헬라어 문장 검색 - Διογεν́Λιϝεσοφ́4́07́

(디오게네스 라에르티오스, Lives of Eminent Philosophers, D, Kef. z'. BIWN)

Βίων τὸ μὲν γένοσ ἦν Βορυσθενίτησ, ὧντινων δὲ γονέων καὶ ἀφ’ οἱών πραγμάτων ἧξεν ἐπὶ φιλο‐ σοφίαν, αὐτὸσ Ἀντιγόνῳ διασαφεῖ. ἐρομένου γὰρ αὐτὸν τίσ πόθεν εἶσ ἀνδρῶν; πόθι τοι πόλισ ἠδὲ τοκῆεσ; αἰσθόμενοσ ὅτι προδιαβέβληται, φησὶ πρὸσ αὐτόν· "ἐμοὶ ὁ πατὴρ μὲν ἦν ἀπελεύθεροσ, τῷ ἀγκῶνι ἀπομυσσόμενοσ‐‐διεδήλου δὲ τὸν ταριχέμπορον‐γένοσ Βορυσθενίτησ, ἔχων οὐ πρόσωπον, ἀλλὰ συγγραφὴν ἐπὶ τοῦ προσώπου, τῆσ τοῦ δεσπότου πικρίασ σύμβολον· μήτηρ δὲ οἱάν ὁ τοιοῦτοσ ἂν γήμαι, ἀπ’ οἰκήματοσ. ἔπειτα ὁ πατὴρ παρατελωνησάμενόσ τι πανοίκιοσ ἐπράθη μεθ’ ἡμῶν. καί με ἀγοράζει τισ ῥήτωρ νεώτερον ὄντα καὶ εὔχαριν· ὃσ καὶ ἀποθνήσκων κατέλιπέ μοι πάντα. κἀγὼ κατακαύσασ αὐτοῦ τὰ συγγράμματα καὶ πάντα συγξύσασ Ἀθήναζε ἦλθον καὶ ἐφιλοσόφησα.

ταύτησ τοι γενεῆσ τε καὶ αἵματοσ εὔχομαι εἶναι. ταῦτά ἐστι τὰ κατ’ ἐμέ. ὥστε παυσάσθωσαν Περσαῖόσ τε καὶ Φιλωνίδησ ἱστοροῦντεσ αὐτά· σκόπει δέ με ἐξ ἐμαυτοῦ. " Καὶ ἦν ὡσ ἀληθῶσ ὁ Βίων τὰ μὲν ἄλλα πολύτροποσ καὶ σοφιστὴσ ποικίλοσ καὶ πλείστασ ἀφορμὰσ δεδωκὼσ τοῖσ βουλομένοισ καθιππάζεσθαι φιλοσοφίασ· ἔν τισι δὲ καὶ πομπικὸσ καὶ ἀπολαῦσαι τύφου δυνάμενοσ. πλεῖστά τε καταλέλοιπεν ὑπομνήματα, ἀλλὰ καὶ ἀποφθέγματα χρειώδη πραγματείαν περιέχοντα. οἱο͂ν ὀνειδιζόμενοσ ἐπὶ τῷ μὴ θηρᾶσαι μειράκιον, "οὐχ οἱο͂́ντε," εἶπεν, "ἁπαλὸν τυρὸν ἀγκίστρῳ ἐπισπᾶσθαι. ἐρωτηθείσ ποτε τίσ μᾶλλον ἀγωνιᾷ, ἔφη, "ὁ τὰ μέγιστα βουλόμενοσ εὐημερεῖν.

" ἐρωτηθεὶσ εἰ γήμαι‐‐ἀναφέρεται γὰρ καὶ εἰσ τοῦτον‐‐ἔφη, "ἐὰν μὲν γήμῃσ αἰσχράν, ἕξεισ ποινήν· ἂν δὲ καλήν, ἕξεισ κοινήν. " τὸ γῆρασ ἔλεγεν ὁρ́μον εἶναι τῶν κακῶν· εἰσ αὐτὸ γοῦν πάντα καταφεύγειν. τὴν δόξαν <ἀρ>ετῶν μητέρα εἶναι· τὸ κάλλοσ ἀλλότριον ἀγαθόν· τὸν πλοῦτον νεῦρα πραγμάτων. πρὸσ τὸν τὰ χωρία κατεδηδοκότα, "τὸν μὲν Ἀμφιάραον," ἔφη, "ἡ γῆ κατέπιε, σὺ δὲ τὴν γῆν. " μέγα κακὸν τὸ μὴ δύνασθαι φέρειν κακόν. κατεγίνωσκε δὲ καὶ τῶν τοὺσ ἀνθρώπουσ κατακαόντων μὲν ὡσ ἀναισθήτουσ, παρακαόντων δὲ ὡσ αἰσθανομένουσ. ἔλεγε δὲ συνεχὲσ ὅτι αἱρετώτερόν ἐστι τὴν ὡρ́αν ἄλλῳ χαρίζεσθαι ἢ ἀλλοτρίασ ἀποδρέπεσθαι·

καὶ γὰρ εἰσ σῶμα βλάπτεσθαι καὶ εἰσ ψυχήν. διέβαλε δὲ καὶ τὸν Σωκράτην, λέγων ὡσ εἰ μὲν εἶχεν Ἀλκιβιάδου χρείαν καὶ ἀπείχετο, μάταιοσ ἦν· εἰ δὲ μὴ εἶχεν, οὐδὲν ἐποίει παράδοξον. εὔκολον ἔφασκε τὴν εἰσ ᾅδου ὁδόν· καταμύοντασ γοῦν ἀπιέναι. τὸν Ἀλκιβιάδην μεμφόμενοσ ἔλεγεν ὡσ νέοσ μὲν ὢν τοὺσ ἄνδρασ ἀπαγάγοι τῶν γυναικῶν, νεανίσκοσ δὲ γενόμενοσ τὰσ γυναῖκασ τῶν ἀνδρῶν. ἐν Ῥόδῳ τὰ ῥητορικὰ διασκούντων τῶν Ἀθηναίων τὰ φιλοσοφούμενα ἐδίδασκε· πρὸσ οὖν τὸν αἰτιασάμενον ἔφη, "πυροὺσ ἐκόμισα καὶ κριθὰσ πιπράσκω; Ἔλεγε δὲ τοὺσ ἐν ᾅδου μᾶλλον ἂν κολάζεσθαι εἰ ὁλοκλήροισ καὶ μὴ τετρημένοισ ἀγγείοισ ὑδρο‐ φόρουν.

πρὸσ τὸν ἀδολέσχην λιπαροῦντα αὐτῷ συλλαβέσθαι, "τὸ ἱκανόν σοι ποιήσω," φησίν, "ἐὰν παρακλήτουσ πέμψῃσ καὶ αὐτὸσ μὴ ἔλθῃσ. " πλέων μετὰ πονηρῶν λῃσταῖσ περιέπεσε· τῶν δέ, "ἀπολώλαμεν," εἰπόντων, "ἐὰν γνωσθῶμεν," "ἐγὼ δέ γε," φησίν, "ἐὰν μὴ γνωσθῶ. " τὴν οἰήσιν ἔλεγε προκοπῆσ ἐγκοπήν. πρὸσ τὸν μικρολόγον πλούσιον, "οὐχ οὗτοσ," ἔφη, "τὴν οὐσίαν κέκτηται, ἀλλ’ ἡ οὐσία τοῦτον. " ἔλεγε τοὺσ μικρολόγουσ τῶν μὲν ὑπαρχόντων ὡσ ἰδίων ἐπιμελεῖσθαι, ὡσ δ’ ἐξ ἀλλοτρίων μηδὲν ὠφελεῖσθαι. τῇ μὲν ἀνδρείᾳ νέουσ ὄντασ ἔφη χρῆσθαι, τῇ δὲ φρονήσει γηράσκοντασ ἀκμάζειν. τοσοῦτον διαφέρειν τὴν φρόνησιν τῶν ἄλλων ἀρετῶν, ὅσον τὴν ὁρ́ασιν τῶν ἄλλων αἰσθήσεων.

μὴ δεῖν ἔφασκεν ὀνειδίζειν τὸ γῆρασ, εἰσ ὅ, ἔφη, πάντεσ εὐχόμεθα ἐλθεῖν. πρὸσ τὸν βάσκανον ἐσκυθρωπακότα, "οὐκ οἶδα," ἔφη, "πότερον σοὶ κακὸν γέγονεν ἢ ἄλλῳ ἀγαθόν. " τὴν δυσγένειαν πονηρὸν ἔλεγεν εἶναι σύνοικον τῇ παρρησίᾳ· δουλοῖ γὰρ ἄνδρα, κἂν θρασύσπλαγχνόσ τισ ᾖ. τοὺσ φίλουσ ὁποῖοι ἂν ὦσι συντηρεῖν, ἵνα μὴ δοκοίημεν πονηροῖσ κεχρῆσθαι ἢ χρηστοὺσ παρῃτῆσθαι. Οὗτοσ τὴν ἀρχὴν μὲν παρῃτεῖτο τὰ Ἀκαδημαϊκά, καθ’ ὃν χρόνον ἤκουε Κράτητοσ· εἶτ’ ἐπανείλετο τὴν κυνικὴν ἀγωγήν, λαβὼν τρίβωνα καὶ πήραν. καὶ τί γὰρ ἄλλο μετεσκεύασεν αὐτὸν πρὸσ ἀπάθειαν;

ἔπειτα ἐπὶ τὰ Θεοδώρεια μετῆλθε διακούσασ Θεοδώρου τοῦ ἀθέου κατὰ πᾶν εἶδοσ λόγου σοφιστεύοντοσ· μεθ’ ὃν Θεοφράστου διήκουσε τοῦ περιπατητικοῦ. ἦν δὲ καὶ θεατρικὸσ καὶ πολὺσ ἐν τῷ γελοίωσ διαφορῆσαι, φορτικοῖσ ὀνόμασι κατὰ τῶν πραγμάτων χρώμενοσ. διὰ δὴ οὖν τὸ παντὶ εἴδει λόγου κεκρᾶσθαί φασι λέγειν ἐπ’ αὐτοῦ τὸν Ἐρατοσθένην, ὡσ πρῶτοσ Βίων τὴν φιλοσοφίαν ἀνθινὰ ἐνέδυσεν. εὐφυὴσ γὰρ ἦν καὶ παρῳδῆσαι· οἱᾶ́ ἐστιν αὐτοῦ καὶ ταῦτα· ὦ πέπον Ἀρχύτα, ψαλληγενέσ, ὀλβιότυφε, τῆσ ὑπάτησ ἔριδοσ πάντων ἐμπειρότατ’ ἀνδρῶν. καὶ ὅλωσ καὶ μουσικὴν καὶ γεωμετρίαν διέπαιζεν.

ἦν δὲ πολυτελήσ· καὶ διὰ τοῦτο πόλιν ἐκ πόλεωσ ἤμειβεν, ἐνίοτε καὶ φαντασίαν ἐπιτεχνώμενοσ. ἐν γοῦν Ῥόδῳ τοὺσ ναύτασ ἔπεισε σχολαστικὰσ ἐσθῆτασ ἀναλαβεῖν καὶ ἀκολουθῆσαι αὐτῷ· σὺν οἷσ εἰσβάλλων εἰσ τὸ γυμνάσιον περίβλεπτοσ ἦν. εἰώθει τε νεανίσκων τινῶν υἱοθεσίασ ποιεῖσθαι εἰσ τὸ ἀποχρῆσθαι αὐτοῖσ ἔσ τε τὰσ ἡδονὰσ καὶ ὥστε φυλάττεσθαι ὑπ’ εὐνοίασ αὐτῶν· ἀλλὰ καὶ φίλαυτοσ ἦν ἰσχυρῶσ καὶ πολὺσ ἐγκείμενοσ τῷ Κοινὰ τὰ φίλων. παρ’ ὃ καὶ οὐδεὶσ μαθητὴσ αὐτοῦ ἐπιγράφεται, τοσούτων αὐτῷ σχολασάντων· καίτοι τινὰσ εἰσ ἀναισχυντίαν προῆγεν. ὁ γοῦν Βητίων εἷσ τῶν συνήθων αὐτῷ πρὸσ Μενέδημόν ποτε λέγεται εἰπεῖν, "ἐγώ τοι, ὦ Μενέδημε, νύκτωρ συνδέομαι Βίωνι καὶ οὐδὲν ἄτοπον δοκῶ μοι πεπονθέναι.

" πολλὰ δὲ καὶ ἀθεώτερον προεφέρετο τοῖσ ὁμιλοῦσι, τοῦτο Θεοδώρειον ἀπολαύσασ. καὶ ὕστερόν ποτε ἐμπεσὼν εἰσ νόσον, ὡσ ἔφασκον οἱ ἐν Χαλκίδι‐‐αὐτόθι γὰρ καὶ κατέστρεψε‐‐περίαπτα λαβεῖν ἐπείσθη καὶ μεταγινώσκειν ἐφ’ οἷσ ἐπλημμέλησεν εἰσ τὸ θεῖον. ἀπορίᾳ δὲ καὶ τῶν νοσοκομούντων δεινῶσ διετίθετο, ἑώσ Ἀντίγονοσ αὐτῷ δύο θεράποντασ ἀπέστειλε. καὶ ἠκολούθει γε αὐτὸσ ἐν φορείῳ, καθά φησι Φαβωρῖνοσ ἐν Παντοδαπῇ ἱστορίᾳ. Ἀλλὰ καὶ ὣσ κατέστρεψε καὶ ἡμεῖσ αὐτὸν οὕτωσ ᾐτιασάμεθα· Βίωνα, τὸν Βορυσθένησ ἔφυσε γῆ Σκύθισσα, λέγειν ἀκούομεν θεοὺσ ὡσ οὐδέν εἰσιν ὄντωσ.

κεἰ μὲν τὸ δόγμα τοῦτ’ ἔχων ἔμιμνεν, ἦν ἂν εἰκὸσ λέγειν, φρονεῖν ὅπωσ δοκεῖ· κακῶσ μέν, ἀλλ’ ἔδοξε. νῦν δ’ ἐσ νόσον πεσὼν μακρὴν καὶ μὴ θάνῃ δεδοικὼσ ὁ μὴ θεοὺσ εἶναι λέγων, ὁ νηὸν οὐδὲ βλέψασ, ὁ πολλὰ χλευάσασ βροτούσ, ὅσοι θεοῖσ ἔθυον, οὐ μοῦνον ἐσχάρησ ὕπερ βωμῶν τε καὶ τραπέζησ κνίσῃ, λίπει, θυλήμασιν θεῶν ἔδαισε ῥῖνασ· οὐδ’ εἶπε μοῦνον, Ἤλιτον, σύγγνωτε τοῖσ πρίν·

ἀλλὰ καὶ γραῒ δῶκεν εὐμαρῶσ τράχηλον εἰσ ἐπῳδὴν καὶ σκυτίσιν βραχίονασ πεπεισμένωσ ἔδησε· ῥάμνον τε καὶ κλάδον δάφνησ ὑπὲρ θύρην ἔθηκεν, ἅπαντα μᾶλλον ἢ θανεῖν ἕτοιμοσ ὢν ὑπουργεῖν.

μωρὸσ δ’ ὃσ ἤθελέν τινοσ μισθοῦ τὸ θεῖον εἶναι, ὡσ τῶν θεῶν ὄντων ὅταν Βίων θέλῃ νομίζειν. τοιγὰρ μάτην φρονῶν, ὅτ’ ἦν ἅπασ ὁ λέμφοσ ἄνθραξ, τὴν χεῖρα τείνασ ὧδέ πωσ, Χαῖρ’, εἶπε, χαῖρε, Πλουτεῦ. Γεγόνασι δὲ Βίωνεσ δέκα·

πρῶτοσ ὁ Φερεκύδῃ τῷ Συρίῳ συνακμάσασ, οὗ φέρεται βιβλία δύο Ιἄδι· ἔστι δὲ Προκοννήσιοσ. δεύτεροσ Συρακόσιοσ, τέχνασ ῥητορικὰσ γεγραφώσ· τρίτοσ αὐτὸσ οὗτοσ· τέταρτοσ Δημοκρίτειοσ καὶ μαθηματικόσ, Ἀβδη· ρίτησ, Ἀτθίδι γεγραφὼσ καὶ Ιἄδι· οὗτοσ πρῶτοσ εἶπεν εἶναί τινασ οἰκήσεισ ἔνθα γίνεσθαι ἓξ μηνῶν τὴν νύκτα καὶ ἓξ τὴν ἡμέραν. πέμπτοσ Σολεύσ, Αἰθιοπικὰ γεγραφώσ· ἕκτοσ ῥητορικόσ, οὗ φέρεται ἐννέα βιβλία Μουσῶν ἐπιγραφόμενα· ἕβδομοσ μελικὸσ ποιητήσ· ὄγδοοσ Μιλήσιοσ ἀνδριαντοποιόσ, οὗ μέμνηται καὶ Πολέμων· ἔνατοσ ποιητὴσ τραγῳδίασ τῶν Ταρσικῶν λεγομένων· δέκατοσ ἀγαλματοποιὸσ Κλαζομένιοσ ἢ Χῖοσ, οὗ μέμνηται καὶ Ἱππῶναξ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Diogenes Laertius, Lives of Eminent Philosophers, D, Kef. z'. BIWN

(디오게네스 라에르티오스, Lives of Eminent Philosophers, D, Kef. z'. BIWN)

상위

목록

SEARCH

MENU NAVIGATION