헬라어 문장 검색 - Αρριαν́Αναβασί2́14́

(아리아노스, Anabasis, book 2, chapter 14)

Ἔτι δὲ ἐν Μαράθῳ Ἀλεξάνδρου ὄντοσ ἀφίκοντο παρὰ Δαρείου πρέσβεισ, ἐπιστολήν τε κομίζοντεσ Δαρείου καὶ αὐτοὶ ἀπὸ γλώσσησ δεησόμενοι ἀφεῖναι Δαρείῳ τὴν μητέρα καὶ τὴν γυναῖκα καὶ τοὺσ παῖδασ. ἐδήλου δὲ ἡ ἐπιστολή, ὅτι Φιλίππῳ τε πρὸσ Ἀρτοξέρξην φιλία καὶ ξυμμαχία ἐγένετο καὶ, ἐπειδὴ Ἀρσῆσ ὁ υἱὸσ Ἀρτοξέρξου ἐβασίλευσεν, ὅτι Φίλιπποσ ἀδικίασ πρῶτοσ ἐσ βασιλέα Ἀρσῆν ἦρξεν οὐδὲν ἄχαρι ἐκ Περσῶν παθών.

ἐξ οὗ δὲ αὐτὸσ βασιλεύει Περσῶν, οὔτε πέμψαι τινὰ Ἀλέξανδρον παῤ αὐτὸν ἐσ βεβαίωσιν τῆσ πάλαι οὔσησ φιλίασ τε καὶ ξυμμαχίασ, διαβῆναί τε ξὺν στρατιᾷ ἐσ τὴν Ἀσίαν καὶ πολλὰ κακὰ ἐργάσασθαι Πέρσασ. τούτου ἕνεκα καταβῆναι αὐτὸσ τῇ χώρᾳ ἀμυνῶν καὶ τὴν ἀρχὴν τὴν πατρῴαν ἀνασώσων.

τὴν μὲν δὴ μάχην ὡσ θεῶν τῳ ἔδοξεν οὕτω κριθῆναι, αὐτὸσ δὲ βασιλεὺσ παρὰ βασιλέωσ γυναῖκά τε τὴν αὑτοῦ αἰτεῖν καὶ μητέρα καὶ παῖδασ τοὺσ ἁλόντασ, καὶ φιλίαν ἐθέλειν ποιήσασθαι πρὸσ Ἀλέξανδρον καὶ ξύμμαχοσ εἶναι Ἀλεξάνδρῳ· καὶ ὑπὲρ τούτων πέμπειν ἠξίου Ἀλέξανδρον παῤ αὑτὸν ξὺν Μενίσκῳ τε καὶ Ἀρσίμᾳ τοῖσ ἀγγέλοισ τοῖσ ἐκ Περσῶν ἥκουσι τοὺσ τὰ πιστὰ ληψομένουσ τε καὶ ὑπὲρ Ἀλεξάνδρου δώσοντασ. Πρὸσ ταῦτα ἀντιγράφει Ἀλέξανδροσ καὶ ξυμπέμπει τοῖσ παρὰ Δαρείου ἐλθοῦσι Θέρσιππον, παραγγείλασ τὴν ἐπιστολὴν δοῦναι Δαρείῳ, αὐτὸν δὲ μὴ διαλέγεσθαι ὑπὲρ μηδενόσ.

ἡ δὲ ἐπιστολὴ ἡ Ἀλεξάνδρου ἔχει ὧδε· Οἱ ὑμέτεροι πρόγονοι ἐλθόντεσ εἰσ Μακεδονίαν καὶ εἰσ τὴν ἄλλην Ἑλλάδα κακῶσ ἐποίησαν ἡμᾶσ οὐδὲν προηδικημένοι· ἐγὼ δὲ τῶν Ἑλλήνων ἡγεμὼν κατασταθεὶσ καὶ τιμωρήσασθαι βουλόμενοσ Πέρσασ διέβην ἐσ τὴν Ἀσίαν, ὑπαρξάντων ὑμῶν. καὶ γὰρ Περινθίοισ ἐβοηθήσατε, οἳ τὸν ἐμὸν πατέρα ἠδίκουν, καὶ εἰσ Θρᾴκην, ἧσ ἡμεῖσ ἤρχομεν, δύναμιν ἔπεμψεν Ὦχοσ.

ὅπωσ πρόσ με πολεμῶσι, καὶ χρήματα ἀποστέλλοντοσ πρὸσ Λακεδαιμονίουσ καὶ ἄλλουσ τινὰσ τῶν Ἑλλήνων, καὶ τῶν μὲν ἄλλων πόλεων οὐδεμιᾶσ δεχομένησ, Λακεδαιμονίων δὲ λαβόντων, καὶ παρὰ σοῦ πεμφθέντων τοὺσ ἐμοὺσ φίλουσ διαφθειράντων καὶ τὴν εἰρήνην, ἣν τοῖσ Ἕλλησι κατεσκεύασα, διαλύειν ἐπιχειρούντων ‐ ἐστράτευσα ἐπὶ σὲ ὑπάρξαντοσ σοῦ τῆσ ἔχθρασ.

ἐπεὶ δὲ μάχῃ νενίκηκα πρότερον μὲν τοὺσ σοὺσ στρατηγοὺσ καὶ σατράπασ, νῦν δὲ σὲ καὶ τὴν μετὰ σοῦ δύναμιν, καὶ τὴν χώραν ἔχω τῶν θεῶν μοι δόντων, ὅσοι τῶν μετὰ σοῦ παραταξαμένων μὴ ἐν τῇ μάχῃ ἀπέθανον, ἀλλὰ παῤ ἐμὲ κατέφυγον, τούτων ἐπιμέλομαι καὶ οὐκ ἄκοντεσ παῤ ἐμοί εἰσιν, ἀλλὰ αὐτοὶ ἑκόντεσ ξυστρατεύονται μετ̓ ἐμοῦ.

ὡσ οὖν ἐμοῦ τῆσ Ἀσίασ ἁπάσησ κυρίου ὄντοσ ἧκε πρὸσ ἐμέ.

εἰ δὲ φοβῇ μὴ ἐλθὼν πάθῃσ τι ἐξ ἐμοῦ ἄχαρι, πέμπε τινὰσ τῶν φίλων τὰ πιστὰ ληψομένουσ. ἐλθὼν δὲ πρόσ με τὴν μητέρα καὶ τὴν γυναῖκα καὶ τοὺσ παῖδασ καὶ εἰ ἄλλο τι θέλεισ αἴτει καὶ λάμβανε. ὅ τι γὰρ ἂν πείθῃσ ἐμὲ ἔσται σοι. καὶ τοῦ λοιποῦ ὅταν πέμπῃσ παῤ ἐμὲ, ὡσ πρὸσ βασιλέα τῆσ Ἀσίασ πέμπε, μηδὲ [ἃ] ἐξ ἴσου ἐπίστελλε, ἀλλ̓ ὡσ κυρίῳ ὄντι πάντων τῶν σῶν φράζε εἴ του δέῃ·

εἰ δὲ μή, ἐγὼ βουλεύσομαι περὶ σοῦ ὡσ ἀδικοῦντοσ. εἰ δ̓ ἀντιλέγεισ περὶ τῆσ βασιλείασ, ὑπομείνασ ἔτι ἀγώνισαι περὶ αὐτῆσ καὶ μὴ φεῦγε, ὡσ ἐγὼ ἐπὶ σὲ πορεύσομαι οὗ ἂν ᾖσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 14

(아리아노스, Anabasis, book 2, chapter 14)

상위

목록

SEARCH

MENU NAVIGATION