헬라어 문장 검색 - Πλυταρ́Ξατοτηέ29́

(플루타르코스, Cato the Younger, chapter 29)

ὁ δὲ Μέτελλοσ αὐτὸσ μὲν ἦν ἄτρεπτοσ καὶ θρασὺσ ἔτι, ὁρῶν δὲ τοὺσ περὶ αὐτὸν ἐκπεπληγμένουσ κομιδῆ τὸν Κάτωνα καὶ νομίζοντασ ἄμαχον καὶ δυσεκβίαστον, αἰφνίδιον ἐξεπήδησεν εἰσ τὴν ἀγοράν, καὶ συναγαγὼν τὸν δῆμον ἄλλα τε πολλὰ περὶ τοῦ Κάτωνοσ ἐπίφθονα διῆλθε, καὶ φεύγειν τὴν τυραννίδα βοῶν τὴν ἐκεῖνον καὶ τὴν κατὰ Πομπηϊού συνωμοσίαν, ἐφ’ ᾗ μετανοήσειν ταχὺ τὴν πόλιν ἀτιμάζουσαν ἄνδρα τοσοῦτον, ὡρ́μησεν εὐθὺσ εἰσ Ἀσίαν, ὡσ ταῦτα πρὸσ ἐκεῖνον κατηγορήσων. ἦν οὖν δόξα μεγάλη τοῦ Κάτωνοσ ἄχθοσ οὐ μικρὸν ἀπεσκευασμένου τῆσ δημαρχίασ, καὶ τρόπον τινὰ τὴν Πομπηϊού δύναμιν ἐν Μετέλλῳ καθῃρηκότοσ.

ἔτι δὲ μᾶλλον εὐδοκίμησε τὴν σύγκλητον ὡρμημένην ἀτιμοῦν καὶ ἀποψηφίζεσθαι τὸν Μέτελλον οὐκ ἐάσασ, ἀλλ’ ἐναντιωθεὶσ καὶ παραιτησάμενοσ. οἵ τε γὰρ πολλοὶ φιλανθρωπίασ ἐποιοῦντο καὶ μετριότητοσ τὸ μὴ ἐπεμβῆναι τῷ ἐχθρῷ μηδὲ ἐνυβρίσαι κατὰ κράτοσ περιγενόμενον, τοῖσ τε φρονίμοισ ὀρθῶσ ἐφαίνετο καὶ συμφερόντωσ μὴ παροξῦναι Πομπήϊον. ἐκ τούτου Λεύκολλοσ ἐπανελθὼν ἐκ τῆσ στρατείασ, ἧσ ἔδοξε τό τέλοσ καὶ τὴν δόξαν ἀφῃρῆσθαι Πομπήϊοσ, εἰσ κίνδυνον ἦλθε τοῦ μὴ θριαμβεῦσαι, Γαϊού Μεμμίου καταστασιάζοντοσ αὐτὸν ἐν τῷ δήμῳ καὶ δίκασ ἐπάγοντοσ, εἰσ τὴν Πομπηϊού χάριν μᾶλλον ἢ κατὰ ἔχθοσ ἴδιον.

ὁ δὲ Κάτων, οἰκειότητόσ τε πρὸσ Λεύκολλον αὐτῷ γεγενημένησ, ἔχοντα Σερβιλίαν τὴν ἀδελφὴν αὐτοῦ, καὶ τὸ πρᾶγμα δεινὸν ἡγούμενοσ, ἀντέστη τῷ Μεμμίῳ, καὶ πολλὰσ ὑπέμεινε διαβολὰσ καὶ κατηγορίασ, τέλοσ δὲ, τῆσ ἀρχῆσ ἐκβαλλόμενοσ ὡσ τυραννίδοσ, τοσοῦτον ἐκράτησεν ὥστε τὸν Μέμμιον αὐτὸν ἀναγκάσαι τῶν δικῶν ἀποστῆναι καὶ φυγεῖν τὸν ἀγῶνα. Λεύκολλοσ μὲν οὖν θριαμβεύσασ ἔτι μᾶλλον ἐνεφύετο τῇ φιλίᾳ τοῦ Κάτωνοσ, ἔχων ἔρυμα καὶ πρόβλημα μέγα πρὸσ τὴν Πομπηϊού δύναμιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Plutarch, Cato the Younger, chapter 29

(플루타르코스, Cato the Younger, chapter 29)

상위

목록

SEARCH

MENU NAVIGATION