헬라어 문장 검색 - Βαξξηψ́ΟδεσΓρέ2́03́

(바킬리데스, Οδεσ ̔Γρεεκ̓, dithyrambs, ode 17 Ηίθεοι [ἢ] Θησεύς)

Κυανόπρῳρα μὲν ναῦσ μενέκτυπον Θησέα δὶσ ἑπτά τ’ ἀγλαοὺσ ἄγουσα κούρουσ Ιαὄνων Κρητικὸν τάμνε πέλαγοσ· τηλαυγέϊ γὰρ [ἐν] φάρεϊ βορήϊαι πίτνον αὖραι κλυτᾶσ ἕκατι π[ο]λεμαίγιδοσ Ἀθάνασ· κνίσεν τε Μίνωϊ κέαρ ἱμεράμπυκοσ θεᾶσ Κύπριδοσ αἰνὰ δῶρα· χεῖρα δ’ οὐκέτι παρθενικᾶσ ἄτερθ’ ἐράτυεν, θίγεν δὲ λευκᾶν παρηί̈δων· βόασέ τ’ Ἐρίβοια χαλκο‐ θώρακα Πανδίονοσ ἔκγονον· ἴδεν δὲ Θησεύσ, μέλαν δ’ ὑπ’ ὀφρύων δίνασεν ὄμμα, καρδίαν τέ ϝοι σχέτλιον ἄμυξεν ἄλγοσ, εἶρέν τε· Διὸσ υἱὲ φερτάτου, ὅσιον οὐκέτι τεᾶν ἔσω κυβερνᾷσ φρενῶν θυμόν· ἴσχε μεγαλοῦχον ἡρ́ωσ βίαν. ὅ τι μὲν ἐκ θεῶν μοῖρα παγκρατὴσ ἄμμι κατένευσε καὶ Δίκασ ῥέπει τά‐ λαντον, πεπρωμέναν αἶσαν ἐκπλήσομεν, ὅταν ἔλθῃ·

σὺ δὲ βαρεῖαν κάτε‐ χε μῆτιν. εἰ καί σε κεδνὰ τέκεν λέχει Διὸσ ὑπὸ κρόταφον Ἴδασ μιγεῖσα Φοίνικοσ ἐρα‐ τώνυμοσ κόρα βροτῶν φέρτατον, ἀλλὰ κἀμὲ Πιτθέοσ θυγάτηρ ἀφνεοῦ πλαθεῖσα ποντίῳ τέκεν Ποσειδᾶνι, χρύσεον τέ ϝοι δόσαν ἰόπλοκοι κάλυμμα Νηρηί̈δεσ. τῶ σε, πολέμαρχε Κνωσίων, κέλομαι πολύστονον ἐρύκεν ὕβριν· οὐ γὰρ ἂν θελοι‐ μ’ ἀμβρότου ἐραννὸν Αοὖσ ἰδεῖν φάοσ, ἐπεί τιν’ ἠϊθέων σὺ δαμάσειασ ἀέκον‐ τα· πρόσθε χειρῶν βίαν δείξομεν· τὰ δ’ ἐπιόντα δαίμων κρινεῖ. τόσ’ εἶ]πεν ἀρέταιχμοσ ἡρ́ωσ·

τάφον δὲ ναυβάται φωτὸσ] ὑπεράφανον θάρσοσ· Ἁλίου τε γαμβρῷ χολώ[σατ’ ἦτορ, ὕφαινέ τε ποταινίαν μῆτιν, εἶπέν τε· μεγαλοσθενὲσ Ζεῦ πάτερ, ἄκουσον· εἴπερ μ[ε κούρ]α Φοίνισσα λευκώλενοσ σοὶ τέκε, νῦν πρόπεμπ’ ἀπ’ οὐρανοῦ θ[οὰν πυριέθειραν ἀστραπὰν σᾶμ’ ἀρίγνωτον· εἰ δὲ καὶ σὲ Τροιζηνία σεισίχθονι φύτευσεν Αἴθρα Ποσει‐ δᾶνι, τόνδε χρύσεον χειρὸσ ἀγλαὸν ἔνεγκε κόσμον <ἐκ> βαθείασ ἁλόσ, δικὼν θράσει σῶμα πατρὸσ ἐσ δόμουσ. εἴσεαι δ’ αἴ κ’ ἐμᾶσ κλύῃ Κρόνιοσ εὐχᾶσ ἀναξιβρόντασ ὁ πάντων μεδέων. κλύε δ’ ἄμετρον εὐχὰν μεγασθενὴσ Ζεύσ, ὑπέροχόν τε Μίνωϊ φύτευσε τιμὰν φίλῳ θέλων παιδὶ πανδερκέα θέμεν, ἄστραψέ θ’·

ὁ δὲ θυμάρμενον ἰδὼν τέρασ πέτασε χεῖρασ κλυτὰν ἐσ αἰθέρα μενεπτόλεμοσ ἡρ́ωσ, εἶρέν τε· Θησεῦ, <σὺ> τάδε μὲν βλέπεισ σαφῆ Διὸσ δῶρα· σὺ δ’ ὄρνυ’ ἐσ βα‐ ρύβρομον πέλαγοσ· Κρονίδασ δέ τοι πατὴρ ἄναξ τελεῖ Ποσειδὰν ὑπέρτατον κλέοσ χθόνα κατ’ ἠύ̈δενδρον. ὣσ εἶπε· τῷ δ’ οὐ πάλιν θυμὸσ ἀνεκάμπτετ’, ἀλλ’ εὐ‐ πάκτων ἐπ’ ἰκρίων σταθεὶσ ὄρουσε, πόντιόν τέ νιν δέξατο θελημὸν ἄλσοσ. τά[φ]εν δὲ Διὸσ υἱὸσ ἔνδοθεν κέαρ, κέλευσέ τε κατ’ οὖ‐ ρον ἴσχεν εὐδαίδαλον νᾶα· μοῖρα δ’ ἑτέραν ἐπόρσυν’ ὁδόν. ἱέτο δ’ ὠκύπομπον δόρυ·

ἄπιστον ὅ τι δαίμονεσ θέωσιν οὐδὲν φρενοάραισ βροτοῖσ· σόει νιν βορεὰσ ἐξόπιν πνέουσ’ ἀήτα· τρέσσαν δ’ Ἀθαναίων ἠϊθέων < πᾶν > γένοσ, ἐπεὶ ἡρ́ωσ θόρεν πόντονδε, κα‐ τὰ λειρίων τ’ ὀμμάτων δά‐ κρυ χέον, βαρεῖαν ἐπιδέγμενοι ἀνάγκαν· φέρον δὲ δελφῖνεσ ἁλι‐ ναιέται μέγαν θοῶσ Θησέα πατρὸσ ἱππί‐ ου δόμον, μέγαρόν τε θεῶν μόλεν· τόθι κλυτὰσ ἰδὼν ἔδεισ’ ὀλβίοιο Νη‐ ρέοσ κόρασ· ἀπὸ γὰρ ἀγλα‐ ῶν λάμπε γυίων σέλασ ὧτε πυρόσ, ἀμφὶ χαίταισ δὲ χρυσεόπλοκοι δίνηντο ταινίαι· χορῷ δ’ ἔτερ‐ πον κέαρ ὑγροῖσι ποσσίν· σεμνάν τε πατρὸσ ἄλοχον φίλαν ἴδε βοῶπιν ἐρατοῖ‐ σιν Ἀμφιτρίταν δόμοισ· ἅ νιν ἀμφέβαλεν αἰόλαν πορφύραν, κόμαισί τ’ ἐπέθηκεν οὔλαισ ἀμεμφέα πλόκον, τόν ποτέ ϝοι ἐν γάμῳ δῶκε δόλιοσ Ἀφροδίτα ῥόδοισ ἐρεμνόν. νᾶα παρὰ λεπτόπρυμνον φάνη·

φεῦ, οἱαίσιν ἐν φροντίσι Κνώσιον ἔσχασεν στραταγέταν, ἐπεὶ μόλ’ ἀδίαντοσ ἐξ ἁλὸσ θαῦμα πάντεσσι, λάμ‐ πε δ’ ἀμφὶ γυίοισ θεῶν δῶρ’, ἀγλαό‐ θρονοί τε κοῦραι σὺν εὐ‐ θυμία νεοκτίτῳ ὠλόλυξαν, ἔ‐ κλαγεν δὲ πόντοσ· ἠί̈θεοι δ’ ἐγγύθεν νέοι παιάνιξαν ἐρατᾷ ϝοπί. Δάλιε, χοροῖσι Κηί̈ων φρένα ἰανθεὶσ ὄπαζε θεόπομπον ἐσθλῶν τύχαν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Bacchylides, Οδεσ ̔Γρεεκ̓, dithyrambs, ode 17 Ηίθεοι [ἢ] Θησεύς

(바킬리데스, Οδεσ ̔Γρεεκ̓, dithyrambs, ode 17 Ηίθεοι [ἢ] Θησεύς)

상위

목록

SEARCH

MENU NAVIGATION