헬라어 문장 검색 - Ηιπποξ́Ηιπποξρ́2́19́0́

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xix.)

Τὰ μὲν ἐσ τὴν δίαιταν αὐτῶν οὕτωσ ἔχει καὶ τοὺσ νόμουσ‧ περὶ δὲ τῶν ὡρέων καὶ τῆσ μορφῆσ, ὅτι πολὺ ἀπήλλακται τῶν λοιπῶν ἀνθρώπων τὸ Σκυθικὸν γένοσ καὶ ἐοίκεν αὐτὸ ἑωυτῷ ὥσπερ τὸ Αἰγύπτιον καὶ ἥκιστα πολύγονόν ἐστι, καὶ ἡ χώρη ἐλάχιστα θηρία τρέφει κατὰ μέγεθοσ καὶ πλῆθοσ. κεῖται γὰρ ὑπ’ αὐτῇσι τῇσιν ἄρκτοισ καὶ τοῖσ ὄρεσι τοῖσ Ῥιπαίοισιν, ὅθεν ὁ βορέησ πνεῖ. ὅ τε ἥλιοσ τελευτῶν ἐγγύτατα γίνεται, ὁκόταν ἐπὶ τὰσ θερινὰσ ἔλθῃ περιόδουσ, καὶ τότε ὀλίγον χρόνον θερμαίνει καὶ οὐ σφόδρα‧ τὰ δὲ πνεύματα τὰ ἀπὸ τῶν θερμῶν πνέοντα οὐκ ἀφικνεῖται, ἢν μὴ ὀλιγάκισ καὶ ἀσθενέα, ἀλλ’ ἀπὸ τῶν ἄρκτων αἰεὶ πνέουσι πνεύματα ψυχρὰ ἀπό τε χιόνοσ καὶ κρυστάλλου καὶ ὑδάτων πολλῶν. οὐδέποτε δὲ τὰ ὄρεα ἐκλείπει‧ ἀπὸ τούτων δὲ δυσοίκητά ἐστιν. ἠήρ τε κατέχει πολὺσ τῆσ ἡμέρησ τὰ πεδία, καὶ ἐν τούτοισι διαιτεῦνται‧ ὥστε τὸν μὲν χειμῶνα αἰεὶ εἶναι, τὸ δὲ θέροσ ὀλίγασ ἡμέρασ καὶ ταύτασ μὴ λίην. μετέωρα γὰρ τὰ πεδία καὶ ψιλὰ καὶ οὐκ ἐστεφάνωνται ὄρεσιν, ἀλλ’ ἢ ἀνάντεα ἀπὸ τῶν ἄρκτων‧ αὐτόθι καὶ τὰ θηρία οὐ γίνεται μεγάλα, ἀλλ’ οἱᾶ́ τέ ἐστιν ὑπὸ γῆν σκεπάζεσθαι. ὁ γὰρ χειμὼν κωλύει καὶ τῆσ γῆσ ἡ ψιλότησ, ὅτι οὐκ ἔστιν ἀλέη οὐδὲ σκέπη. αἱ δὲ μεταβολαὶ τῶν ὡρέων οὔκ εἰσι μεγάλαι οὐδὲ ἰσχυραί, ἀλλ’ ὁμοῖαι καὶ ὀλίγον μεταλλάσσουσαι‧ διότι καὶ τὰ εἴδεα ὁμοῖοι αὐτοὶ ἑωυτοῖσ εἰσι σίτῳ τε χρεώμενοι αἰεὶ ὁμοίῳ ἐσθῆτί τε τῇ αὐτῇ καὶ θέρεοσ καὶ χειμῶνοσ, τόν τε ἠέρα ὑδατεινὸν ἕλκοντεσ καὶ παχύν, τά τε ὕδατα πίνοντεσ ἀπὸ χιόνοσ καὶ παγετῶν, τοῦ τε ταλαιπώρου ἀπεόντεσ. οὐ γὰρ οἱο͂́ν τε τὸ σῶμα ταλαιπωρεῖσθαι οὐδὲ τὴν ψυχήν, ὅκου μεταβολαὶ μὴ γίνονται ἰσχυραί. διὰ ταύτασ τὰσ ἀνάγκασ τὰ εἴδεα αὐτῶν παχέα ἐστὶ καὶ σαρκώδεα καὶ ἄναρθρα καὶ ὑγρὰ καὶ ἄτονα, αἵ τε κοιλίαι ὑγρόταται πασέων κοιλιῶν αἱ κάτω. οὐ γὰρ οἱο͂́ν τε νηδὺν ἀναξηραίνεσθαι ἐν τοιαύτῃ χώρῃ καὶ φύσει καὶ ὡρ́ησ καταστάσει, ἀλλὰ διὰ πιμελήν τε καὶ ψιλὴν τὴν σάρκα τά †τε† εἴδεα ἐοίκεν ἀλλήλοισι τά τε ἄρσενα τοῖσ ἄρσεσι καὶ τὰ θήλεα τοῖσ θήλεσι. τῶν γὰρ ὡρέων παραπλησίων ἐουσέων φθοραὶ οὐκ ἐγγίνονται οὐδὲ κακώσιεσ ἐν τῇ τοῦ γόνου συμπήξει, ἢν μή τινοσ ἀνάγκησ βιαίου τύχῃ ἢ νούσου.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Hippocrates, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xix.

(히포크라테스, Hippocrates Collected Works I, ΠΕΡΙ ΑΕΡΩΝ ΥΔΑΤΩΝ ΤΟΠΩΝ, xix.)

상위

목록

SEARCH

MENU NAVIGATION