헬라어 문장 검색 - Διογεν́Λιϝεσοφ́9́08́

(디오게네스 라에르티오스, Lives of Eminent Philosophers, Q, Kef. h'. PRWTAGORAS)

Πρωταγόρασ Ἀρτέμωνοσ ἤ, ὡσ Ἀπολλόδωροσ καὶ Δείνων ἐν Περσικῷ ε’, Μαιανδρίου Ἀβδηρίτησ, καθά φησιν Ἡρακλείδησ ὁ Ποντικὸσ ἐν τοῖσ Περὶ νόμων, ὃσ καὶ Θουρίοισ νόμουσ γράψαι φησὶν αὐτόν· ὡσ δ’ Εὔπολισ ἐν Κόλαξιν, Τήιοσ· φησὶ γάρ, Ἔνδοθι μέν ἐστι Πρωταγόρασ ὁ Τήιοσ. οὗτοσ καὶ Πρόδικοσ ὁ Κεῖοσ λόγουσ ἀναγινώσκοντεσ ἠρανίζοντο· καὶ Πλάτων ἐν τῷ Πρωταγόρᾳ φησὶ βαρύφωνον εἶναι τὸν Πρόδικον. διήκουσε δ’ ὁ Πρωταγόρασ Δημοκρίτου. ἐκαλεῖτό τε Σοφία, ὥσ φησι Φαβωρῖνοσ ἐν Παντοδαπῇ ἱστορίᾳ. Καὶ πρῶτοσ ἔφη δύο λόγουσ εἶναι περὶ παντὸσ πράγματοσ ἀντικειμένουσ ἀλλήλοισ·

οἷσ καὶ συνηρώτα, πρῶτοσ τοῦτο πράξασ. ἀλλὰ καὶ ἤρξατό που τοῦτον τὸν τρόπον· "πάντων χρημάτων μέτρον ἄνθρωποσ, τῶν μὲν ὄντων ὡσ ἔστιν, τῶν δὲ οὐκ ὄντων ὡσ οὐκ ἔστιν. " ἔλεγέ τε μηδὲν εἶναι ψυχὴν παρὰ τὰσ αἰσθήσεισ, καθὰ καὶ Πλάτων φησὶν ἐν Θεαιτήτῳ, καὶ πάντ’ εἶναι ἀληθῆ. καὶ ἀλλαχοῦ δὲ τοῦτον ἤρξατο τὸν τρόπον· "περὶ μὲν θεῶν οὐκ ἔχω εἰδέναι οὔθ’ ὡσ εἰσίν, οὔθ’ ὡσ οὐκ εἰσίν· πολλὰ γὰρ τὰ κωλύοντα εἰδέναι, ἥ τ’ ἀδηλότησ καὶ βραχὺσ ὢν ὁ βίοσ τοῦ ἀνθρώπου. διὰ ταύτην δὲ τὴν ἀρχὴν τοῦ συγγράμματοσ ἐξεβλήθη πρὸσ Ἀθηναίων·

καὶ τὰ βιβλί’ αὐτοῦ κατέκαυσαν ἐν τῇ ἀγορᾷ, ὑπὸ κήρυκι ἀναλεξάμενοι παρ’ ἑκάστου τῶν κεκτημένων. Οὗτοσ πρῶτοσ μισθὸν εἰσεπράξατο μνᾶσ ἑκατόν· καὶ πρῶτοσ μέρη χρόνου διώρισε καὶ καιροῦ δύναμιν ἐξέθετο καὶ λόγωνἀγῶνασ ἐποιήσατο καὶ σοφίσματα τοῖσ πραγματολογοῦσι προσήγαγε· καὶ τὴν διάνοιαν ἀφεὶσ πρὸσ τοὔνομα διελέχθη καὶ τὸ νῦν ἐπιπόλαιον γένοσ τῶν ἐριστικῶν ἐγέννησεν· ἵνα καὶ Τίμων φησὶ περὶ αὐτοῦ, Πρωταγόρησ τ’ ἐπίμεικτοσ ἐριζέμεναι εὖ εἰδώσ. οὗτοσ καὶ τὸ Σωκρατικὸν εἶδοσ τῶν λόγων πρῶτοσ ἐκίνησε.

καὶ τὸν Ἀντισθένουσ λόγον τὸν πειρώμενον ἀποδεικνύειν ὡσ οὐκ ἔστιν ἀντιλέγειν, οὗτοσ πρῶτοσ διείλεκται, καθά φησι Πλάτων ἐν Εὐθυδήμῳ. καὶ πρῶτοσ κατέδειξε τὰσ πρὸσ τὰσ θέσεισ ἐπιχειρήσεισ, ὥσ φησιν Ἀρτεμίδωροσ ὁ διαλεκτικὸσ ἐν τῷ Πρὸσ Χρύσιππον. καὶ πρῶτοσ τὴν καλουμένην τύλην, ἐφ’ ἧσ τὰ φορτία βαστάζουσιν, εὑρ͂εν, ὥσ φησιν Ἀριστοτέλησ ἐν τῷ Περὶ παιδείασ· φορμοφόροσ γὰρ ἦν, ὡσ καὶ Ἐπίκουρόσ πού φησι. καὶ τοῦτον τὸν τρόπον ἤρθη πρὸσ Δημοκρίτου ξύλα δεδεκὼσ ὀφθείσ. διεῖλέ τε τὸν λόγον πρῶτοσ εἰσ τέτταρα, εὐχωλήν, ἐρώτησιν, ἀπόκρισιν, ἐντολήν· οἱ̔ <·

>ὲ εἰσ ἑπτά, διήγησιν, ἐρώτησιν, ἀπόκρισιν, ἐντολήν, ἀπαγγελίαν, εὐχωλήν, κλῆσιν̓, οὓσ καὶ πυθμένασ εἶπε λόγων. Ἀλκιδάμασ δὲ τέτταρασ λόγουσ φησί, φάσιν, ἀπόφασιν, ἐρώτησιν, προσαγόρευσιν. Πρῶτον δὲ τῶν λόγων ἑαυτοῦ ἀνέγνω τὸν Περὶ θεῶν, οὗ τὴν ἀρχὴν ἄνω παρεθέμεθα· ἀνέγνω δ’ Ἀθήνησιν ἐν τῇ Εὐριπίδου οἰκίᾳ ἤ, ὥσ τινεσ, ἐν τῇ Μεγακλείδου· ἄλλοι ἐν Λυκείῳ, μαθητοῦ τὴν φωνὴν αὐτῷ χρήσαντοσ Ἀρχαγόρου τοῦ Θεοδότου. κατηγόρησε δ’ αὐτοῦ Πυθόδωροσ Πολυζήλου, εἷσ τῶν τετρακοσίων· Ἀριστοτέλησ δ’ Εὐάθλόν φησιν. Ἔστι δὲ τὰ σωζόμενα αὐτοῦ βιβλία τάδε·

· · Τέχνη ἐριστικῶν. Περὶ πάλησ. Περὶ τῶν μαθημάτων. Περὶ πολιτείασ. Περὶ φιλοτιμίασ. Περὶ ἀρετῶν. Περὶ τῆσ ἐν ἀρχῇ καταστάσεωσ. Περὶ τῶν ἐν Αἵδου. Περὶ τῶν οὐκ ὀρθῶσ τοῖσ ἀνθρώποισ πρασσομένων. Προστακτικόσ. Δίκη ὑπὲρ μισθοῦ, Ἀντιλογιῶν α’ β’. καὶ ταῦτα μὲν αὐτῷ τὰ βιβλία. γέγραφε δὲ καὶ Πλάτων εἰσ αὐτὸν διάλογον. Φησὶ δὲ Φιλόχοροσ, πλέοντοσ αὐτοῦ ἐσ Σικελίαν, τὴν ναῦν καταποντωθῆναι· καὶ τοῦτο αἰνίττεσθαι Εὐριπίδην ἐν τῷ Ἰξίονι. ἔνιοι κατὰ τὴν ὁδὸν τελευτῆσαι αὐτόν, βιώσαντα ἔτη πρὸσ τὰ ἐνενήκοντα· Ἀπολλόδωροσ δέ φησιν ἑβδομήκοντα, σοφιστεῦσαι δὲ τεσσαράκοντα καὶ ἀκμάζειν κατὰ τὴν τετάρτην καὶ ὀγδοηκοστὴν Ὀλυμπιάδα.

Ἔστι καὶ εἰσ τοῦτον ἡμῶν οὕτωσ ἔχον· καὶ σεῦ, Πρωταγόρη, φάτιν ἔκλυον, ὡσ ἄρ’ Ἀθηνέων ἔκ ποτ’ ἰὼν καθ’ ὁδὸν πρέσβυσ ἐὼν ἔθανεσ· εἵλετο γάρ σε φυγεῖν Κέκροποσ πόλισ· ἀλλὰ σὺ μέν που Παλλάδοσ ἄστυ φύγεσ, Πλουτέα δ’ οὐκ ἔφυγεσ. Λέγεται δέ ποτ’ αὐτὸν ἀπαιτοῦντα τὸν μισθὸν Εὐάθλον τὸν μαθητήν, ἐκείνου εἰπόντοσ, "ἀλλ’ οὐδέπω νίκην νενίκηκα," εἰπεῖν, "ἀλλ’ ἐγὼ μὲν ἂν νικήσω, ὅτι ἐγὼ ἐνίκησα, λαβεῖν με δεῖ· ἐὰν δὲ σύ, ὅτι σύ. " Γέγονε δὲ καὶ ἄλλοσ Πρωταγόρασ ἀστρολόγοσ, εἰσ ὃν καὶ Εὐφορίων ἐπικήδειον ἔγραψε· καὶ τρίτοσ Στωικὸσ φιλόσοφοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, Q, Kef. h'. PRWTAGORAS

(디오게네스 라에르티오스, Lives of Eminent Philosophers, Q, Kef. h'. PRWTAGORAS)

상위

목록

SEARCH

MENU NAVIGATION