헬라어 문장 검색 - Αρριαν́Αναβασί2́04́

(아리아노스, Anabasis, book 2, chapter 4)

Αὐτὸσ δὲ τῇ ὑστεραίᾳ ἐπ̓ Ἀγκύρασ τῆσ Γαλατικῆσ ἐστέλλετο· κἀκεῖ αὐτῷ πρεσβεία ἀφικνεῖται Παφλαγόνων, τό τε ἔθνοσ ἐνδιδόντων καὶ ἐσ ὁμολογίαν ξυμβαινόντων· ἐσ δὲ τὴν χώραν ξὺν τῇ δυνάμει μὴ ἐσβαλεῖν ἐδέοντο. τούτοισ μὲν δὴ προστάσσει Ἀλέξανδροσ ὑπακούειν Κάλᾳ τῷ σατράπῃ τῷ Φρυγίασ.

αὐτὸσ δὲ ἐπὶ Καππαδοκίασ ἐλάσασ ξύμπασαν τὴν ἐντὸσ Ἅλυοσ ποταμοῦ προσηγάγετο καὶ ἔτι ὑπὲρ τὸν Ἅλυν πολλήν· καταστήσασ δὲ Καππαδοκῶν Σαβίκταν σατράπην αὐτὸσ προῆγεν ἐπὶ τὰσ πύλασ τὰσ Κιλικίασ. καὶ ἀφικόμενοσ ἐπὶ τὸ Κύρου τοῦ ξὺν Ξενοφῶντι στρατόπεδον, ὡσ κατεχομένασ τὰσ πύλασ φυλακαῖσ ἰσχυραῖσ εἶδε, Παρμενίωνα μὲν αὐτοῦ καταλείπει σὺν ταῖσ τάξεσι τῶν πεζῶν, ὅσοι βαρύτερον ὡπλισμένοι ἦσαν.

αὐτὸσ δὲ ἀμφὶ πρώτην φυλακὴν ἀναλαβὼν τούσ τε ὑπασπιστὰσ καὶ τοὺσ τοξότασ καὶ τοὺσ Ἀγριᾶνασ προῆγε τῆσ νυκτὸσ ἐπὶ τὰσ πύλασ, ὡσ οὐ προσδεχομένοισ τοῖσ φύλαξιν ἐπιπεσεῖν. καὶ προσάγων μὲν οὐκ ἔλαθεν, ἐσ ἴσον δὲ αὐτῷ κατέστη ἡ τόλμα.

οἱ γὰρ φύλακεσ αἰσθόμενοι Ἀλέξανδρον αὐτὸν προσάγοντα λιπόντεσ τὴν φυλακὴν ᾤχοντο φεύγοντεσ. τῇ δὲ ὑστεραίᾳ ἅμα τῇ ἑῴ ξὺν τῇ δυνάμει πάσῃ ὑπερβαλὼν τὰσ πύλασ κατέβαινεν ἐσ τὴν Κιλικίαν. καὶ ἐνταῦθα ἀγγέλλεται αὐτῷ Ἀρσάμησ ὅτι πρόσθεν μὲν ἐπενόει διασώζειν Πέρσαισ τὴν Ταρσόν, ὡσ δὲ ὑπερβεβληκότα ἤδη τὰσ πύλασ ἐπύθετο Ἀλέξανδρον ἐκλιπεῖν ἐν νῷ ἔχειν τὴν πόλιν·

δεδιέναι οὖν τοὺσ Ταρσέασ μὴ ἐφ̓ ἁρπαγὴν τραπεὶσ οὕτω τὴν ἀπόλειψιν τῆ Ταρσοῦ ποιήσηται. ταῦτα ἀκούσασ δρόμῳ ἦγεν ἐπὶ τὴν Ταρσὸν τούσ τε ἱππέασ καὶ τῶν ψιλῶν ὅσοι κουφότατοι, ὥστε ὁ Ἀρσάμησ μαθὼν αὐτοῦ τὴν ὁρμὴν σπουδῇ φεύγει ἐκ τῆσ Ταρσοῦ παρὰ βασιλέα Δαρεῖον οὐδὲν βλάψασ τὴν πόλιν.

Ἀλέξανδροσ δέ, ὡσ μέν Ἀριστοβούλῳ λέλεκται, ὑπὸ καμάτου ἐνόσησεν, οἱ δὲ ἐσ τὸν Κύδνον [τὸν]ποταμὸν λέγουσι ῥίψαντα νήξασθαι, ἐπιθυμήσαντα τοῦ ὕδατοσ, ἱδρῶντα καὶ καύματι ἐχόμενον. ὁ δὲ Κύδνοσ ῥέει διὰ μέσησ τῆσ πόλεωσ· οἱᾶ δὲ ἐκ τοῦ Ταύρου ὄρουσ τῶν πηγῶν οἱ ἀνισχουσῶν καὶ διὰ χώρου καθαροῦ ῥέων, ψυχρόσ τέ ἐστι καὶ τὸ ὕδωρ καθαρόσ· σπασμῷ τε οὖν ἔχεσθαι Ἀλέξανδρον καὶ θέρμαισ ἰσχυραῖσ καὶ ἀγρυπνίᾳ ξυνεχεῖ·

καὶ τοὺσ μὲν ἄλλουσ ἰατροὺσ οὐκ οἰέσθαι εἶναι βιώσιμον, Φίλιππον δὲ Ἀκαρνᾶνα, ἰατρόν, ξυνόντα Ἀλεξάνδρῳ καὶ τά τε ἀμφὶ ἰατρικὴν ἐσ τὰ μάλιστα πιστευόμενον καὶ τὰ ἄλλα οὐκ ἀδόκιμον ἐν τῷ στρατῷ ὄντα, καθῆραι ἐθέλειν Ἀλέξανδρον φαρμάκῳ· καὶ τὸν κελεύειν καθῆραι. τὸν μὲν δὴ παρασκευάζειν τὴν κύλικα, ἐν τούτῳ δὲ Ἀλεξάνδρῳ δοθῆναι ἐπιστολὴν παρὰ Παρμενίωνοσ φυλάξασθαι Φίλιππον·

ἀκούειν γὰρ διεφθάρθαι ὑπὸ Δαρείου χρήμασιν ὥστε φαρμάκῳ ἀποκτεῖναι Ἀλέξανδρον. τὸν δὲ ἀναγνόντα τὴν ἐπιστολὴν καὶ ἔτι μετὰ χεῖρασ ἔχοντα αὐτὸν μὲν λαβεῖν τὴν κύλικα ἐν ᾗ ἦν τὸ φάρμακον, τὴν ἐπιστολὴν δὲ τῷ Φιλίππῳ δοῦναι ἀναγνῶναι. καὶ ὁμοῦ τόν τε Ἀλέξανδρον πίνειν καὶ τὸν Φίλιππον ἀναγινώσκειν τὰ παρὰ τοῦ Παρμενίωνοσ.

Φίλιππον δὲ εὐθὺσ ἔνδηλον γενέσθαι, ὅτι καλῶσ οἱ ἔχει τὰ τοῦ φαρμάκου· οὐ γὰρ ἐκπλαγῆναι πρὸσ τὴν ἐπιστολήν, ἀλλὰ τοσόνδε μόνον παρακαλέσαι Ἀλέξανδρον, καὶ ἐσ τὰ ἄλλα οἱ πείθεσθαι ὅσα ἐπαγγέλλοιτο· σωθήσεσθαι γὰρ πειθόμενον. καὶ τὸν μὲν καθαρθῆναί τε καὶ ῥαΐσαι αὐτῷ τὸ νόσημα, Φιλίππῳ δὲ ἐπιδεῖξαι, ὅτι πιστόσ ἐστιν αὐτῷ φίλοσ, καὶ τοῖσ ἄλλοισ δὲ τοῖσ ἀμφ̓ αὐτὸν, ὅτι αὐτοῖσ τε τοῖσ φίλοισ βέβαιοσ εἰσ τὸ ἀνύποπτον τυγχάνει ὢν καὶ πρὸσ τὸ ἀποθανεῖν ἐρρωμένοσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

헬라어 텍스트

Arrian, Anabasis, book 2, chapter 4

(아리아노스, Anabasis, book 2, chapter 4)

상위

목록

SEARCH

MENU NAVIGATION