헬라어 문장 검색 - Πλυταρ́Δεφορτυ

(플루타르코스, De fortuna Romanorum, section 9)

καὶ μὴν τήν γε Νομᾶ βασιλείαν πολυχρονιωτάτην γενομένην ὁμολογουμένωσ εὐτυχία διεκυβέρνησε θαυμαστή. τὸ μὲν γὰρ Ἐγερίαν τινά, νυμφῶν μίαν δρυάδων, δαίμονα σοφὴν ἔρωτι τἀνδρὸσ ἐν συνουσίᾳ γενομένην, παραπαιδαγωγεῖν καὶ συσχηματίζειν τὴν πολιτείαν ἴσωσ μυθωδέστερόν ἐστι. καὶ γὰρ ἄλλοι λεχθέντεσ ἅψασθαι γάμων θείων καὶ θεοῖσ ἐράσμιοι γενέσθαι, Πηλεῖσ καὶ Ἀγχῖσαι καὶ Ὠρίωνεσ καὶ Ἠμαθίωνεσ, οὐ πάντωσ ἀγαπητῶσ οὐδ’ ἀλύπωσ διεβίωσαν. ἀλλὰ Νομᾶσ ἐοίκε τὴν ἀγαθὴν Τύχην ἔχειν ὡσ ἀληθῶσ σύνοικον καὶ σύνεδρον καὶ συνάρχουσαν, ἣ, καθάπερ ἐν κλύδωνι θολερῷ καὶ τεταραγμένῳ πελάγει, τῇ τῶν προσοίκων καὶ γειτόνων ἔχθρᾳ καὶ χαλεπότητι τὴν πόλιν φερομένην καὶ φλεγμαίνουσαν ὑπὸ μυρίων πόνων καὶ διχοστασιῶν παραλαβοῦσα τοὺσ μὲν ἀντιτεταγμένουσ θυμοὺσ καὶ φθόνουσ ὥσπερ πνεύματα κατέσβεσεν· οἱᾶ δέ φασι τὰσ ἀλκυόνων λοχείασ παραδεξαμένην τὴν θάλατταν ἐν χειμῶνι σῴζειν καὶ συνεκτιθηνεῖσθαι, τοιαύτην ἀναχεαμένη καὶ περιστήσασα γαλήνην πραγμάτων ἀπόλεμον καὶ ἄνοσον καὶ ἀκίνδυνον καὶ ἄφοβον, νεοσταθεῖ δήμῳ καὶ κραδαινομένῳ παρέσχε ῥιζῶσαι καὶ καταστῆσαι τὴν πόλιν αὐξανομένην ἐν ἡσυχίᾳ βεβαίωσ καὶ ἀνεμποδίστωσ.

ὥσπερ γὰρ ὁλκὰσ ἢ τριήρησ ναυπηγεῖται μὲν ὑπὸ πληγῶν καὶ βίασ πολλῆσ, σφύραισ καὶ ἥλοισ ἀρασσομένη καὶ γομφώμασι καὶ πρίοσι καὶ πελέκεσι, γενομένην δὲ στῆναι δεῖ καὶ παγῆναι σύμμετρον χρόνον, ἑώσ οἵ τε δεσμοὶ κάτοχοι γένωνται καὶ συνήθειαν οἱ γόμφοι λάβωσιν· ἐὰν δὲ ὑγροῖσ ἔτι καὶ περιολισθάνουσι τοῖσ ἁρμοῖσ κατασπασθῇ, πάντα χαλάσει διατιναχθέντα καὶ δέξεται τὴν θάλατταν·

οὕτω τὴν Ῥώμην ὁ μὲν πρῶτοσ ἄρχων καὶ δημιουργὸσ ἐξ ἀγρίων καὶ βοτήρων ὥσπερ ἐκ δρυόχων κραταιῶν συνιστάμενοσ, οὐκ ὀλίγουσ πόνουσ ἔσχεν οὐδὲ μικροῖσ ἀντήρεισε πολέμοισ καὶ κινδύνοισ, ἐξ ἀνάγκησ ἀμυνόμενοσ τοὺσ ἀνθισταμένουσ πρὸσ τὴν γένεσιν καὶ ἵδρυσιν αὐτῆσ. ὁ δὲ δεύτεροσ παραλαβὼν χρόνον ἔσχε πῆξαι καὶ βεβαιῶσαι τὴν αὔξησιν τῇ εὐτυχίᾳ, ἐπιλαβόμενοσ πολλῆσ μὲν εἰρήνησ πολλῆσ δ’ ἡσυχίασ. εἰ δὲ τότε Πορσίνασ τισ ἐπέβρισε Τυρρηνικὸν χάρακα καὶ στρατόπεδον παραστήσασ τείχεσιν ὑγροῖσ ἔτι καὶ κραδαινομένοισ ἤ τισ ἐκ Μαρσῶν ἀποστὰσ ἀρειμάνιοσ δυνάστησ ἢ Λευκανὸσ ὑπὸ φθόνου καὶ φιλονεικίασ, ἀνὴρ δύσερισ καὶ πολεμοποιόσ, οἱο͂σ ὕστερον Μουτίλοσ ἢ Σίλων ὁ θρασὺσ ἢ τὸ ἔσχατον Σύλλα πάλαισμα Τελεσῖνοσ, ὡσ ἀφ’ ἑνὸσ συνθήματοσ ὅλην ἐξοπλίζων τὴν Ἰταλίαν, τὸν φιλόσοφον Νομᾶν περιεσάλπιζε θύοντα καὶ προσευχόμενον, οὐκ ἂν ἀντέσχον αἱ πρῶται τῆσ πόλεωσ ἀρχαὶ πρὸσ σάλον καὶ κλύδωνα τοσοῦτον οὐδ’ εἰσ εὐανδρίαν καὶ πλῆθοσ ἐπέδωκαν·

νῦν δ’ ἐοίκε τῆσ πρὸσ τοὺσ ὕστερον πολέμουσ παρασκευῆσ ἐφόδιον Ῥωμαίοισ ἡ τότ’ εἰρήνη γενέσθαι, καὶ καθάπερ ἀθλητὴσ ὁ δῆμοσ ἐκ τῶν κατὰ Ῥωμύλον ἀγώνων ἐν ἡσυχίᾳ χρόνον ἐτῶν τριῶν καὶ τετταράκοντα σωμασκήσασ τὴν δύναμιν ἀξιόμαχον καταστῆσαι τοῖσ ὕστερον ἀντιταττομένοισ.

οὐδὲ γὰρ λιμὸν οὐδὲ λοιμὸν οὐδ’ ἀφορίαν γῆσ οὐδ’ ἀωρίαν τινὸσ θέρουσ ἢ χειμῶνοσ ἐν τῷ τότε χρόνῳ παραλυπῆσαι τὴν Ῥώμην λέγουσιν, ὡσ οὐκ ἀνθρωπίνησ εὐβουλίασ ἀλλὰ θείασ Τύχησ ἐπιτροπευούσησ τῶν καιρῶν ἐκείνων. ἐκλείσθη δ’ οὖν τότε καὶ τὸ τοῦ Ιἀνοῦ δίπυλον, ὃ πολέμου πύλην καλοῦσιν ἀνέῳγε μὲν γὰρ ὅταν ᾖ πόλεμοσ, κλείεται δ’ εἰρήνησ γενομένησ. Νομᾶ δ’ ἀποθανόντοσ ἀνεῴχθη τοῦ πρὸσ Ἀλβανοὺσ πολέμου συρραγέντοσ.

εἶτα μυρίων ἄλλων συνεχῶσ ὑπολαμβανόντων πάλιν δἰ ἐτῶν ὀγδοήκοντα καὶ τετρακοσίων ἐκλείσθη μετὰ τὸν πρὸσ Καρχηδονίουσ πόλεμον εἰρήνησ γενομένησ Γαϊού Ἀτιλίου καὶ Τίτου Μαλλίου ὑπάτων, μετὰ δὲ τοῦτον τὸν ἐνιαυτὸν αὖθισ ἀνεῴχθη καὶ διέμειναν οἱ πόλεμοι. ἄχρι τῆσ ἐν Ἀκτίῳ νίκησ Καίσαροσ· τότε δ’ ἤργησε τὰ Ῥωμαίων ὅπλα χρόνον οὐ πολύν αἱ γὰρ ἀπὸ Καντάβρων ταραχαὶ καὶ Γαλατίασ συρραγεῖσαι Γερμανοῖσ συνετάραξαν τὴν εἰρήνην. ἀλλὰ ταῦτα μὲν εὐτυχίασ τῆσ Νομᾶ προσιστόρηται μαρτύρια.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, De fortuna Romanorum, section 9

(플루타르코스, De fortuna Romanorum, section 9)

상위

목록

SEARCH

MENU NAVIGATION