헬라어 문장 검색 - Αρριαν́Αναβασί2́24́

(아리아노스, Anabasis, book 2, chapter 24)

Οἱ δὲ ἐπὶ τῶν νεῶν, οἵ τε Φοίνικεσ κατὰ τὸν λιμένα τὸν πρὸσ Αἰγύπτου, καθ̓ ὅνπερ καὶ ἐφορμοῦντεσ ἐτύγχανον, βιασάμενοι καὶ τὰ κλεῖθρα διασπάσαντεσ ἔκοπτον τὰσ ναῦσ ἐν τῷ λιμένι, ταῖσ μὲν μετεώροισ ἐμβάλλοντεσ, τὰσ δὲ ἐσ τὴν γῆν ἐξωθοῦντεσ, καὶ οἱ Κύπριοι κατὰ τὸν ἄλλον λιμένα τὸν ἐκ Σιδῶνοσ φέροντα οὐδὲ κλεῖθρον τοῦτόν γε ἔχοντα εἰσπλεύσαντεσ εἷλον εὐθὺσ ταύτῃ τὴν πόλιν. τὸ δὲ πλῆθοσ τῶν Τυρίων τὸ μὲν τεῖχοσ, ὡσ ἐχόμενον εἶδον, ἐκλείπουσιν, ἀθροισθέντεσ δὲ κατὰ τὸ Ἀγηνόριον καλούμενον ἐπέστρεψαν ταύτῃ ἐπὶ τοὺσ Μακεδόνασ.

καὶ Ἀλέξανδροσ ξὺν τοῖσ ὑπασπισταῖσ ἐπὶ τούτουσ χωρήσασ τοὺσ μὲν αὐτοῦ μαχομένουσ διέφθειρεν αὐτῶν, τοῖσ δὲ φεύγουσιν ἐφείπετο. καὶ φόνοσ ἦν πολύσ, τῶν τε ἀπὸ τοῦ λιμένοσ ἐχόντων ἤδη τὴν πόλιν καὶ τῆσ Κοίνου τάξεωσ παρεληλυθυίασ ἐσ αὐτήν.

ὀργῇ γὰρ ἐχώρουν ἐπὶ πᾶν οἱ Μακεδόνεσ, τῆσ τε πολιορκίασ τῇ τριβῇ ἀχθόμενοι καὶ ὅτι λαβόντεσ τινὰσ αὐτῶν οἱ Τύριοι πλέοντασ ἐκ Σιδῶνοσ ἐπὶ τὸ τεῖχοσ ἀναβιβάσαντεσ, ὅπωσ ἄποπτον εἰή ἀπὸ τοῦ στρατοπέδου, σφάξαντεσ ἔρριψαν εἰσ τὴν θάλασσαν. ἀπέθανον δὲ τῶν μὲν Τυρίων ἐσ ὀκτακισχιλίουσ, τῶν Μακεδόνων δὲ ἐν τῇ τότε προσβολῇ Ἄδμητόσ τε ὁ πρῶτοσ ἑλὼν τὸ τεῖχοσ, ἀνὴρ ἀγαθὸσ γενόμενοσ, καὶ ξὺν αὐτῷ εἴκοσι τῶν ὑπασπιστῶν·

ἐν δὲ τῇ πάσῃ πολιορκίᾳ μάλιστα ἐσ τετρακοσίουσ. Τοῖσ δὲ ἐσ τὸ ἱερὸν τοῦ Ἡρακλέουσ καταφυγοῦσιν ἡ̓͂σαν δὲ αὐτῶν τε τῶν Τυρίων οἱ μάλιστα ἐν τέλει.

καὶ ὁ βασιλεὺσ Ἀζέμιλκοσ καὶ Καρχηδονίων τινὲσ θεωροὶ ἐσ τιμὴν τοῦ Ἡρακλέουσ κατὰ δὴ τι[να] νόμιμον παλαιὸν εἰσ τὴν μητρόπολιν ἀφικόμενοἰ τούτοισ ξύμπασιν ἄδειαν δίδωσιν Ἀλέξανδροσ· τοὺσ δὲ ἄλλουσ ἠνδραπόδισε, καὶ ἐπράθησαν Τυρίων τε καὶ τῶν ξένων ὅσοι ἐγκατελήφθησαν μάλιστα ἐσ τρισμυρίουσ. Ἀλέξανδροσ δὲ τῷ Ἡρακλεῖ ἔθυσέ τε καὶ πομπὴν ἔστειλε ξὺν τῇ δυνάμει ὡπλισμένῃ·

καὶ αἱ νῆεσ ξυνεπόμπευσαν τῷ Ἡρακλεῖ, καὶ ἀγῶνα γυμνικὸν ἐν τῷ ἱερῷ καὶ λαμπάδα ἐποίησε· καὶ τὴν μηχανήν, ᾗ τὸ τεῖχοσ κατεσείσθη, ἀνέθηκεν ἐσ τὸν νεὼν καὶ τὴν ναῦν τὴν Τυρίαν τὴν ἱερὰν τοῦ Ἡρακλέουσ, ἥντινα ἐν τῷ ἐπίπλῳ ἔλαβε, καὶ ταύτην τῷ Ἡρακλεῖ ἀνέθηκεν καὶ ἐπίγραμμα ἐπ̓ αὐτῇ, ἢ αὐτὸσ ποιήσασ ἢ ὅτου δὴ ἄλλου ποιήσαντοσ, οὐκ ἄξιον μνήμησ τὸ ἐπίγραμμα· διὰ τοῦτο καὶ ἐγὼ αὐτὸ ἀναγράψαι ἀπηξίωσα, Τύροσ μὲν δὴ οὕτωσ ἑάλω ἐπὶ ἄρχοντοσ Νικήτου Ἀθήνησι μηνὸσ Ἑκατομβαιῶνοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 24

(아리아노스, Anabasis, book 2, chapter 24)

상위

목록

SEARCH

MENU NAVIGATION