Aristophanes, Birds, Agon, pnigos

ὥσπερ δ’ ἤδη τοὺσ μαινομένουσ βάλλουσ’ ὑμᾶσ, κἀν τοῖσ ἱεροῖσ πᾶσ τισ ἐφ’ ὑμῖν ὀρνιθευτὴσ ἵστησι βρόχουσ παγίδασ ῥάβδουσ ἑρ́κη νεφέλασ δίκτυα πηκτάσ· εἶτα λαβόντεσ πωλοῦσ’ ἁθρόουσ· οἱ δ’ ὠνοῦνται βλιμάζοντεσ· κοὐδ’ οὖν, εἴπερ ταῦτα δοκεῖ δρᾶν, ὀπτησάμενοι παρέθενθ’ ὑμᾶσ, ἀλλ’ ἐπικνῶσιν τυρὸν ἔλαιον σίλφιον ὄξοσ καὶ τρίψαντεσ κατάχυσμ’ ἕτερον γλυκὺ καὶ λιπαρόν, κἄπειτα κατεσκέδασαν θερμὸν τοῦτο καθ’ ὑμῶν αὐτῶν ὥσπερ κενεβρείων.