헬라어 문장 검색 - Αρριαν́Αναβασί2́07́

(아리아노스, Anabasis, book 2, chapter 7)

Ὑπερβαλὼν δὴ τὸ ὄροσ Δαρεῖοσ τὸ κατὰ τὰσ πύλασ τὰσ Ἀμανικὰσ καλουμένασ ὡσ ἐπὶ Ἰσσὸν προῆγε· καὶ ἐγένετο κατόπιν Ἀλεξάνδρου λαθών. τὴν δὲ Ἰσσὸν κατασχών, ὅσουσ διὰ νόσον ὑπολελειμμένουσ αὐτοῦ τῶν Μακεδόνων κατέλαβε, τούτουσ χαλεπῶσ αἰκισάμενοσ ἀπέκτεινεν· ἐσ δὲ τὴν ὑστεραίαν προὐχώρει ἐπὶ τὸν ποταμὸν τὸν Πίναρον. καὶ Ἀλέξανδροσ ὡσ ἤκουσεν ἐν τῷ ὄπισθεν αὑτοῦ ὄντα Δαρεῖον, ἐπεὶ οὐ πιστὸσ αὐτῷ ὁ λόγοσ ἐφαίνετο, ἀναβιβάσασ εἰσ τριακόντορον τῶν ἑταίρων τινὰσ ἀποπέμπει ὀπίσω ἐπὶ Ἰσσόν, κατασκεψομένουσ εἰ τὰ ὄντα ἐξαγγέλλεται.

οἱ δὲ ἀναπλεύσαντεσ τῇ τριακοντόρῳ, ὅτι κολπώδησ ἦν ἡ ταύτῃ θάλασσα, μᾶλλόν τι εὐπετῶσ κατέμαθον αὐτοῦ στρατοπεδεύοντασ τοὺσ Πέρσασ· καὶ ἀπαγγέλλουσιν Ἀλεξάνδρῳ ἐν χερσὶν εἶναι Δαρεῖον. Ὁ δὲ συγκαλέσασ στρατηγούσ τε καὶ ἰλάρχασ καὶ τῶν ξυμμάχων τοὺσ ἡγεμόνασ παρεκάλει θαρρεῖν μὲν ἐκ τῶν ἤδη σφίσι καλῶσ κεκινδυνευμένων καὶ ὅτι πρὸσ νενικημένουσ ὁ ἀγὼν νενικηκόσιν αὐτοῖσ ἔσται καὶ ὅτι ὁ θεὸσ ὑπὲρ σφῶν στρατηγεῖ ἄμεινον, ἐπὶ νοῦν Δαρείῳ ἀγαγὼν καθεῖρξαι τὴν δύναμιν ἐκ τῆσ εὐρυχωρίασ ἐσ τὰ στενόπορα, ἵνα σφίσι μὲν ξύμμετρον τὸ χωρίον ἀναπτύξαι τὴν φάλαγγα, τοῖσ δὲ ἀχρεῖον τὸ πλῆθοσ [ὅτι] ἔσται τῇ μάχῃ, οὔτε τὰ σώματα οὔτε τὰσ γνώμασ παραπλησίοισ.

Μακεδόνασ τε γὰρ Πέρσαισ καὶ Μήδοισ, ἐκ πάνυ πολλοῦ τρυφῶσιν, αὐτοὺσ ἐν τοῖσ πόνοισ τοῖσ πολεμικοῖσ πάλαι ἤδη μετὰ κινδύνων ἀσκουμένουσ, ἄλλωσ τε καὶ δούλοισ ἀνθρώποισ ἐλευθέρουσ, εἰσ χεῖρασ ἥξειν·

ὅσοι τε Ἕλληνεσ Ἕλλησιν, οὐχ ὑπὲρ τῶν αὐτῶν μαχεῖσθαι, ἀλλὰ τοὺσ μὲν ξὺν Δαρείῳ ἐπὶ μισθῷ καὶ οὐδὲ τούτῳ πολλῷ κινδυνεύοντασ, τοὺσ δὲ ξὺν σφίσιν ὑπὲρ τῆσ Ἑλλάδοσ ἑκόντασ ἀμυνομένουσ· βαρβάρων τε αὖ Θρᾷκασ καὶ Παίονασ καὶ Ἰλλυριοὺσ καὶ Ἀγριᾶνασ τοὺσ εὐρωστοτάτουσ τε τῶν κατὰ τὴν Εὐρώπην καὶ μαχιμωτάτουσ πρὸσ τὰ ἀπονώτατά τε καὶ μαλακώτατα τῆσ Ἀσίασ γένη ἀντιτάξεσθαι·

ἐπὶ δὲ Ἀλέξανδρον ἀντιστρατηγεῖν Δαρείῳ. ταῦτα μὲν οὖν ἐσ πλεονεξίαν τοῦ ἀγῶνοσ ἐπεξῄει.

τὰ δὲ ἆθλα ὅτι μεγάλα ἔσται σφίσι τοῦ κινδύνου ἐπεδείκνυεν. οὐ γὰρ τοὺσ σατράπασ τοὺσ Δαρείου ἐν τῷ τότε κρατήσειν, οὐδὲ τὴν ἵππον τὴν ἐπὶ Γρανίκῳ ταχθεῖσαν, οὐδὲ τοὺσ δισμυρίουσ ξένουσ τοὺσ μισθοφόρουσ, ἀλλὰ Περσῶν τε ὅ τι περ ὄφελοσ καὶ Μήδων καὶ ὅσα ἄλλα ἔθνη Πέρσαισ καὶ Μήδοισ ὑπήκοα ἐποικεῖ τὴν Ἀσίαν καὶ αὐτὸν μέγαν βασιλέα παρόντα, καὶ ὡσ οὐδὲν ὑπολειφθήσεταί σφισιν ἐπὶ τῷδε τῷ ἀγῶνι ὅτι μὴ κρατεῖν τῆσ Ἀσίασ ξυμπάσησ καὶ πέρασ τοῖσ πολλοῖσ πόνοισ ἐπιθεῖναι. ἐπὶ τούτοισ δὲ τῶν τε ἐσ τὸ κοινὸν ξὺν λαμπρότητι ἤδη πεπραγμένων ὑπεμίμνησκεν καὶ εἰ δή τῳ ἰδίᾳ τι διαπρεπὲσ ἐσ κάλλοσ τετολμημένον, ὀνομαστὶ ἕκαστον ἐπὶ τῷ ἔργῳ ἀνακαλῶν.

καὶ τὸ αὑτοῦ οὐκ ἀκίνδυνον ἐν ταῖσ μάχαισ ὡσ ἀνεπαχθέστατα ἐπεξῄει. λέγεται δὲ καὶ Ξενοφῶντοσ καὶ τῶν ἅμα Ξενοφῶντι μυρίων ἐσ μνήμην ἐλθεῖν, ὡσ οὐδέν τι οὔτε κατὰ πλῆθοσ οὔτε κατὰ τὴν ἄλλην ἀξίωσιν σφίσιν ἐπεοικότεσ, οὐδὲ ἱππέων αὐτοῖσ παρόντων Θεσσαλῶν, οὐδὲ Βοιωτῶν ἢ Πελοποννησίων, οὐδὲ Μακεδόνων ἢ Θρᾳκῶν, οὐδὲ ὅση ἄλλη σφίσιν ἵπποσ ξυντέτακται, οὐδὲ τοξοτῶν ἢ σφενδονητῶν, ὅτι μὴ Κρητῶν ἢ Ῥοδίων ὀλίγων, καὶ τούτων ἐν τῷ κινδύνῳ ὑπὸ Ξενοφῶντοσ αὐτοσχεδιασθέντων, οἱ δὲ βασιλέα τε ξὺν πάσῃ τῇ δυνάμει πρὸσ Βαβυλῶνι αὐτῇ ἐτρέψαντο καὶ ἔθνη ὅσα κατιόντων ἐσ τὸν Εὔξεινον πόντον καθ̓ ὁδόν σφισιν ἐπεγένετο νικῶντεσ ἐπῆλθον·

ὅσα τε ἄλλα ἐν τῷ τοιῷδε πρὸ τῶν κινδύνων ἐσ παράκλησιν ἀνδράσιν ἀγαθοῖσ ἐξ ἀγαθοῦ ἡγεμόνοσ παραινεῖσθαι εἰκόσ.

οἱ δὲ ἄλλοσ ἄλλοθεν δεξιούμενοί τε τὸν βασιλέα καὶ τῷ λόγῳ ἐπαίροντεσ ἄγειν ἤδη ἐκέλευον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 7

(아리아노스, Anabasis, book 2, chapter 7)

상위

목록

SEARCH

MENU NAVIGATION