Plato, Cratylus, Theaetetus, Sophist, Statesman, Κρατύλος 247:

πάνυ μὲν οὖν. φέρε δὴ ἴδωμεν πότερον ἄρα ταῦτα μόνα ἐστὶ τῶν πρώτων ὀνομάτων ἢ καὶ ἄλλα πολλά. οἶμαι ἔγωγε καὶ ἄλλα. εἰκὸσ γάρ. ἀλλὰ τίσ ἂν εἰή ὁ τρόποσ τῆσ διαιρέσεωσ ὅθεν ἄρχεται μιμεῖσθαι ὁ μιμούμενοσ; ἆρα οὐκ ἐπείπερ συλλαβαῖσ τε καὶ γράμμασιν ἡ μίμησισ τυγχάνει οὖσα τῆσ οὐσίασ, ὀρθότατόν ἐστι διελέσθαι τὰ στοιχεῖα πρῶτον, ὥσπερ οἱ ἐπιχειροῦντεσ τοῖσ ῥυθμοῖσ τῶν στοιχείων πρῶτον τὰσ δυνάμεισ διείλοντο, ἔπειτα τῶν συλλαβῶν, καὶ οὕτωσ ἤδη ἔρχονται ἐπὶ τοὺσ ῥυθμοὺσ σκεψόμενοι, πρότερον δ’ οὔ;