ὀλιγαρχίασ κατάλυσιν καὶ Θρασύβουλον καὶ Ἀρχῖνον καὶ τοὺσ ἀπὸ Φυλῆσ ἑβδομήκοντα κατὰ τῆσ Σπαρτιατῶν ἡγεμονίασ ἀνισταμένουσ καὶ Κόνωνα πάλιν ἐμβιβάζοντα τὰσ Ἀθήνασ εἰσ τὴν θάλατταν, καὶ Κράτιπποσ ἀνῄρηται.

Ξενοφῶν μὲν γὰρ αὐτὸσ ἑαυτοῦ γέγονεν ἱστορία, γράψασ ἃ ἐστρατήγησε καὶ κατώρθωσε καὶ Θεμιστογένει περὶ τούτων συντετάχθαι τῷ Συρακοσίῳ, ἵνα πιστότεροσ ᾖ διηγούμενοσ ἑαυτὸν ὡσ ἄλλον, ἑτέρῳ τὴν τῶν λόγων δόξαν χαριζόμενοσ.

οἱ δ’ ἄλλοι πάντεσ ἱστορικοί, Κλεινόδημοι Δίυλοι Φιλόχοροσ Φύλαρχοσ, ἀλλοτρίων γεγόνασιν ἔργων ὥσπερ δραμάτων ὑποκριταί, τὰσ τῶν στρατηγῶν καὶ βασιλέων πράξεισ διατιθέμενοι καὶ ταῖσ ἐκείνων ὑποδυόμενοι μνήμαισ ἵν’ ὡσ αὐγῆσ τινοσ καὶ φωτὸσ μετάσχωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De gloria Atheniensium, section 1

(플루타르코스, De gloria Atheniensium, section 1)

상위

목록

SEARCH

MENU NAVIGATION