Plato, Cratylus, Theaetetus, Sophist, Statesman, Κρατύλος 55:

οὐκ ἔχω λέγειν. ὧδε δὴ σκόπει. εἴ τισ ἔροιτό σε πότερον οἰεί ὀρθότερον καλεῖν τὰ ὀνόματα τοὺσ φρονιμωτέρουσ ἢ τοὺσ ἀφρονεστέρουσ; δῆλον δὴ ὅτι τοὺσ φρονιμωτέρουσ, φαίην ἄν. πότερον οὖν αἱ γυναῖκεσ ἐν ταῖσ πόλεσιν φρονιμώτεραί σοι δοκοῦσιν εἶναι ἢ οἱ ἄνδρεσ, ὡσ τὸ ὅλον εἰπεῖν γένοσ; οἱ ἄνδρεσ. οὐκοῦν οἶσθα ὅτι Ὅμηροσ τὸ παιδίον τὸ τοῦ Ἕκτοροσ ὑπὸ τῶν Τρώων φησὶν καλεῖσθαι Ἀστυάνακτα, Σκαμάνδριον δὲ δῆλον ὅτι ὑπὸ τῶν γυναικῶν, ἐπειδὴ οἵ γε ἄνδρεσ αὐτὸν Ἀστυάνακτα ἐκάλουν;