헬라어 문장 검색 - Διογεν́Λιϝεσοφ́9́12́

(디오게네스 라에르티오스, Lives of Eminent Philosophers, Q, Kef. ib'. TIMWN)

Ἀπολλωνίδησ ὁ Νικαεὺσ ὁ παρ’ ἡμῶν ἐν τῷ πρώτῳ τῶν Εἰσ τοὺσ Σίλλουσ ὑπομνήματι, ἃ προσφωνεῖ Τιβερίῳ Καίσαρι, φησὶ τὸν Τίμωνα εἶναι πατρὸσ μὲν Τιμάρχου, Φλιάσιον δὲ τὸ γένοσ· νέον δὲ καταλειφθέντα χορεύειν, ἔπειτα κατα‐ γνόντα ἀποδημῆσαι εἰσ Μέγαρα πρὸσ Στίλπωνα· κἀκείνῳ συνδιατρίψαντα αὖθισ ἐπανελθεῖν οἴκαδε καὶ γῆμαι. εἶτα πρὸσ Πύρρωνα εἰσ Ἦλιν ἀποδημῆσαι μετὰ τῆσ γυναικὸσ κἀκεῖ διατρίβειν ἑώσ αὐτῷ παῖδεσ ἐγένοντο, ὧν τὸν μὲν πρεσβύτερον Ξάνθον ἐκάλεσε καὶ ἰατρικὴν ἐδίδαξε καὶ διάδοχον τοῦ βίου κατέλιπε. ὁ δ’ ἐλλόγιμοσ ἦν, ὡσ καὶ Σωτίων ἐν τῷ ἑνδεκάτῳ φησίν.

ἀπορῶν μέντοι τροφῶν ἀπῆρεν εἰσ τὸν Ἑλλήσποντον καὶ τὴν Προποντίδα· ἐν Χαλκηδόνι τε σοφιστεύων ἐπὶ πλέον ἀποδοχῆσ ἠξιώθη· ἐντεῦθέν τε πορισάμενοσ ἀπῆρεν εἰσ Ἀθήνασ, κἀκεῖ διέτριβε μέχρι καὶ τελευτῆσ, ὀλίγον χρόνον εἰσ Θήβασ διαδραμών. ἐγνώσθη δὲ καὶ Ἀντιγόνῳ τῷ βασιλεῖ καὶ Πτολεμαίῳ τῷ Φιλαδέλφῳ, ὡσ αὐτὸσ ἐν τοῖσ ἰάμβοισ αὑτῷ μαρτυρεῖ. Ἦν δέ, φησὶν ὁ Ἀντίγονοσ, καὶ φιλοπότησ καὶ ἀπὸ τῶν φιλοσόφων εἰ σχολάζοι ποιήματα συνέγραφε καὶ ἔπη καὶ τραγῳδίασ καὶ σατύρουσ καὶ δράματα κωμικὰ τριάκοντα, τὰ δὲ τραγικὰ ἑξήκοντα, σίλλουσ τε καὶ κιναίδουσ. φέρεται δ’ αὐτοῦ καὶ καταλογάδην βιβλία εἰσ ἐπῶν τείνοντα μυριάδασ δύο, ὧν καὶ Ἀντίγονοσ ὁ Καρύστιοσ μέμνηται, ἀναγεγραφὼσ αὐτοῦ καὶ αὐτὸσ τὸν βίον.

τῶν δὲ σίλλων τρία ἐστίν, ἐν οἷσ ὡσ ἂν σκεπτικὸσ ὢν πάντασ λοιδορεῖ καὶ σιλλαίνει τοὺσ δογματικοὺσ ἐν παρῳδίασ εἴδει. ὧν τὸ μὲν πρῶτον αὐτοδιήγητον ἔχει τὴν ἑρμηνείαν, τὸ δὲ δεύτερον καὶ τρίτον ἐν διαλόγου σχήματι. φαίνεται γοῦν ἀνακρίνων Ξενοφάνην τὸν Κολοφώνιον περὶ ἑκάστων, ὁ δ’ αὐτῷ διηγούμενόσ ἐστι· καὶ ἐν μὲν τῷ δευτέρῳ περὶ τῶν ἀρχαιοτέρων, ἐν δὲ τῷ τρίτῳ περὶ τῶν ὑστέρων· ὅθεν δὴ αὐτῷ τινεσ καὶ Ἐπί‐ λογον ἐπέγραψαν. τὸ δὲ πρῶτον ταὐτὰ περιέχει πράγματα, πλὴν ὅτι μονοπρόσωπόσ ἐστιν ἡ ποίησισ·

ἀρχὴ δὲ αὐτῷ ἥδε, ἕσπετε νῦν μοι ὅσοι πολυπράγμονέσ ἐστε σοφισταί. Ἐτελεύτησε δ’ ἐγγὺσ ἐτῶν ἐνενήκοντα, ὥσ φησιν ὁ Ἀντίγονοσ καὶ Σωτίων ἐν τῷ ἑνδεκάτῳ. τοῦτον ἐγὼ καὶ ἑτερόφθαλμον ἤκουσα, ἐπεὶ καὶ αὐτὸσ αὑτὸν Κύκλωπα ἐκάλει. γέγονε καὶ ἕτεροσ Τίμων ὁ μισάνθρωποσ. Ὁ δ’ οὖν φιλόσοφοσ καὶ φιλόκηποσ ἦν σφόδρα καὶ ἰδιοπράγμων, ὡσ καὶ Ἀντίγονόσ φησι. λόγοσ γοῦν εἰπεῖν Ιἑρώνυμον τὸν περιπατητικὸν ἐπ’ αὐτοῦ, "Ὡσ παρὰ τοῖσ Σκύθαισ καὶ οἱ φεύγοντεσ τοξεύουσι καὶ οἱ διώκοντεσ, οὕτω τῶν φιλοσόφων οἱ μὲν διώκοντεσ θηρῶσι τοὺσ μαθητάσ, οἱ δὲ φεύγοντεσ, καθάπερ καὶ ὁ Τίμων. Ἦν δὲ καὶ ὀξὺσ νοῆσαι καὶ διαμυκτηρίσαι·

φιλογράμματόσ τε καὶ τοῖσ ποιηταῖσ μύθουσ γράψαι ἱκανὸσ καὶ δράματα συνδιατιθέναι. μετεδίδου δὲ τῶν τραγῳδιῶν Ἀλεξάνδρῳ καὶ Ὁμήρῳ. θορυβούμενόσ θ’ ὑπὸ τῶν θεραπαινῶν καὶ κυνῶν ἐποίει μηδέν, σπουδάζων περὶ τὸ ἠρεμάζειν. φασὶ δὲ καὶ Ἄρατον πυθέσθαι αὐτοῦ πῶσ τὴν Ὁμήρου ποίησιν ἀσφαλῆ κτήσαιτο, τὸν δὲ εἰπεῖν, "εἰ τοῖσ ἀρχαίοισ ἀντιγράφοισ ἐντυγχάνοι καὶ μὴ τοῖσ ἤδη διωρθωμένοισ. " εἰκῆ τε αὐτῷ ἔκειτο τὰ ποιήματα, ἐνίοτε ἡμίβρωτα· ὥστε καὶ Ζωπύρῳ τῷ ῥήτορι ἀναγινώσκοντά τι ἐπιτυλίττειν καὶ κατὰ τὸ ἐπελθὸν διεξιέναι·

ἦν δ’ αὐτόσ τε ἑτερόφθαλμοσ καὶ ὁ Διοσκουρίδησ μαθητὴσ αὐτοῦ, καὶ ὁ πρὸσ ὃν ἔλεγεν ὑγιήσ. ἐλθόντα τ’ ἐφ’ ἡμισείασ, οὕτωσ εὑρεῖν τὸ ἀπόσπασμα τέωσ ἀγνοοῦντα. τοσοῦτον ἦν ἀδιάφοροσ. ἀλλὰ καὶ εὔρουσ · ὡσ μηδ’ ἀριστᾶν συγχωρεῖν. φασὶ δ’ αὐτὸν Ἀρκεσίλαον θεασάμενον διὰ τῶν Κερκώπων ἰόντα, εἰπεῖν, "τί σὺ δεῦρο, ἔνθαπερ ἡμεῖσ οἱ ἐλεύθεροι; συνεχέσ τε ἐπιλέγειν εἰώθει πρὸσ τοὺσ τὰσ αἰσθήσεισ μετ’ ἐπιμαρτυροῦντοσ τοῦ νοῦ ἐγκρίνοντασ, συνῆλθεν Ἀτταγᾶσ τε καὶ Νουμήνιοσ. εἰώθει δὲ καὶ παίζειν τοιαῦτα. πρὸσ οὖν τὸν θαυμάζοντα πάντα ἔφη, "τί δ’ οὐ θαυμάζεισ ὅτι τρεῖσ ὄντεσ τέτταρασ ἔχομεν ὀφθαλμούσ; ἐρωτηθεὶσ δέ ποθ’ ὑπὸ τοῦ Ἀρκεσιλάου διὰ τί παρείη ἐκ Θηβῶν, ἔφη, "ἵν’ ὑμᾶσ ἀναπεπταμένουσ ὁρῶν γελῶ.

" ὅμωσ δὲ καθαπτόμενοσ Ἀρκεσιλάου ἐν τοῖσ σίλλοισ ἐπῄνεκεν αὐτὸν ἐν τῷ ἐπιγραφομένῳ Ἀρκεσιλάου περιδείπνῳ. Τούτου διάδοχοσ, ὡσ μὲν Μηνόδοτόσ φησι, γέγονεν οὐδείσ, ἀλλὰ διέλιπεν ἡ ἀγωγὴ ἑώσ αὐτὴν Πτολεμαῖοσ ὁ Κυρηναῖοσ ἀνεκτήσατο. ὡσ δ’ Ἱππόβοτόσ φησι καὶ Σωτίων, διήκουσαν αὐτοῦ Διοσκουρίδησ Κύπριοσ καὶ Νικόλοχοσ Ῥόδιοσ καὶ Εὐφράνωρ Σελευκεὺσ Πραΰλουσ τ’ ἀπὸ Τρωάδοσ, ὃσ οὕτω καρτερικὸσ ἐγένετο, καθά φησι Φύλαρχοσ ἱστορῶν, ὥστ’ ἀδίκωσ ὑπομεῖναι ὡσ ἐπὶ προδοσίᾳ κολασθῆναι, μηδὲ λόγου τοὺσ πολίτασ καταξιώσασ. Εὐφράνοροσ δὲ διήκουσεν Εὔβουλοσ Ἀλεξανδρεύσ, οὗ Πτολεμαῖοσ, οὗ Σαρπηδὼν καὶ Ἡρακλείδησ, Ἡρακλείδου δ’ Αἰνεσίδημοσ Κνώσιοσ, ὃσ καὶ Πυρρωνείων λόγων ὀκτὼ συνέγραψε βιβλία·

οὗ Ζεύξιπποσ ὁ πολίτησ, οὗ Ζεῦξισ ὁ Γωνιόπουσ, οὗ Ἀντίοχοσ Λαοδικεὺσ ἀπὸ Λύκου· τούτου δὲ Μηνόδοτοσ ὁ Νικομηδεύσ, ἰατρὸσ ἐμπειρικόσ, καὶ Θειωδᾶσ Λαοδικεύσ· Μηνοδότου δὲ Ἡρόδοτοσ Ἀριέωσ Ταρσεύσ· Ἡροδότου δὲ διήκουσε Σέξτοσ ὁ ἐμπειρικόσ, οὗ καὶ τὰ δέκα τῶν Σκεπτικῶν καὶ ἄλλα κάλλιστα· Σέξτου δὲ διήκουσε Σατορνῖνοσ ὁ Κυθηνᾶσ, ἐμπειρικὸσ καὶ αὐτόσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, Q, Kef. ib'. TIMWN

(디오게네스 라에르티오스, Lives of Eminent Philosophers, Q, Kef. ib'. TIMWN)

상위

목록

SEARCH

MENU NAVIGATION