헬라어 문장 검색 - Διογεν́Λιϝεσοφ́9́05́

(디오게네스 라에르티오스, Lives of Eminent Philosophers, Q, Kef. e'. ZHNWN ELEATHS)

Ζήνων Ἐλεάτησ. τοῦτον Ἀπολλόδωρόσ φησιν εἶναι ἐν Χρονικοῖσ [Πύρητοσ τὸν δὲ Παρμενίδην] φύσει μὲν Τελευταγόρου, θέσει δὲ Παρμενίδου <τὸν δὲ Παρμενίδην Πύρητοσ>. περὶ τούτου καὶ Μελίσσου Τίμων φησὶ ταῦτα· ἀμφοτερογλώσσου τε μέγα σθένοσ οὐκ ἀλαπαδνὸν Ζήνωνοσ πάντων ἐπιλήπτοροσ, ἠδὲ Μέλισσον, πολλῶν φαντασμῶν ἐπάνω, παύρων γε μὲν ἥσσω. Ὁ δὴ Ζήνων διακήκοε Παρμενίδου καὶ γέγονεν αὐτοῦ παιδικά. καὶ εὐμήκησ ἦν, καθά φησι Πλάτων ἐν τῷ Παρμενίδῃ, ὁ δ’ αὐτὸσ ἐν τῷ Σοφιστῇ καὶ ἐν τῷ Φαίδρῳ <αὐτοῦ μέμνηται> καὶ Ἐλεατικὸν Παλαμήδην αὐτὸν καλεῖ. φησὶ δ’ Ἀριστοτέλησ εὑρετὴν αὐτὸν γενέσθαι διαλεκτικῆσ, ὥσπερ Ἐμπεδοκλέα ῥητορικῆσ. Γέγονε δὲ ἀνὴρ γενναιότατοσ καὶ ἐν φιλοσοφίᾳ καὶ ἐν πολιτείᾳ·

φέρεται γοῦν αὐτοῦ βιβλία πολλῆσ συνέσεωσ γέμοντα. καθελεῖν δὲ θελήσασ Νέαρχον τὸν τύραννον‐‐οἱ δὲ Διομέδοντα‐‐συνελήφθη, καθά φησιν Ἡρακλείδησ ἐν τῇ Σατύρου ἐπιτομῇ. ὅτε καὶ ἐξεταζόμενοσ τοὺσ συνειδότασ καὶ περὶ τῶν ὅπλων ὧν ἦγεν εἰσ Λιπάραν, πάντασ ἐμήνυσεν αὐτοῦ τοὺσ φίλουσ, βουλόμενοσ αὐτὸν ἔρημον καταστῆσαι· εἶτα περί τινων εἰπεῖν ἔχειν τινα <ἔφη> αὐτῷ πρὸσ τὸ οὖσ καὶ δακὼν οὐκ ἀνῆκεν ἑώσ ἀπεκεντήθη, ταὐτὸν Ἀριστογείτονι τῷ τυραννοκτόνῳ παθών. Δημήτριοσ δέ φησιν ἐν τοῖσ Ὁμωνύμοισ τὸν μυκτῆρα αὐτὸν ἀποτραγεῖν.

Ἀντισθένησ δὲ ἐν ταῖσ Διαδοχαῖσ φησι μετὰ τὸ μηνῦσαι τοὺσ φίλουσ ἐρωτηθῆναι πρὸσ τοῦ τυράννου εἴ τισ ἄλλοσ εἰή· τὸν δὲ εἰπεῖν, "σὺ ὁ τῆσ πόλεωσ ἀλιτήριοσ. " πρόσ τε τοὺσ παρεστῶτασ φάναι· "θαυμάζω ὑμῶν τὴν δειλίαν, εἰ τούτων ἕνεκεν ὧν νῦν ἐγὼ ὑπομένω, δουλεύετε τῷ τυράννῳ· καὶ τέλοσ ἀποτραγόντα τὴν γλῶτταν προσπτύσαι αὐτῷ· τοὺσ δὲ πολίτασ παρορμηθέντασ αὐτίκα τὸν τύραννον καταλεῦσαι. ταὐτὰ δὲ σχεδὸν οἱ πλείουσ λαλοῦσιν. Ἕρμιπποσ δέ φησιν εἰσ ὅλμον αὐτὸν βληθῆναι καὶ κατακοπῆναι. Καὶ εἰσ αὐτὸν ἡμεῖσ εἴπομεν οὕτωσ·

ἤθελεσ, ὦ Ζήνων, καλὸν ἤθελεσ ἄνδρα τύραννον κτείνασ ἐκλῦσαι δουλοσύνησ Ἐλέαν. ἀλλ’ ἐδάμησ· δὴ γάρ δε λαβὼν ὁ τύραννοσ ἐν ὅλμῳ κόψε. τί τοῦτο λέγω; σῶμα γάρ, οὐχὶ δὲ σέ. Γέγονε δὲ τά τε ἄλλα ἀγαθὸσ ὁ Ζήνων, ἀλλὰ καὶ ὑπεροπτικὸσ τῶν μειζόνων κατ’ ἴσον Ἡρακλείτῳ· καὶ γὰρ οὗτοσ τὴν πρότερον μὲν Υἕλην, ὕστερον δ’ Ἐλέαν, Φωκαέων οὖσαν ἀποικίαν, αὑτοῦ δὲ πατρίδα, πόλιν εὐτελῆ καὶ μόνον ἄνδρασ ἀγαθοὺσ τρέφειν ἐπισταμένην ἠγάπησε μᾶλλον τῆσ Ἀθηναίων μεγαλαυχίασ, οὐκ ἐπιδημήσασ πώμαλα πρὸσ αὐτούσ, ἀλλ’ αὐτόθι καταβιούσ. Οὗτοσ καὶ τὸν Ἀχιλλέα πρῶτοσ λόγον ἠρώτησε [Φαβωρῖνοσ δέ φησι Παρμενίδην] καὶ ἄλλουσ συχνούσ.

ἀρέσκει δ’ αὐτῷ τάδε· κόσμουσ εἶναι κενόν τε μὴ εἶναι· γεγενῆσθαι δὲ τὴν τῶν πάντων φύσιν ἐκ θερμοῦ καὶ ψυχροῦ καὶ ξηροῦ καὶ ὑγροῦ, λαμβανόντων αὐτῶν εἰσ ἄλληλα τὴν μεταβολήν· γένεσίν τε ἀνθρώπων ἐκ γῆσ εἶναι καὶ ψυχὴν κρᾶμα ὑπάρχειν ἐκ τῶν προειρημένων κατὰ μηδενὸσ τούτων ἐπικράτησιν. Τοῦτόν φασι λοιδορούμενον ἀγανακτῆσαι· αἰτιασαμένου δέ τινοσ, φάναι "ἐὰν μὴ λοιδορούμενοσ προσποιῶμαι, οὐδ’ ἐπαινούμενοσ αἰσθήσομαι. " Ὅτι δὲ γεγόνασι Ζήνωνεσ ὀκτὼ ἐν τῷ Κιτιεῖ διειλέγμεθα. ἤκμαζε δ’ οὗτοσ κατὰ τὴν ἐνάτην <καὶ ἑβδομηκοστὴν> Ὀλυμπιάδα.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, Q, Kef. e'. ZHNWN ELEATHS

(디오게네스 라에르티오스, Lives of Eminent Philosophers, Q, Kef. e'. ZHNWN ELEATHS)

상위

목록

SEARCH

MENU NAVIGATION