헬라어 문장 검색 - Αρριαν́Περιπλύ11́

(아리아노스, Periplus Ponti Euxini, chapter 11)

Τραπεζουντίοισ μέν, καθάπερ καὶ Ξενοφῶν λέγει, Κόλχοι ὅμοροι. καὶ οὓσ λέγει τοὺσ μαχιμωτάτουσ καὶ ἐχθροτάτουσ εἶναι τοῖσ Τραπεζουντίοισ, ἐκεῖνοσ μὲν Δρίλασ ὀνομάζει, ἐμοὶ δὲ δοκοῦσιν οἱ Σάννοι οὗτοι εἶναι. καὶ γὰρ μαχιμώτατοί εἰσιν ἐσ τοῦτο ἔτι καὶ τοῖσ Τραπεζουντίοισ ἐχθρότατοι, καὶ χωρία ὀχυρὰ οἰκοῦσιν, ἔθνοσ ἀβασίλευτον καὶ πάλαι μὲν καὶ φόρου ὑποτελὲσ Ῥωμαίοισ, ὑπὸ δὲ τοῦ λῃστεύειν οὐκ ἀκριβοῦσιν τὴν ἀποφοράν.

ἀλλὰ νῦν γε διδόντοσ θεοῦ ἀκριβώσουσιν, ἢ ἐξελοῦμεν αὐτούσ. τούτων δὲ ἔχονται Μάκρωνεσ καὶ Ἡνίοχοι· βασιλεὺσ δ̓ αὐτῶν Ἀγχίαλοσ.

Μακρώνων δὲ καὶ Ἡνιόχων ἐχόμενοι Ζυδρεῖται· Φαρασμάνου οὗτοι ὑπήκοοι. Ζυδρειτῶν δὲ Λαζοί· βασιλεὺσ δὲ Λαζῶν Μαλάσσασ, ὃσ τὴν βασιλείαν παρὰ σοῦ ἔχει. Λαζῶν δὲ Ἀψίλαι ἔχονται·

βασιλεὺσ δὲ αὐτῶν Ιοὐλιανόσ· οὗτοσ, ἐκ τοῦ πατρὸσ τοῦ σοῦ τὴν βασιλείαν ἔχει.

Ἀψίλαισ δὲ ὅμοροι Ἀβασκοί· καὶ Ἀβασκῶν βασιλεὺσ Ῥησμάγασ· καὶ οὗτοσ παρὰ σοῦ τὴν βασιλείαν ἔχει. Ἀβασκῶν δὲ ἐχόμενοι Σανίγαι, ἵναπερ καὶ ἡ Σεβαστόπολισ ᾤκισται· Σανιγῶν βασιλεὺσ Σπαδάγασ ἐκ σοῦ τὴν βασιλείαν ἔχει. Άψάρου ὡσ πρὸσ ἑώ ἐπλέομεν ἐν δεξιᾷ τοῦ Εὐξείνου, ὁ δὲ Ἄψαροσ πέρασ ἐφάνη μοι εἶναι κατὰ μῆκοσ τοῦ Πόντου·

ἔνθεν γὰρ ἤδη πρὸσ ἄρκτον ὁ πλοῦσ ἡμῖν ἐγίγνετο ἔστε ἐπὶ Χῶβον ποταμόν, καὶ ὑπὲρ τὸν Χῶβον ἐπὶ τὸν Σιγγάμην.

ἀπὸ δὲ Σιγγάμου ἐκάμπτομεν ἐσ τὴν λαιὰν πλευρὰν τοῦ Πόντου ἔστε ἐπὶ τὸν Ἵππον ποταμόν. ἀπὸ δὲ τοῦ Ἵππου ὡσ ἐπ̓ Ἀστέλεφον καὶ Διοσκουριάδα κατείδομεν τὸν Καύκασον τὸ ὄροσ, τὸ ὕψοσ μάλιστα κατὰ τὰσ Ἄλπεισ τὰσ Κελτικάσ.

καὶ τοῦ Καυκάσου κορυφή τισ ἐδείκνυτο ‐ Στρόβιλοσ τῇ κορυφῇ ὄνομα ‐ , ἵναπερ ὁ Προμηθεὺσ κρεμασθῆναι ὑπὸ Ἡφαίστου κατὰ πρόσταξιν Διὸσ μυθεύεται.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Periplus Ponti Euxini, chapter 11

(아리아노스, Periplus Ponti Euxini, chapter 11)

상위

목록

SEARCH

MENU NAVIGATION