헬라어 문장 검색 - ΕυριπίΙπηιγεν́11́2́

(에우리피데스, Iphigenia in Aulis, episode, dialogue)

τὸ μὲν σόν, ὦ νεᾶνι, γενναίωσ ἔχει· τὸ τῆσ τύχησ δὲ καὶ τὸ τῆσ θεοῦ νοσεῖ. Ἀγαμέμνονοσ παῖ, μακάριόν μέ τισ θεῶν ἔμελλε θήσειν, εἰ τύχοιμι σῶν γάμων. ζηλῶ δὲ σοῦ μὲν Ἑλλάδ’, Ἑλλάδοσ δὲ σέ. εὖ γὰρ τόδ’ εἶπασ ἀξίωσ τε πατρίδοσ· τὸ θεομαχεῖν γὰρ ἀπολιποῦσ’, ὅ σου κρατεῖ, ἐξελογίσω τὰ χρηστὰ τἀναγκαῖά τε. μᾶλλον δὲ λέκτρων σῶν πόθοσ μ’ ἐσέρχεται ἐσ τὴν φύσιν βλέψαντα· γενναία γὰρ εἶ. ὁρ́α δ’· ἐγὼ γὰρ βούλομαί σ’ εὐεργετεῖν λαβεῖν τ’ ἐσ οἴκουσ· ἄχθομαί τ’, ἴστω Θέτισ, εἰ μή σε σώσω Δαναί̈δαισι διὰ μάχησ ἐλθών. ἄθρησον· ὁ θάνατοσ δεινὸν κακόν. λέγω τάδ’ οὐδὲν οὐδέν’ εὐλαβουμένη. ἡ Τυνδαρὶσ παῖσ διὰ τὸ σῶμ’ ἀρκεῖ μάχασ ἀνδρῶν τιθεῖσα καὶ φόνουσ· σὺ δ’, ὦ ξένε, μὴ θνῇσκε δι’ ἐμὲ μηδ’ ἀποκτείνῃσ τινά, ἐά δὲ σῷσαί μ’ Ἑλλάδ’, ἢν δυνώμεθα. ὦ λῆμ’ ἄριστον, οὐκ ἔχω πρὸσ τοῦτ’ ἔτι λέγειν, ἐπεί σοι τάδε δοκεῖ· γενναῖα γὰρ φρονεῖσ· τί γὰρ τἀληθὲσ οὐκ εἴποι τισ ἄν; ὅμωσ δ’, ἴσωσ γὰρ κἂν μεταγνοίησ τάδε, ὡσ οὖν ἂν εἰδῇσ τἀπ’ ἐμοῦ λελεγμένα, ἐλθὼν τάδ’ ὅπλα θήσομαι βωμοῦ πέλασ, ὡσ οὐκ ἐάσων σ’ ἀλλὰ κωλύσων θανεῖν. χρήσῃ δὲ καὶ σὺ τοῖσ ἐμοῖσ λόγοισ τάχα, ὅταν πέλασ σῆσ φάσγανον δέρησ ἴδῃσ. οὔκουν ἐάσω σ’ ἀφροσύνῃ τῇ σῇ θανεῖν· ἐλθὼν δὲ σὺν ὅπλοισ τοῖσδε πρὸσ ναὸν θεᾶσ καραδοκήσω σὴν ἐκεῖ παρουσίαν. μῆτερ, τί σιγῇ δακρύοισ τέγγεισ κόρασ; ἔχω τάλαινα πρόφασιν ὥστ’ ἀλγεῖν φρένα. παῦσαι· ’μὲ μὴ κάκιζε· τάδε δέ μοι πιθοῦ. λέγ’· ὡσ παρ’ ἡμῶν οὐδὲν ἀδικήσῃ, τέκνον. μήτ’ οὖν γε τὸν σὸν πλόκαμον ἐκτέμῃσ τριχόσ, μήτ’ ἀμφὶ σῶμα μέλανασ ἀμπίσχῃ πέπλουσ. τί δὴ τόδ’ εἶπασ, τέκνον; ἀπολέσασά σε; οὐ σύ γε· σέσῳσμαι, κατ’ ἐμὲ δ’ εὐκλεὴσ ἔσῃ. πῶσ εἶπασ; οὐ πενθεῖν με σὴν ψυχὴν χρεών; ἥκιστ’, ἐπεί μοι τύμβοσ οὐ χωσθήσεται. τί δαί; τὸ θνῄσκειν, οὐ τάφοσ, νομίζεται. βωμὸσ θεᾶσ μοι μνῆμα τῆσ Διὸσ κόρησ. ἀλλ’, ὦ τέκνον, σοὶ πείσομαι· λέγεισ γὰρ εὖ. ὡσ εὐτυχοῦσά γ’ Ἑλλάδοσ τ’ εὐεργέτισ. τί δὴ κασιγνήταισιν ἀγγελῶ σέθεν; μηδ’ ἀμφὶ κείναισ μέλανασ ἐξάψῃ πέπλουσ. εἴπω δὲ παρὰ σοῦ φίλον ἔποσ τι παρθένοισ; χαίρειν γε. Ὀρέστην τ’ ἔκτρεφ’ ἄνδρα τόνδε μοι. προσέλκυσαί νιν ὕστατον θεωμένη. ὦ φίλτατ’, ἐπεκούρησασ ὅσον εἶχεσ φίλοισ. ἔσθ’ ὅ τι κατ’ Ἄργοσ δρῶσά σοι χάριν φέρω; πατέρα τὸν ἀμὸν μὴ στύγει, πόσιν γε σόν. δεινοὺσ ἀγῶνασ διὰ σὲ δεῖ κεῖνον δραμεῖν. ἄκων μ’ ὑπὲρ γῆσ Ἑλλάδοσ διώλεσεν. δόλῳ δ’, ἀγεννῶσ Ἀτρέωσ τ’ οὐκ ἀξίωσ. τίσ μ’ εἶσιν ἄξων πρὶν σπαράσσεσθαι κόμησ; ἐγώ, μετά γε σοῦ. . . μὴ σύ γ’· οὐ καλῶσ λέγεισ. πέπλων ἐχομένη σῶν. ἐμοί, μῆτερ, πιθοῦ· μέν’· ὡσ ἐμοί τε σοί τε κάλλιον τόδε. πατρὸσ δ’ ὀπαδῶν τῶνδέ τίσ με πεμπέτω Ἀρτέμιδοσ ἐσ λειμῶν’, ὅπου σφαγήσομαι. ὦ τέκνον, οἴχῃ; καὶ πάλιν γ’ οὐ μὴ μόλω. λιποῦσα μητέρα; ὡσ ὁρᾷσ γ’, οὐκ ἀξίωσ. σχέσ, μή με προλίπῃσ. οὐκ ἐῶ στάζειν δάκρυ. ὑμεῖσ δ’ ἐπευφημήσατ’, ὦ νεάνιδεσ, παιᾶνα τἠμῇ συμφορᾷ Διὸσ κόρην Ἄρτεμιν· ἴτω δὲ Δαναί̈δαισ εὐφημία. κανᾶ δ’ ἐναρχέσθω τισ, αἰθέσθω δὲ πῦρ προχύταισ καθαρσίοισι, καὶ πατὴρ ἐμὸσ ἐνδεξιούσθω βωμόν· ὡσ σωτηρίαν Ἕλλησι δώσουσ’ ἔρχομαι νικηφόρον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Euripides, Iphigenia in Aulis, episode, dialogue

(에우리피데스, Iphigenia in Aulis, episode, dialogue)

상위

목록

SEARCH

MENU NAVIGATION